آدم دے ڈو پوتر،قائن تے ہابل (پیدائش باب 4)
1۔آدم آپنڑی ذال حوا کولھ گیا تےاوہ حمل نال تھئی تےاوندےقائن جمیا۔ تد ا ُونیں آکھیا میکوں خُدا نے ہک مرد ڈتے۔
2۔ وَل قائن دا بَھرا ہابل جمیا۔تے ہابل بھیڈبکریاں دا آجڑی ہاتےقائن کسان ہا۔
3۔ چند ڈینہاں بعد اینویں تھیا جوقائن آپنڑے کھیت دےپھل دا ہدیہ خُداوندکیتے گھن آیا۔
4۔ تےہابل وی آپنڑی بھیڈبکریاں دے کجھ پہلے بالاں دا تےکُجھ اُنھاں دی چربی دا ہدیہ گھن آیا خُدا نےہابل کوں تے اوہدے ہدیے کُوں قبول کیتا۔
5۔ پر قائن کوں تے اوہدے ہدیے کُوں قبول نہ کیتا اینویں قائن نہایت غضب ناک تھیاتےاُوندا مُنہ وِگڑیا۔
6۔تے خُداوندنے قائن کُوں آکھیا توں کیوں غضب ناک تھائیں؟ تے تیڈا مُنہ کیوں وگڑیا ہویا ہے۔
7۔ جے توں بھلا کریں کیا توں مقبول نہ ہوسیں؟ پر جےتوں بھلا نہ کریسیں تاں گُناہ دروازے اُتے تیڈی تاڑ ءچ ہے،تے اوہ تیڈا مُشتاق ہےپرتُوں اُوندے اتے غالب آ۔
8۔تےقائن نے آپنڑے بھرا ہابل کُوں کُجھ آکھیاتےجیں ویلے اوہ ڈوہائیں کھیت ءچ ہن تاں اینویں تھیاجو قائن نے آپنڑے بھرا ہابل اتے حملہ کیتا تے اُونکوں قتل کر ڈتا۔
9۔ تدخُداوندنے قائن کُوں آکھیا تیڈا بھرا ہابل کِتھاں ہے؟ اُوں نے آکھیا میکوں پتا نئیں ۔کیا میں آپنڑے بھرا دا رکھوالا ہاں؟۔
10۔ول خُدانےآکھیا تائیں ایہہ کیا کیتے؟َ تیڈے بھرا دا خون زمین ءچوں میکوں سڈیندا پئے۔
11۔ تے ہنڑ توں زمین ولوں لعنتی تھیا۔ جئیں آپنڑامُنہ بنایا ہےجے تیڈے ہتھوں تیڈے بھرا دا خون گھدے۔
12۔جئیں ویلے توں زمین کُوں جُتیسیں تاں اوہ ہنڑتیکوں آپنڑی پیداوار نہ ڈیسی تے تُوں زمیین اتے خانہ خراب تے آوارہ ہوسیں۔
13۔ تد قائن نے خُداوند کوں آکھیا میڈی سزا برداشت توں باہر ہے۔
14۔ ڈیکھ اج تیں میکوں رُوی زمین توں کڈھ ڈتے ، تےمیں تیڈے حضورتوں رُوپوش تھی ویساں تےزمین اتے خانہ خراب تے آوارہ راہساں تےاینویں تھی سی جوجیہڑا کوئی میکو ں پےسی قتل کر ڈیسی۔
15۔ تد خدواند نے او کو آکھیا نہ بلکہ جیہڑا قائن کُوں قتل کرے اُوندے کولوں ست گُنا بدلہ گھدا ویسی تےخُداوند نے قائن دے کیتے ہک نشان ٹھرایا کیتےجوکوئی اُونکوں ڈیکھ تے مار نہ سٹے۔
16۔ تاں قائن خُدا دے حضور ءچو ں نکل گیا تےعدن دے سیجھ اُبھرنڑ آلے پاسو ں نُود دے علاقہ ءِچ ونج وسیا۔
1۔کیا ہابل درست قسم دی قربانی گھن آیا ہا؟
2۔ قائن کیوں غصہ تھیا؟
3۔ اساں غصےاتے کینویں قابو کر سگدے ہائیں ؟
4۔قائن نے غصے اُتے قابو پانونڑ کیتے غصے دی حالت ءچ کیہڑی گال دا انتخاب کیتا؟
5۔ قائن کُوں آپنڑے گناہ توں توبہ کرنڑ کیتے کتنی مہلت ملی؟
