یسوع تے نیکدیمس (یوحنا ۳ باب)
(تعارف) میڈے بھراؤ! میں امید کرینداہا ں جو تساں خیریت نال ہوسو اج اساں تہا کوں یسوع تے نیکدیمس دے بارے ءچ کہانڑی سنڑ ویسوں ۔نیکدیمس یسوع کوں کیا آکھیا جو اساں کیا کروں ۔تے خدا دی بادشاہی ء چ داخل تھی سگدے ہیں ۔آؤ اساں کہانڑی سنڑوں ۔
(1) فریسیاں ء چوں ہک بندا نیکدیمس ناں دا ہک مذہبی راہنما ہا۔(2) اونیں رات کوں یسوع دے کولھ آتے اونکوں آکھیا اے استاد اساں جانڑدے ہیں جو تُوں خدا دی طرفوں استاد تھی کے آیا ہیں کیوں جو جیہڑے معجزے توں ڈیکھیندا ہیں کوئی بندا نیں ڈیکھا سگدا جئیں تئیں خد ا اوندے نال نہ ہوے ۔(3)یسوع نیں جواب ڈتا میں تہاکوں سچ آہدھاں جئیں تئیں کوئی نویں سرے توں پیدا نہ تھیوےاو ہ خدا دی بادشاہت کوں ڈیکھ نیں سگدا۔(4) نیکدیمس نیں آکھیا بندا بڈھا تھی ونجے تے کیویں پیدا تھی سگدا ہے کیا او ہ ولا اپنڑی ماں دے پیٹ ء چ داخل تھی تے پیدا تھی سگدے؟۔(5)یسوع نیں جواب ءچ آکھیا میں تیکوں سچ آہدھاں جڈاں تئیں کوئی بندا پانڑی تے روح نال پیدا نہ تھیوے او ہ خدا دی بادشاہی ء چ داخل نیں تھی سگدا۔(6) جیہڑا جسم نال پیدا تھیندا ہے اوہ جسم ہے، تےجیہڑا روح نال پیدا تھیندا ہے او ہ روح ہے۔(7) تعجب نہ کر جو میں تیکوں آکھیا ،جو تیکوں نویں سرے توں پیدا تھیونڑاں ضروری ہے۔(8) ہوا جتھاں چاہندی ہے چلدی ہے توں اوندی آواز تاں سنڑدا ہیں پر جانڑدا نئیں جو اوہ کتھوں آندی ہے تے کتھاں ویندی ہے جیہڑا کوئی روح نال پیدا تھیا ہے اینویں ای ہے۔(9) نیکدیمس نیں جواب ء چ آکھیا اے گالھیں کینویں تھی سگدیاں ہن۔(10) یسوع نیں جواب ء چ اونکوں آکھیا بنی اسرائیل دا استاد تھی کے کیا توں انھاں گالھیں کوں نیں جانڑدا ۔(12) جڈاں میں تہاڈے نال زمین دیاں گالھیں کیتیاں تساں یقین نہ کیتا تے جے میں تہاکوں آسمان دیاں گالھیں آکھاں تاں کینویں یقین کریسو۔(15) کیوں جو خدا نیں دنیا نال ایجھی محبت رکھی ہے جو اونیں اپنڑا اکلوتا پوتر (صفحہ نمبر3۔دے تعارف ءچ ڈیکھو)بخش ڈتا تاں جو جیہڑا کوئی اوندے اتے ایمان گھن آوے ہلاک نہ تھیوے بلکہ ہمیشہ دی زندگی پاوے ۔(17) کیوں جو خدا نیں اپنڑے پوتر کوں دنیا ء چ ایں واسطے نئیں بھیجیا جو دنیا ا تے سزا دا حکم کرے بلکہ ایں واسطے جو اوندے وسیلے نال دنیا نجات پاوے ۔
دوستو !میں امید کرینداہا ں جو اج دی کہانڑی بہوں چنگی لگی ہوسی۔تے ایں کہانڑی ء چ چار سوال ہِن تساں میکوں ضرور جواب ڈیسو۔
(1) نیکدیمس آلی کار لکھاں لوک ایں دنیا ء چ موجود ہِن نیکدیمس دا کیا خیال ہا جو اوہ جنت ءچ کینویں ویسی او نیں اینویں کیوں سوچیا تے یسوع نیں اونکوں کیا ڈسایا؟
(2) کونڑ خدا دی بادشاہی کوں ڈیکھ نئیں سگدا ، نویں سرے توں پیدا تھیونڑ توں کیا مراد ہے ؟
(3) یسوع نیں کیا فرمایا جو ساکوں کیہڑی چیز نال نویں سرے توں پیدا تھیونڑ دی ضرورت ہے ، کوئی بندا ابدی زندگی کینویں حاصل کر سگدا ہے ؟
(4) ایں واقعہ ء چ او ہ کیہڑی گالھ ہے جیں توں ایہہ ظاہر تھیندا ہے جو خدا ساری دنیا نال محبت رکھیندا ہے؟
