المسیح تے مقدمہ ( متی ۲۶ باب ، لوقا ۳۱ باب)
دوستو ! ایں کہانڑیں ءچ اساں سیکھسوں جو المسیح کوں کینویں پکڑاویا گیا ہا تےاوندے اتےمقدمہ کینویں کیتاگیا تےاونکوں پکڑنڑ دی کینویں سازش بنڑائی گئی۔آؤ !اساں مکمل کہانڑی سنڑوں۔
(31)’’ جڈاں المسیح تے اوندے شاگرد زیتون دے پہاڑ اتےاپڑیے تاں المسیح نیں انھاں کوں آکھیا تساں سارے ایں رات میڈی بابت ٹھوکر کھاسو کیوں جو لکھیا ہے میں آجڑی کوں مریساں تےآجڑ دیاں بھیڈاں پرا گندہ ہوسن۔(33)’’ پطرس نیں جواب ءچ المسیح کوں آکھیا بھانویں سارے تیڈی بابت ٹھوکر کھاسین پر میں کڈھائیں ٹھوکر نہ کھاساں۔(34) المسیح نیں اونکوں آکھیا میں تیکوں سچ آدھاں جو ایں رات ککڑ دے بانگ ڈیونڑ توں پہلے توں ترےپھیری میڈا انکار کریسیں۔(35)’’ پطرس نیں المسیح کوں آکھیا جے میکوں تیڈے نال مرڑاں وی پیا تاں وَل وی تیڈا انکار نہ کریساں تےسارے شاگرداں نیں اینویں ای آکھیا۔(41) المسیح نیں انھاں کوں آکھیا دعا کرو تاں جوآزمائش ءچ نہ پووو المسیح ذرا اگوں ودھیا تےمنہ دے بھرانڑیں ڈھےتے دعا کرنڑ لگاجو اے ابا اگرتھی سگے تاں توں ایہہ پیالہ میں توں ہٹا گھن تاں وی میڈی مرضی نہ ہوئے بلکہ جینویں توں چاہندیں تیڈی مرضی پوری ہوے تے اوندا پسینہ لہو آلی کار وڈیاں وڈیاں بونداں بنڑ تے زمین اتےڈھانڑ لگا جڈاں المسیح دعا کر چکیا تاں ہک ہجوم اتھاں آیا تے یہوداہ اسکر یوتی ہجوم دے اگوں اگو ں ہا تے یہوداہ اسکر یوتی المسیح دا بوسہ گھننڑ اوندے کولھ آیا المسیح نیں اونکوں آکھیا اے یہوداہ کیا توں بوسہ گھن تے ابنِ آدم کوں پکڑویندیں۔؟ (لوقا۔22۔54)’’ وَل او ہ اونکوں پکڑ تے لگے گئے تے سردار کاہن دے گھر گھن گئے تےپطرس کجھ فاصلے تے المسیح دے پچھوں پچھوں ویندا پیا ہا۔(55)’’ جڈاں نوکراں نیں صحن دے وچال بھا بالی تے رَل تے بیٹھے تےپطرس وی انھاں دے وچال بہہ گیا۔(56)’’ہک لونڈی نیں اونکوں بھاہ دے سوجھلے ءچ بیٹھا ہویا ڈیٹھا تے ڈیکھ کے پچھانڑیا تےآکھیا ایہہ وی اوندے نال ہا۔(57)’’ مگر پطرس نیں ایہہ آکھ تے انکار کیتا اے عورت میں اونکوں نیں جانڑدا۔(59)’’ کوئی گھنٹے بعد ہک بیا بندوڈے یقین نال آکھنڑلگا جو ایہہ بندا بے شک اوں دے نال ہا کیوں جو ایہہ وی گلیلی ہے۔(60)’’ پطرس نیں آکھیا میں نیں جانڑدا جو توں کیا آدھا ہیں او ہ آدھا ای پیا ہا اوں ویلے ککڑ بانگ ڈتی۔(61)’’ المسیح نیں مڑتے پطرس آلے پاسے ڈیٹھا۔(62)’’ تے او ہ پار ونج کے زار زار ُرنا۔(66)’’جڈاں ڈینہہ تھیا تاں سردارکاہن تےفقیہہ یعنی قوم دے بزرگاں دی مجلس جمع تھئی تے انھاں نیں المسیح کوں اپنڑی صدر عدالت ءچ گھن ونج تے آکھیا۔(67)’’ اگر توں مسیح ہیں تاں ساکوں آکھ ڈے ا لمسیح نیں انھاں کوں آکھیا جے میں تہاکوں آکھاں تاں یقین نہ کریسو۔(68)’’جے کجھ پچھاں تاں جواب نہ ڈیسو۔(70)’’ ایں تے انھاں نیں اونکوں ا ٓکھیا بس کیا توں خدا دا فرزند ہیں ۔(71)’’ المسیح نیں انھاں کوں آکھیا تساں خود آکھیا ہے کیوں جو میں ہاں انھاں نیں آکھیا جو ہنڑساکوں گواہی دی کیا ضرورت ریہی کیوں جو اساں اوندے منہ توں سنڑگھدا ہے۔۔؟
دوستو! میں امید کرینداہا ں جو ایہہ کہانڑی تساں دوستاں کوں بہوں چنگی لگی ہوسی۔ تےایں کہانڑی ء چ ترے سوال ہِین۔آؤ اساں سوال سنڑوں۔
(1) المسیح نیں کیا فرمایا جو پطرس کتنی دفعہ میڈا انکار کریسی۔؟
(2) ککڑ دے بانگ ڈیونڑ تےپطرس کیوں روناں۔؟
(3) قوم دے بزرگاں نیں جڈاں المسیح نال سوال کیتا کیا توں خدا دا فرزند ہین تاں اونیں کیا جواب ڈتا۔؟
