ابرام دی بُلاہٹ

(پیدائش 12۔13۔ 15ابواب)

تعارف۔نوح تے اوندے پوتراں دیاں ذالیں دا بیڑی توں باہرنکلنڑ دے بعد اُنھاں نے  زندگی دا آغاز کیتا تے انھاں دی اولاد پوری دُنیا ءچ ودھ گئی ۔ول خُدا دا ظہور  ابرام اتے تھیا۔

 (پیدائش 12 باب کی آیات)  

خُدا نے ابرام کوں آکھیا جو توں آپنڑے وطن ، آپنڑے  رشتہ داراں ءچوں  تےآپنڑے  پیو دے گھر ءچوں نکل تے اُوں ملک ءچ ونج جیہڑا میں تیکوں ڈکھیساں۔تے  میں تیکوں ہک قوم  بنڑیساں تے برکت ڈیساں تیڈا ناں سرفراز کریساں،تو ں برکت دا باعث ہوسیں۔ جییڑے تیکوں مُبارک آکھیسن اُنھاں کوں میں برکت ڈیساں جیہڑے تیڈے اتے لعنت    کریسین میں اُنھاں اتے لعنت کریساں۔ زمین دے سارے قبیلے تیڈے وسیلے نال برکت پےسین ۔ ول ابرام خُدا دے آکھنڑ دے مُطابق ٹُر پیا تے لوط اُوندے نال گیاتے ابرام پنجھتر سال دا ہاجیں  ویلے او ہ حاران توں روانہ تھیا۔ ابرام نےآپنڑی ذال سارہ تے آپنڑے  بھتریجے لوط کُوں اُوں سارے مال کوں جیہڑا انھاں   نے جمع کیتا ہاانھاں  بندیاں دے جیہڑے حاران ءچ مل گئے  ہن نال گھدا۔ اوہ مُلکِ کنعان کُو ں روانہ تھئے۔

پیدائش باب 13کی آیات

ابرام دے کولھ چاندی ،سونا ڈھیر  ہا۔ ول لوط دے کولھ جیہڑا ابرام دا ہم سفر ہا بھیڈاں، بکریاں، گایئں تے ڈاندڈھیر ہن۔ اُوں مُلک ءِچ اتنی گنجائش نہ ہئی جو اوہ  کٹھے رہندے۔کیوں جو اُنھاں کولھ مال اتنا  ہا جو اوہ کھٹے نہ رہ سگدے  ہن ۔ ابرام  نے  لوط کُوں آکھیا میڈے تے تیڈے ءچ ،تے میڈے آجڑیاں دے تے تیڈے آ جڑیاں  ءچ جھیڑا نہ تھیوے۔کیوں جو اساں بھرا ہیں۔ کیا ایہہ سارا مُلک تیڈے سانمڑے نئیں ،توں کھبے جاویں تے میں سجے جاساں ۔جے توں سجےجاویں ،ول میں کھبے ویساں۔ ول لوط نےاکھ چا تےیردن دی ساری ترائی دی جاہ جیہڑی ضغر  آلے پاسے  ہئی نظر کیتی ۔کیوں جو ایں توں پہلوں جو خُدا نے  سدوم تے عمورہ کو تباہ کیتا ہئی،خُدا دے باغ، تے مصر دے مُلک  آلی کار بہوں پانڑی آلی،تےچنگی  جاہ ہئی ۔ ول لوط نے  یردن دی ساری ترائی کوں آپنڑے  کیتے چُنڑ گھدا۔او ہ سیجھ اُبھرنڑ آلے پاسوں ٹُر پیا۔ اوہ ہک ڈوجھے کولوں جُدا تھی گئے۔ ول لوط دے جدا تھی ونجڑ دے بعد خُدا نے  ابرام کوں آکھیا آپنڑی اکھ چا جیہڑی جاہ اتے توں ہیں اُتھوں شُمال،جنوب، مشرق تے مغرب تئیں نظر بھواں۔ کیوں جو ایہہ سارا مُلک جیہڑا   تیکوں   نظر  دا پئے  ،میں تیکوں ،تے تیڈی نسل کُوں ہمیشہ کیے  ڈےڈیساں ۔

پیدائش 15 باب 5 آیت

او ہ اُونکوں  باہر گھن گیاتے آکھیا ! ہنڑ آسمان آلے پاسے نگاہ کر جے  توں تاریاں کُوں گھنڑ سگدا ہیئں تاں گینڑ،تے اُونکوں آکھیا تیڈی اولاد ایویں تھی سی۔ او ہ خُدا تے ایمان گھن آیا ۔اینکوں اُو نیں  اوندے حق ءِچ راست بازی شُمار کیتا۔

سوالات:

۔خُدا نےابرام کوں کیا کرنڑدا آکھیا؟

۔ ابرام دے رشتہ دار کیندی پُوجا کریندے ہن؟

۔ابرام دے کیتے کیا راستبازی دا شُمار کیتا؟