بحرِقلزم دا پار کیتا ونجنڑاں (خروج:14:باب)
(1) تے خدانیں موسیٰ کوں فرمایا کہ۔(2) بنی اسرائیل کوں حکم ڈے کہ ول کے مجدال تے سمندر دے ویچالے فی ہخیروت دے سامنے بعل صفون دے اگے ڈیرے لاونڑ۔ اوہدے ہی اگے سمندر دے کنارے ڈیرے لاونڑ۔(3) فرعون انھاں دے حق وچ آ کھیسی جو او زمین دی الجھناں ءچ آ کے تے بیابان وچ گھر گئے ہَن۔(4) تےمیں فرعون دے دل کوں سخت کریساں تے انھاں دی گولھ کریسی میں فرعون تے اوندے سارے لشکر تےممتاز ہوساں تے مصری جانڑ ویسن جو خدامیں ہاں تےانھاں نیں اویں ای کیتا۔(5) جئیں ویلے مصر دے بادشاہ کوں خبر ملی جو او ہ لوک لگے گئے ہَن فرعون تے اوندے نوکراں دا دل انھاں لوکاں آلے پاسے پھر گیا تے اوہ آکھنڑ لگے اساں ایہہ کیا کیتے جو اسرائیلیاں کوں اپنڑی خدمت کولھوں چھٹی ڈے تے ونجنڑ ڈتے۔(6) وَل اونیں اپنڑا رَتھ تیار کروایا تےاپنڑی قوم دے لوکاں کوں نال گھن آیا۔(7) اوں نیں چھی سو چنڑے ہوئے رَتھ بلکہ مصر دے سارےرتھ گھدے تے ساریاں سرداراں کوں ایہدے وچ بٹھایا۔(8) تےخدانیں مصر دے بادشاہ فرعون دا دل سخت کر ڈتا اوں نیں بنی اسرائیل دا پیچھا کیتا کیوں جو بنی اسرائیل وڈے فخر نال نکلے ہَن۔(9) تے مصری فوج نیں فرعون دے سارے گھوڑیاں تے رتھاں تے سواراں سمیت انھاں دا پیچھا کیتا جئیں ویلے او ہ سمندر دے کنارے فی ہخیروت دے کول بعل صفون دے سامنے ڈیرے لیندے پئے ہَن ،ونج گھدا ۔10 تےجےویلے فرعون نیڑے آ گیا او ہ ویلے بنی اسرائیل نے آکھ اُٹھا کے ویکھیا کہ مصری اُنہاں ڈے پیچھے اندے پئے ہن ، تے او بہوں خوف زدہ تئھی گئے وَل انھاں نیں خدادے اگو ں فریاد کیتی۔(13) وَل موسیٰ نیں لوکاں کوں آکھیا ڈرو نہ چپ چاپ کھڑے تھی کےخدادی نجات دے کم ڈیکھو جیہڑا او ہ اج تہاڈے کیتے کریسی کیوں جو جنھاں مصریاں کوں تساں اج ڈیدھے ہیوے وَل آخر تک نہ ڈیکھسو۔(14) خداتہاڈے پاسوں جنگ کریسی تساں چپ رہسو (15) تےخدانیں موسیٰ کوں آکھیاتوں کیوں میڈے اگے فریاد کریندا پیا ہیں ؟ بنی اسرائیل کوں آکھ جے اگے ودھن ۔(16)تے توں اپنڑی سوٹی چاتے اپنڑا ہتھ سمندر اتے ودھا تےاوندے ڈو حصے کر تے بنی اسرائیل سمندر دے ادھ ءچو ں سکی زمین تے ٹر کے نکل ویسن۔(19) تے خدا دا فرشتہ جیہڑا اسرائیلی لشکر دے اگو ں اگو ں ٹردا ہا او ونج تے انھاں دے پچھو ں تھی گیا بدل دا تھمبا انھاں دے سانمنڑے توں ہٹ تے انھاں دے پچھو ں ونج کھڑیا۔(20) ایں او ہ مصریاں دے لشکر تےاسرائیلیاں دے لشکر ءچوں تھی گیا تے اتھاں بدل وی ہا تےاندھارا وی ول وی رات کوں انھاں تے سوجھلا ہا او ہ ہک ڈوجھے کولھ پوری رات نہ آئے۔(21) ول موسیٰ نیں اپنڑا ہتھ سمندر آلے پاسے ودھایا تے خدا نیں ساری رات مشرق آلے پاسو ں اندھاری چلائی تےسمندر کوں پچھو ں ہٹا تے اونکوں سکی زمین بنڑا ڈتہ تےپانڑی دے ڈو حصے تھئی گیا۔ (22) تےبنی اسرائیل سمندر ءچوں سکی زمین تے ٹر تے نکل گئے تے انھاں دے سجے کھبے پانڑی دیوار آلی کار تھی گیا۔(23) تے مصریاں نیں پیچھا کیتا تے فرعون دے سارے گھوڑے تے رَتھ تے سوار انھاں دے پچھوں پچھو ں سمندر اچ لگے گئے۔(26) تےخدانیں موسیٰ کوں فرمایا اپنڑا ہتھ سمندر تے ودھا جو پانڑی مصریاں تے انھاں دے رتھاں تےسواراں اتے ولا واہنڑ لگے۔(27) تے موسی نے اپنڑا ہتھ سمندر اُتوں ودھایاتے صبح تھیندے تھیندے سمندر ولا اپنڑی اصلی قوت ءچ آگیا تےمصری پیچھوں دی بھجن لگے تے خُدا نے سمندر دے درمیان ہی مصریوں نوں تہہ و بالا کرڈتا ۔ 28 تےپانڑی ول آیا تے او نئیں رتھاں تے سواراں تے فرعون دے سارے لشکر کوں جیہڑا اسرائیلیاں دا پیچھا کریندا ہویا سمندر ءچ گیا ہا غرق کرڈتا تےانھاں ءچوں کوئی وی باقی نہ بچیا۔
(1) آفت توں محفوظ رہونڑ کیتے اسرائیلیاں کوں کیا کرنڑاں ہا؟
(2) کیا آفت توں محفوظ رہونڑ دا سبب محض ایہہ ہا جو اوہ اسرائیلی ہَن۔
(3) موسیٰ دے کتنے لوک مصر ءچوں نکلے ہَن۔
