قیدی پولوس۔اعمال26۔باب
(تعارف)’’ دوستو ! ایں کہانڑی دا تعارف کجھ ایہہ ہے کجھ عرصہ بعد مقدس پولس یروشلیم ءچ واپس آئے تاں یہودیاں نیں انھاں کوں قید خانہ ءچ سَٹ ڈتا ۔مقدس پولس دی حفاظت دی غرض نال انھاں کوں یروشلیم نال ساحل تےقیصریہ منتقل کر ڈتاگیا کیوں جو اتھاں اگر پا ناں داہک اعلیٰ تعلیم یافتہ رومی حکمران مقدس پولس توں گواہی سنڑڑاں چاہندا ہا۔ایہہ تقریباً 68 سال بعد از المسیح دا واقعہ ہے۔’’ دوستو آؤاساں مکمل کہانڑی سنڑوں۔
(1)’’ اگرپا نیں مقدس پولس کوں آکھیا جو تیکوں اپنڑے واسطے بولنڑدی اجازت ہےمقدس پولس اپنڑا جواب ایں پیش کرنڑ لگا اے اگرپا۔(9)’’ میں وی سمجھیا ہا جو المسیح ناصری دے ناں دی ہرطرح مخالفت کرنڑاں میں تے واجب ہے ۔(10)’’ ایں واسطے میں یروشلیم ءچ ایویں ای کیتا تے سردار کاہناں دی طرفوں اختیار پا تے بہوں سارے ایمانداراں کوں قید ءچ سَٹیا۔(12)’’ ایں حال ءچ سردار کاہنا ں توں اختیار تےپرمٹ گھن تے دمشق دو ویندا ہامی۔(13)’’ وَل میں راہ ءچ ڈیٹھا جو ڈینہہ دے سوجھلے توں زیادہ ہک سوجھلاہآسمان توں میڈے تےمیڈے ساتھیاں دے آسو ں پاسو ں آ چمکیا۔(14)’’ جڈاں اساں زمین تے ڈھے پئے تاں میں ایہہ آواز سنڑی جو اے ساؤل اے ساؤل توں میکوں کیوں ستیندا ہین۔؟(15)’’ میں آکھیا اے مالک توں کونڑ ہین۔؟ آواز آئی میں المسیح ہاں جیکوں توں ستیندا ہیں ۔(16)’’ لیکن اٹھ اپنڑیں پیراں تےکھڑا تھی تے میں ایں واسطے ظاہر تھیا ہاں جو توں غیر قوم ءچ میڈا گواہ ہوویں۔(18)’’ توں انھاں دیاں اَکھیں کھول ڈےتاں جواندھارے توں سوجھلے آلے پاسے تےشیطان دے اختیار توں خدا آلے پاسے رجوع گھن آوین تےمیں تےایمان گھن آونڑدے باعث گناہاں دی معافی حاصل کرن ۔(19)’’ ایں واسطے اے اگرپا بادشاہ میں اوں آسمانی حکم دا نا فرمان نہ تھیا۔(20)’’ میں سارے ملک تےغیر قوم کوں سمجھیندا ریہا جو توبہ کرنڑ تےخدا آلے پاسے رجوع گھن آ تے توبہ دے موافق کم کرنڑ۔(21)’’ انہیں گالھیں دے اتے یہودیاں نیں میکوں ہیکل ءچ پکڑ تے مار ڈیونڑ دی کوشش کیتی۔(22)’’ پر خداوند دی مدد نال میں اج تئیں قائم ہاں تےچھوٹے وڈے ساریاں دے سانمنڑے گواہی ڈینداہاں تےانہیں گالھیں دے سوا بیا کجھ نیں آدھا جنھاں دی پیشنگوئی نبیاں تےموسیٰ نیں وی کیتی ہے۔(23)’’ جو المسیح کوں ڈکھ چاونڑاں ضرور ہےتےساریاں توں پہلے اوہو مردیاں ءچوں زندہ تھی تے ایں امت کوں تےغیر قوم کوں وی نور دا پرچار کریسی۔(24)’’ جڈاں اوہ ایویں گالھیں کریندا پیا ہا تاں فیستس نیں وڈی آواز نال آکھیا اے پولوس توں دیوانہ ہین بہوں زیادہ علم نیں تیکوں دیوانہ کر ڈتا ہے۔(25)’’ پولوس نیں آکھیا اے فیستس بہادر ! میں دیوانہ نیں بلکہ سچائی تےہوشیاری دیاں گالھیں آدھا ہاں۔(26)’’ چنانچہ بادشاہ جئیں توں میں دلیری توں کلام کرینداں ہاں اے گالھیں جانڑدا ہے تےمیکوں یقین ہےجو انھاں گالھیں ءچو ں کوئی اوں توں لکیاں نئیں کیوں جو ایہہ ماجرہ کہیں کونے ءچ نئیں تھیا۔(27)’’ اے اگر پا بادشاہ کیا توں نبیاں دا یقین کریندا ہینِ ؟ میں جانڑدا ہاں توں یقین کریندا ہینِ ۔(28)’’ اگرپا نیں پولس کوں آکھیا توں تاں تھوڑی جیہی نصیحت کر تے میکوں مسیحی کر گھنڑاں چاہندا ہین ۔(29)’’ میں تے خدا توں چاہنداہاں جو تھوڑی جیہی نصیحت نال یا بہوں نال صرف توں ای نیں بلکہ جتی لوک اج میڈی سنڑدے ہین میڈے آلی کار تھی ونجنڑسوائے انھاں زنزیراں دے۔(30)’’ وَل بادشاہ تےحاکم تےبرنیکے تےبئے لوک اٹھی کھڑے تھئے۔(31)’’ تےعلیحدہ ونج تے ہک ڈوجھے نال گالھیں کرنڑ لگے ایں بندے نیں کجھ ایجھا تاں نئیں کیتا جو قتل یا قید دے لائق ہووے۔(32)’’اگرپا نیں فیستس کوں آکھیا جے ایہہ بندا قیصر کوں اپیل نہ کریندا تاں رہاتھی سگدا ہا۔
’’ دوستو ! ساڈی ایں کہانڑی ءچ چار سوال ہین میں امید کرینداہا ں جو تساں ساکوں انھاں سوالاں دے ضرور جواب ڈیسو۔ آؤاساں سوال سنڑوں۔
(1)’’مقدس پولس نیں کیا ڈسایا جو ایمان گھن آنونڑ توں پہلے او ہ مسیحیاں دے نال کیجھا سلوک کریندا ہا۔؟
(2)’’ مقدس پولس دی جڈاں یسوع نال پہلی ملاقات تھئی تاں المسیح نیں اونکوں کیا آکھیا تےمقدس پولس نیں کیویں جواب ڈتا۔؟
(3)’’ رومی گورنر کیوں رڑھ اٹھیا تے مقدس پولس نیں کیویں جواب ڈتا۔؟
(4)’’اگرپا بادشاہ نیں کیا آکھیا۔؟
