خُدا آدم تے حوّا کُوں تخلیق کریندا ہے (پیدائش باب 2)
تعارف:ایہہ واقعہ ہک ایجھے انسان دا ہے جینکُوں بہشت ءِچ رکھا گیا ہا۔ اساں جانڑن دی کوشش کریسوں جو ایہہ واقعہ ساکُوں خُدا دے بارے ءچ کیا ڈسیندا ہے۔ایہہ واقعہ بیان کریندے جو خُدانے آدم کیتے ہک ذال دا وی انتظام کیتا۔اِیندے تُوں ساکُوں ایہہ وی معلوم تھیندے جو خُدادی مَرد تے عورت دے رشتے دے بارے ءچ کیا سوچ ہے۔
1۔ اس طرح آسمان تے زمین تے اُنہاں دے کُل لشکر دا بنڑاختم تھیّا۔
2۔ تےخُدا نےآپنڑے کام کوں جہڑےکوں او کریندا پیا ہا سَتویں ڈینہہ فارغ تھیّا۔
3۔تے خُدا نے ستویں ڈینہہ کُوں برکت ڈتی تےاُونکُوں مُقدس آکھیا کیوں جو اُوں ڈینہہ ءچ خُدا ساری کائنات توں جینکوں اُس نے پیدا کیتا تے بنڑایا ہا فارغ تھیّا۔
(باغِ عدن)
4۔ ایہہ ہے آسمان تے زمین دی پیدائش، جڈاں ایہہ خلق تھئے جہڑے ڈنہہ خُدا نے زمین تے آسمان کُوں بنڑایا۔
5۔تے زمین اُتے اجنڑ تئیں کھیت دا کوئی پودا نہ ہا تے نہ میدان دی کوئی سبزی ہنڑ تئیں اُگی ہیی کیوں جو جو خُداوند خُدا نے زمین اُتے پانڑی نہ وسایاہاتے نہ زمین اُتے رڑھ واہی کرݨ کیتے کوئی انسان ہا۔
6۔کیوں جو زمین توں ہک کُہر اُٹھدی ہئی جیہڑی ساری زمین کُوں تَر کریندی ہئی۔
7۔ول خُداوند خُدا نے زمین دی مٹی تُوں انسان کُوں بنڑایا تے اُوندے نک ءچ زندگی دا دم پُھونکیا تاں انسان جیندی جان تھیّا۔
8۔خُدانے سیجھ اُبھرݨ آلے پاسُوں عدن ءچ ہک باغ لایا تے انسان کُوں جینکُوں اونیں بنڑایا ہئی، اُتھاں رکھیّا۔
9۔ تے خُداوند خُدا نے ہر درخت کُوں جہیڑا ویکھن ءچ سوہنا تے کھاو ݨ کیتے چنگا ہا زمین ءچوںاُگایاتےباغ دے درمیانءچ زندگی دا درخت تے نیکی تے بدی دی پچھاݨ دا درخت وی لگایا۔
10۔تے باغِ عدن ءچوں ہک دریا باغ دے سیراب واسطے نکلیا،تے اُتھوں اوہ چار شاخاں ءچ تقسیم تھیّا۔
11۔ پہلی دا ناں فیسون ہےجیہڑی حویلہ دِی ساری زمین کُوں جِتھاں سونا مِلدا ہے، گھیر ے ءچ ہے۔
12۔تےاِیں زمین داسونا چوکھا ہے تے اُتھاں موتی تے سنگِ سُلیمانی وی ہِن۔
13۔ ڈوجھی ندی دا ناں جیحون ہے جیہڑی کُوش دِی ساری زمین کُوں گھیری پئی ہے۔
14۔ تےتریجھی ندی دا ناں دجلہ ہے جیہڑی اَسور دے سِیجھ اُبھرݨ آلے پاسے ویندی ہئی تے چوتھی ندی دا ناں فرات ہے۔
15۔تے خُداوند خُدا نے آدم کُوں گھن تے باغِ عدن ءچ رکھیا تاں جو اُوندی رکھوالی تے نگرانی کرے۔
16۔اور خُداوند خُدا نے آدم کُوں حُکم ڈِتا تے آکھیاجو تُوں باغ دے ہر درخت دا پھل بے روک ٹوک کھا سگدیں۔
17۔ پَر نیکی تے بدی دی پچھاݨ دے درخت دا پھل کڈی نہ کھانویں کیوں جےجیہڑے ڈینہہ تُوں اوہدے ءچوں کھاسیں تُومرویسیں ۔
18۔تے خُداوند خُدانے آکھیا کہ آدم دا کلھا راہونڑاں چنگا نئیں۔ میں اُوندے کیتے ہک مدد گار اُوندے آلی کاربنڑیساں۔
19۔تےخُداوند خُدا نے کُل ٹُرݨ تے پِھرݨآلے جانوراں تے ہوا دےکُل پکھیاں کُوں مٹی نال بنڑائےتےاُنہاں کُوں آدم دےکولھ گھن ونجیا گیا،تاں جو ڈیکھے جواوہ اُنہاں دے کیا ناں رکھیندےتے آدم نے جیہڑے جانور کُوں جہڑا آکھیا اُوہو اُوندا ناں تھیا۔
20۔ تےآدم نےکُل جانوراں تےکُل جنگلی جانوراںڈے ناں رکھے پر آدم کیتےکوئی مدد گار اُوندے آلی کار نہ مِلیا۔
21۔تےخُداوند خُدانے آدم اُتے ڈاڈھی نیندر بھیجی۔ تےاوہ سَم گیا تے اُونیں اُوندیاں پسلیاں ءچوں ہک کُوں کڈھ گھدا تےاُوندی جاہ تےگوشت بھر ڈتا۔
22۔تےخُداوند خُدا اُو پسلی توں جہڑی اُوندے ءچوں کڈھی ہئی، اُوندے نال ہک عورت بنڑا تے او کوں آدم دے کولھ گھن آیا۔
23۔تے آدم نے آکھیاجے ایہہ تاں ہنڑ میڈیاں ہڈیاں ءچوں ہڈی تے میڈے گوشت ءچوں گوشت ہے، ایں کیتے اوہ ناری اَکھویسی کیوں جو اوہ نر ءچوں کڈھی گئی ۔
24۔ ایں واسطے مرد آپنڑے ماں پِیُو کُوں چُھڑیسی تے آپنڑی ذال نال جُڑیاراہسی تےاوہ ہک تن ہوسن۔
25۔تے آدم تے اُوندی ذال ڈوہائیں ننگے ہَن تےشرماندے نہ ہنڑ۔
1۔ خُدا نےانسان کُوں جینکُوں اُونیں پیدا کیتا ہا، کِتھاں رکھیا؟
2۔ باغ کیجھا ہا؟
3۔ خُدا نے آدم کُوں کیا ذمہ داری ڈتی؟
4۔ خُدانے عورت کُوں کیویں پیدا کیتا؟
5۔ عورت تے مرد دے پیدا تھیو ݨ نال اساں خُدا دی شادی دے بارے ءچ کیا سوچ رکھیندے ہئیں؟
