کلیسیا کا جنم اعمال۔2باب
تعارف۔‘‘دوستو ! میں امید کرینداہا ں جو تساں خیریت نال ہوسو میڈے بھراؤ اج ایں کہانڑی توں اساں سیکھسوں جو کلیسیا دا جمنڑکینویں تھیا تے ایندا کیا مطلب ہے’’ خدانیں فصل دی کٹائی دی عید۔(پنتیکست) دے ویلے جیہڑا المسیح دے مصلوب تھیونڑتے مردیاں ءچو ں جی اٹھنڑ دے بعد آندی ہے کلیسیا دے جمنڑدے بعد استعمال کیتا۔
(1)’’ جڈاں عیدِ پنتیکست دا ڈینہہ ا ٓیا تاں او ہ سارے (ہک سو ویح ایماندار ) ہک جاہ جمع تھئے۔(2)’’ جو یکا یک آسمان توں ایجھی آواز آئی جینویں زور دی اندھاری دا سناٹا ہوندے تے اوندے نال سارا گھر جتھاں اوہ بیٹھے ہَن گونج گیا۔(3)’’ تےانھاں کوں بھاہ دے شعلےآلی کارپھٹدیاں ہویاں زباناں ڈیکھالی ڈتیاں تےانھاں ءچوں ہر ہک تےآ کھڑیاں۔(4)’’ تے او ہ سارےخدادی روح نَال بھریج گئے تے غیر زباناں بولنڑلگے جینویں خدادی روح نیں انھاں کوں طاقت بخشی۔ تے ہر قوم ءچوں جیہڑی آسمان دے تلے ہے خدا تےایمان رکھنڑآلے لوک یروشلیمء وچ رانہدے ہَن۔(6)’’ جڈاں ایہہ آواز آئی تاں بھیڑ لگ گئی تےلوک دنگ رہ گئے کیوں جو ہر ہک کوں ایہو سنڑائ ڈیندا ہاجوایہہ میڈی بولی بولیندے پئے ہین۔(13)’’ تے کجھ لوک انھاں دا مذاق اڈا تے آکھنڑلگے جو ایہہ تاں تازہ شراب دے نشے ءچ ہین۔ پرپطرس نیں اچی آواز ڈے تے لوکاں کوں آکھیا جو اے سب یروشلیم دے راہنڑآلیو کن لا تے میڈیاں گالھیں سنڑو۔(15)’’ جیویں تساں سمجھدے ہیوے ایہہ نشے ءچ نیں۔(16)’’ کیوں جو ایہہ اوہ گالھ ہے جیہڑی یوایل نبی دی معرفت آکھی گئی ہئی۔(17)’’ جو خداوندفرمیندا ہے آخری ڈینہاں ءچ ایویں تھیسی جو میں اپنڑی روح ہر بشر تےپیساں تہاڈیاں دھیاں نبوت کریسن تے تہاڈے جوان رویا ڈیکھسن تےتہاڈے بزرگ خواب ڈیکھسن۔(21)’’تےایں تھی سی جو جیہڑا خدا دا ناں گھنسی او ہ نجات پیسی۔(22)’’ اے اسرائیلیو ! ایہہ گالھیں سنڑو جو المسیح ناصری ہک بندہ ا جیندا خدادی طرفوں ہونڑاں تہاڈے اتےمعجزیاں تےنشاناں توں ثابت تھیا جیہڑے خدانیں اوندی معرفت تہاڈے ءچ ڈیکھائے تساں آپ ای جانڑدے ہو۔ ۔(23)’جڈاں او ہ خدادی مرضی نال پکڑوایا گیا تےتساں اونکوں دشمنڑاں دے حوالے کر ڈتاتاں تساں بے دین لوکاں دے ذریعے اونکوں صلیب تے چڑھوا تے قتل کروا ڈتا۔(32)’’ المسیح کوں خدانیں زندہ کیتا جیندے اساں گواہ ہیں۔(36)’’ بس اسرائیل دا سارا گھرانڑاں جانڑ گھنیں جو خدا نیں ایں المسیح کوں جینکوں تساں مصلوب کیتے خداوند وی کیتا تےمسیح وی۔(37)’’ جڈاں انھاں نیں ایہہ سنڑیا تے انھاں دے دلاں تے چوٹ لگی تےپطرس تےباقی شاگرداں نیں آکھیا ایہہ بھراؤاساں کیا کروں؟(38)’’ پطرس نیں انھاں کوں آکھیا جو توبہ کرو تے تہاڈے ءچوں ہر ہک آپنڑے گناہاں دی معافی کیتے المسیح دے ناں دا بپتسمہ گھنےتےتساں خدا دا روح انعام ءچ پیسو۔(41)’’ بس جنھاں لوکاں نیں اوندا کلام قبول کیتا انھاں نیں بپتسمہ گھدا تے اوں ڈیہاڑے ترے ہزار بندے انھاں نال رَل گئے۔
’’ دوستو! اساں تساں سجنڑاں دے بہوں مشکور ہوسوں جو تساں ساڈے نال رابطہ کریسو اج دی کہانڑی ءچ ساڈے پنج سوال ہِین۔
(1)’’ پنتیکوست جماعت دا جنم ڈینہہ ہے اینکوں منانوڑکیتے کون کون موجود ہا؟
(2)’’ خدا دی روح دی حضوری کینویں ظاہر تھئی مقدس پطرس نیں انھاں لوکاں نال جیہڑے جمع تھئے ہَن کیا آکھیا۔؟
(4)’’مقدس پطرس نیں کیا آکھیا جو جیہڑا توبہ کریسی او ہ کیا حاصل کریسی۔؟
(5)’’ رب دا روح ساکوں کیا عطا کریندا ہے المسیح نیکدیمس کوں آکھیا ہا جو نویں سرے توں پیدا تھیونڑ ضروری ہے ساکوں نویں سرے توں پیدا تھیونڑکیتے کیہڑی چیز دی ضرورت ہے۔؟
