ساری تے ہاجرہ
(پیدائش 16 باب)
تعارف۔ اسمعیل دی پیدائش ، ہاجرہ تے اسمعیل دا بیابان ءچ ونجڑاں۔
ابرام دی ذال ساری دی کوئی اولاد نہ ہئی۔اوندی ہک مصری نوکرانڑی ہئی جیندا ناں ہاجرہ ہا۔ ساری نے ابرام کُوں آکھیا ڈیکھ خُدا نیں میکوں اولاد توں محروم رکھیا ہے پر تُوں میڈی نوکرانڑی کولھ ونج شائد اُوندے نال میڈا گھر آباد تھی ونجے۔ ابرام نےآپنڑی ذال ساری دی گالھ کوں منیا۔ ابرام کُوں مُلکِ کنعان ءچ رہندے 10 سال تھی گئے ہئن۔جئیں ویلے اُوندی ذال ساری نےآپنڑی مصری نوکرانڑی اُونکوں ڈتی۔جو اُوندی ذال بنڑے ۔ ابرام حاجرہ کولھ گیا تے او ہ حاملہ تھئ۔جیں ویلے اُونکوں پتا لگا جو اوہ حمل نال ہے تاں ساری اونکوں حقیر سمجھنڑلگی۔ ساری نے ابرام کُوں آکھیا جیہڑا ظلم میڈے اتے تھئے او ہ تیڈی گردن اتے ہے۔ میں آپنڑی نوکرانڑی تیڈے حوالےکیتی ہامی ۔ ہنڑ جڈاں اُونیں آپنڑے آپ کُوں حمل نال ڈیٹھے،میں اوندی نظرءچ حقیر تھی گئی ہاں۔خُدا میڈے تےتیڈے ءچ انصاف کرے۔ ساری کوابرام نے آکھیا تیڈی نوکرانڑی تیڈے ہتھ ءچ ہے جیویں تیکوں چنگا لگے توں اُوندے نال اونویں ای کر۔ ول ساری اُوندے نال سختی کرنڑ لگ پئی تے ہاجرہ اُوندے کولھوں بھج گئی۔ او ہ خُدا دے فرشتے کوں بیاباںءِچ پانڑی دے ہک چشمے دے کولھ ملی۔ ایہہ اوہو چشمہ ہے جیہڑا شور دی راہ تے ہے۔ او نیں اُونکوں آکھیا !اے ساری دی نوکرانڑی ہاجرہ توں کتھوں آئی ہیں؟ توں کتھاں ویندی پئی ہیں ۔ اُونیں آکھیا میں آپنڑی مالکنڑ ساری کولھوں بھج آئی ہاں۔ خُدا دے فرشتے نیں اُونکوں آکھیا !توں آپنڑی بی بی ساری کولھ واپس ول ونج،آپنڑے آپ کوں اوندے حوالے کر ڈے۔ خُدا دے فرشتہ نےاُونکوں آکھیا،میں تیڈی اولاد کوں بہوں ودھیساں جو او ہ گنڑی نہ ونج سگی سی۔ خُدا دے فرشتے نےاُونکوں آکھیا توں حمل نال ہیں۔تیڈےپوتر جم سی ۔ توں اوندا ناں اسمعیل رکھیں۔ایں کیتے جوخُدا نے تیڈا ڈکھ سنڑ گھدا ہے۔ اوہ گورخر آلی کار،آزاد مرد ہوسی۔اوندا ہتھ ساریاں دے خلاف ہوسی تے ساریاں دے ہتھ اُوندے خلاف ہوسن۔او ہ آپنڑے سارے بھرانواں دے سانمنڑے وسیا رہسی۔ ول ہاجرہ نےخُدا دا جئیں اُوندے نال گالھیں کیتیاںہن اتا ایل روئی ناں رکھیا،یعنی اے خُدا توں سارا کجھ ڈیکھ سگدا ہیں ۔ ایں سببوں اُوں کھوہ دا ناں بیر لحیی روئی پے گیا۔ او ہ قادس تے برد دے درمیان ہے۔ ابرہام دا ہاجرہ توں ہک پوتر جمیا ابرہام نےاُوں پوتر دا ناں جیہڑا ہاجرہ تُوں جمیا اسمعیل رکھیا۔ جیں ویلےابرہام تے ہاجرہ دا اسمعیل جمیا، اوں ویلے ابرہام چھیاسی سال دے ہن۔
سوالات:
۔ اُمید نال ہونڑدے بعد ہاجرہ ،ساری کوں کیا سمجھنڑ لگی؟
۔ ساری نے ہاجرہ نال کیجھا سلوک کرنڑشروع کیتا؟
۔ ہاجرہ کوں گولھنڑ کون گیا؟ابرام یا سارہ۔او ہ کینکوں ملی؟
۔ فرشتہ ہاجرہ دے بارے ءچ کیا جانڑدا ہا؟
