ایمان نال پوشاک کوں چھیکنڑاں (لوقا ۸ باب , متی ۹ باب)
تعارف۔ میڈے بھراؤ !اج اساں تہاکوں ہک عورت دے بارے ءچ کہانڑی سنڑویسوں اوں عورت داایمان ہا جو ” جے میں المسیح دے کپڑیاں کوں وی ہتھ لاواں تاں میں شفاء پا سگدی ہاں”۔آؤ اساں عورت دے بارے ء چ مکمل کہانڑی سنڑوں ۔
میڈے بھراؤ !ایں کہانڑی ء چ ڈو معجزات ہِین ہک ہے عورت جیندا باراں سال توں خون نہ رکدا ہا ۔ تے بیا ہے جو ہک چھوہر مر ویندی ہے اِنھاں ڈوہائیں معجزات دے وسیلے نال اساں برکت پِیسوں ۔
(لوقا:8:40) جڈاں المسیح واپس آیا تاں لوکاں نیں خوشی نال انھاں دا استقبال کیتا۔41۔ ہک یائر ناں دا شخص ہا، جہڑا عبادت خانہ دا سردار وی ہا۔او یسوع ڈے قدماں تے گر کے منت کیتی کہ میڈے گھر جُلو۔(42) کیوں جو اوندی ہکا دِھی جیہڑی تقریباََ بارہاں سَال دی ہئی مرنڑ کوں ہئی ۔جڈاں المسیح ویندا پیا ہا تاں ہجوم اتنازیادہ ہئی جو کھڑا تھیونڑ دی وی جاہ نہ ہئی۔(43) اوں ویلے ہک عورت نیں جیندا بارہاں سَالاں توں خون جاری ہا تے او ہ اپنڑاں سارا مال حکیماں ء چ خر چ کر چکی ہئی اونکوں کہیں توں شفاء نہ ملی ہئی۔(44) اونیں یسوع دے پچھوں آتے اوندی پوشاک دا کنارا پکڑیا تے اوں ویلے ای اوندا خون رک گیا۔(45) ایں توں یسوع نیں پچھیا جو او ہ کونڑہے جئیں میکوں ہتھ لایا ؟جڈاں سارے انکار کرنڑ لگے تاں پطرس تے اوندے ساتھیاں نیں آکھیا جو اَے مالک لوک تیکوں دبا تے تیڈے اتے ڈھٹھے پئے ہِین۔(46) پر المسیح نیں آکھیا کہیں نیں میکوں ہتھ تاں لایاہے کیوں جو میکوں معلوم تھئے جو میڈے ءچوں قوت نکلی ہے۔(47)جڈاں اوں عورت نیں ڈیٹھا جو میں لک نیں سگدی تاں کمبدی ہوئی آئی تےاوندے اگو ں ڈھے تے سارے لوکاں دے سانمنڑے بیان کیتا جو میں کیہڑے سبب نال المسیح کوں ہتھ لایا تے کیویں اوں ویلے شفاء پا گھدی ہے۔(48) المسیح نیں اونکوں آکھیا دِھی تیڈے ایمان نیں تیکوں چنگا کیتا ہے سلامت لگی ونج۔49 ) المسیح ایہہ آدھا ای پیا ہا جو یائر دے گھر توں کہیں نیں آتے آکھیا جو تیڈی دھی مر گئی ہے۔(50) المسیح نیں ایہہ سنڑتے یائر کوں آکھیا خوف نہ کر صرف اعتقاد رکھ او ہ بچ ویسی۔(51) المسیح نیں یائر دے گھر ونج تے۔(54) اوندی دِھی دا ہتھ پکڑیا تے آکھیا کہ اَے چوہیر اُٹھ ۔(۵۵) اوندی روح وَل واپس آئی تے او ہ اوں ویلے اٹھی بیٹھی۔(56) اوندے ماں پیو حیران تھئے لیکن المسیح نیں انھاں کوں تاکید کر تے آکھیا جو جیہڑا کجھ تھیا ہے اوندی بابت کہیں کوں کجھ نہ آکھائے۔
میڈے بھراؤ تساں ایں کہانڑی دے وسیلے نال بہوں برکت پاتی ہوسی ایں کہانڑی ء چ چار سوال ہِن۔
(۱) عورت نیں شفاء پاونڑ کیتے کیا کیتا؟
(۲) المسیح نیں ایں ناپاک سمجھی گئی عورت کوں شفاء ڈیونڑ دے علاوہ معاشرے دے نال ایندا تعلق بحال کرنڑ کیتے کیا آکھیا ؟
(۳) المسیح نیں آکھیا جو کیا چیز ایں عورت دے شفاء پاونڑ دی وجہ بنڑی ہئی؟
(۴) المسیح نیں کیا فرمایا جو یائر دی دھی کیویں ٹھیک تھی ویسی؟
