گُم تھئی ہوئی بھیڈ (لوقا 15 باب)

دوستو !ایہہ کہانڑی ساکوں ہک محصول گھنڑ آلے بندے دے بارے ءچ ڈسیندی ہے آؤ اساں مکمل کہانڑی سنڑوں۔

(1)’’ سارے محصول گھننڑآلے تے گنہگار یسوع المسیح دیاں گالھیں سننڑ کیتے آندے ہَن۔(2) پر  فریسی  تے فقِیہ بڑبڑا تے آکھنڑلگے جو ایہہ  بندا گنہگاراں نال ملدےتے انھاں دے نال روٹی کھاندے۔(3) یسوع المسیح نیں  انھاں کوں ایہہ  تمثیل ڈسی جو۔(4) تہاڈے ءچو ں ایجھیا کونڑ ہے جیندے کولھ سو بھیڈاں ہون تے انھاں ءچوں  ہک گم تھی  ونجے تاں اوہ ننانوے کوں چھوڑ تے اوں گم  تھئی  ہوئی بھیڈ کوں گولھیندا نہ راہسی۔(5) وَل جڈاں گم تھئی ہوئی بھیڈ مل ویندی ہے تاں اوہ خوش تھی تے اونکوں اپنڑے مونڈھے اتے چا گھندے۔(6) تے گھر ونج تے دوستاں تےہمسایاں کوں سڈیندے تےآہدھے میڈے نال خوشی کرو کیوں جو میڈ ی  گم تھئی  ہوئی بھیڈ مل گئی ہے۔(7) میں تہاکوں آہدھاں جو ایویں ای  ننانوے راستبازاں دی نسبت جیہڑے توبہ دی حاجت نہیں رکھیندے ہک توبہ کرنڑآلے گنہگار دے باعث آسمان اتےزیادہ خوشی منائی ویندی ہے‘‘

دوستو !ایں کہانڑی ءچ ساڈے ترے سوال ہین آؤ اساں سوال سنڑوں۔

(1) ہک بھیڈ کوں بچاونڑ کیتے خدا وند کیں حد تئیں  ونجنڑ کیتے تیار ہَن؟

(2) فریسی اپنڑے آپ کوں راستباز سمجھدے ہَن جیویں جو خدا  دے کلام ءچ لکھیا ہے جو ساریاں نیں  گناہ کیتے تے خدا دے جلال توں محروم ہین کیا ایں واقعہ ءچ یسوع  المسیح فریسیاں کوں راستباز مقرر کریندے پئے ہَن؟

(3) جےانھاں خود ساختہ راستباز فریسیاں ءچو ں کوئی فریسی کر گھنے تاں خدا دا ردِ عمل کیا ہوسی؟ دوستو !ساڈے ڈتے گئے نمبر اتے ساڈے نال ضرور رابطہ کرائے  ایں پروگرام دے نال اپنڑے بھرا غلام فرید کوں ڈیو اجازت وَل ملسوں۔