بادشاہی دا راہنما (متی ۲۰ باب)

تعارف : اساں ایں کہانڑی ءچ بادشاہی دے بارے ءچ سکھ سوں ۔آؤ اساں مکمل کہانڑی سنڑوں

(20) یعقوب تے یوحنا دی والدہ اپنڑے پوتراں دے نال المسیح دے کولھ آتے گزارش کرنڑ لگی۔(21) المسیح نیں اونکوں آکھیا توں کیا چاہندی ہیں او نیں جواب ڈتا ایہہ جو  میڈے ڈوھائیں پوتر تیڈی بادشاہی ءچ تیڈے سجے تے کھبے باہون۔(22) المسیح نیں جواب ءچ آکھیا تساں نیں جانڑدے جو کیا منگدے پائےہوے۔ جیہڑا پیالہ میں پیونڑ کوں ہاں کیا تساں پی سگدے ہیوے؟ ۔(23) انھاں نیں اونکوں آکھیا ہاں اساں پی سگدے ہیں اونیں اونکوں آکھیا میڈا تاں پیالہ پیسو پر اپنڑے سجے یا کھبے کہیں کوں بلاھونڑاں میڈا کم نئیں مگر جیندے واسطے میڈے رب دی طرفوں تیار کیتا گیا انھاں دے کیتے ہے۔(24) وَل جڈاں باقی ڈاھ شاگرداں نیں ایہہ سنڑیاتاں انھاں کوں ڈوھاہیں بھرانواں اتے غصہ آیا۔(25) مگرالمسیح نیں انھاں کوں سڈ تے آکھیا جو تساں جانڑدے ہیوے جو غیر قوماں دے سردار انھاں اتے حکم چلیندے ہَن۔(26) تے امیر لوک انھاں اتے اختیار جتیندن تہاڈے ءچ ایویں نہ ہوسی جیہڑا تہاڈے ءچوں  وڈا بنڑڑاں چاہوے او ہ تہاڈاغلام بنڑے۔(27) تے جیہڑا تہاڈے ءچوں اول ہونڑاں چاہوے اوہ  تہاڈا نوکر بنڑے۔(28) کیوں جو ابنِ آدم ایں واسطے آیا جو خدمت کرے تے اپنڑی جان بہوں ساریاں دے بدلے ءچ ڈیوے۔

میڈے بھراؤ! ایہہ کہانڑی مک گئی ہے ایں ء چ صرف 3 سوال ہِین میں امید کرینداہا ں جو تساں میکوں ضرور جواب ڈیسو۔

(1) جیہڑا پیالہ المسیح پیونڑ کوں ہَن ایں توں کیا مراد ہئی۔؟

(2) کیہڑی گالھ دے بارے ءچ المسیح نیں فرمایا ہا جو تہاڈے ءچ ایویں نہ ہوے۔؟

(3) خدادی بادشاہی ءچ کونڑ ساریاں توں وڈا ہے۔؟