"شیطان تے رُوحاں دی دُنیا (یسعیاہ نبی دی کتاب 14 باب، 15-12آیات)
تعارف: اَساں جانڑسوں جو لُوسیفر فرشتہ کیویں شیطان بنڑیا۔ اوہ خُدا دا تے انسان دا دُشمنڑ بنڑ گیا۔
12۔اے سویر دے روشن تارے تُوں کیویں آسمان تُوں ڈھے پِیا ہانویں !۔اے قوماں کُوں پست کرݨ آلے تُوں کیونکر زمین اُتے پٹکیا گِیا ۔
13۔ تُوں تاں آپنڑے دِل ءچ آہدھا ہانویں میں اَسمان اُتے چڑھ ویساں۔ میں آپنڑے تخت کُوں خُدا دے تاریاں تُوں وی اُچا کر ڈیساں تے میں شمالی پاسے جماعت دے پہاڑاں اُتے بیٹھساں۔
14۔ میں بدلاں تُوں وی اُچا چڑھ ویساں۔ میں خُدا تعالیٰ آلی کار تھی ویساں۔
15۔ پَر تُوں پاتال ءچ کھڈے دی تہہ ءچ لہایا ویسیں۔
(حزقی ایل28 باب: 17 – 12،آیات)
12۔ اے آدم زاد! صُور دے بادشاہ اُتے ایہہ ماتم کر تے اُونکُوں آکھ خُدا نے ایہہ فرمائے جو تُوں خاتم الکمال دانش ءچ تے حُسن ءچ کامل ہئیں۔
13۔ تو عدن دے باغ ءچ خُدا نال راہندا ہانویں۔ ہر ہک قیمتی پتھر تیڈی پوشِش دے واسطے ہا،مثلاً یاقُوت لال تے پُکھراج تے الماس تے فِیروزہ تے سنگِ سُلیمانی تے زبرجد تے نیلم تے زمُردتے گوہر ِشب چراغ تے سونے نال تیڈے ءچ خاتِم سازی تے نگِینہ بندی دی صنعت تیڈے جمنڑ تئیں چلدا ریہا۔
14۔ تُوں مُبارک فرشتہ ہانویں جیہڑا ڈوجھیاں اُتے پرچھانویں دا وسیلہ ہانویں۔میں تیکُوں خُدا دے کوہِ مُقدس اُتے قائم کیتا۔ تُوں اُتھاں بھاہ جیہے پتھراں دے اندرُوں ٹُردا پِھردا ہانویں۔
15۔ تُوں آپنڑے جمنڑ آلی ڈینہوار ای آپنڑے راہ تے رسم ءچ کامل ہانویں، جئیں تئیں تیڈے ءچ ناراستی نہ پائی گئی۔
16۔تیڈی نافرمانی دے سببّوں اُنہاں نیں تیڈے ءچ ظلم بھر ڈِتا تے تُوں گناہ کیتا۔ اِیں کیتے میں تیکُوں خُدا دے پہاڑ تُوں گندی جاہ اتے سٹ ڈِتاتے تَیں پرچھانواں افگن کروبی کُوں آتشی پتھراں ءچوں فنا کر ڈِتا۔
17۔ تیڈا دِل تیڈے حُسن اُتے گھمنڈ کریندا ہا۔ تُوں آپنڑے جمال دے سببّوں آپنڑی حِکمت وَنجا ڈِتی۔ میں تیکُوں زمین اتے سٹ ڈِتا تے بادشاہواں دے سامنڑے رکھ ڈِتاتاں جو اوہ تیکُوں ڈیکھ گھننڑ۔
18۔ تَیں آپنڑی بدکرداری دی زیادتی تے آپنڑی سَودا بازی دی ناراستی نال آپنڑے مقدِساں کُوں ناپاک کیتا ہے۔ ایں کیتے میں تیڈے اندرُوں بھاہ کڈھیساں جیہڑی تیکُوں بھسم کر ڈیسی تےمیں تیڈے سارے ڈیکھنڑ آلیاں دے اَکھیں دے سامنڑے تیکُوں زمین اُتے راکھ کر ڈیساں۔
19۔ قوماں ءچوں اوہ سارے جیہڑے تیکُوں جانڑدے ہِن، تیکُوں ڈیکھ تے حیران تھی ویسن۔ تُوں عبرت دی جاہ ہوسیں تے باقی نہ راہسیں۔
1۔لوسیفر فرشتہ شیطان بنڑن تُوں پہلے کیجھا فرشتہ ہا ؟
2۔ لوسیفر نیں ایجھا کیا کم کیتا جواوہ فرشتیاں ءچوں شیطان بنڑ گیا؟
3۔ لوسیفر نے آپنڑے دِل ءچ ایجھا کیا آکھیاجو اُونکُوں اَسمان تُوں تلے سٹیا گیا
