غضب معافی تے انصاف (گنتی 14باب 1تا 38)
10۔وَل ساری جماعت بول اٹھی جو انھاں کوں سنگسار کرو ۔ اوں ویلے خیمہ اجتماع ء چ سارے بنی اسرائیل دے سانمنڑے خدادا جلال نمایاں تھیاء۔(۱۱) وَل خُداوندنیں موسیٰ کوں آکھیا جو ایہہ لوک کڈھاں تئیں میڈی توہین کریندے راہسن ؟تے باوجود انھاں ساریاں معجزیاں دے جیہڑے میں انھاں دے درمیان کیتے ہَن کڈھاں تئیں میڈے اتے ایمان نہ گھن آسین12۔ میں انھاں کوں وبا نال مریساں تے میراث توں خارج کر یساں تے تیکوں ہک ایجھی قوم بنڑ یساں جیہڑی اِنھاں کولوں کئی حصے وڈی تے بہوں زور آور ہوسی (17) خدادِی قدرت تے عظمت تیڈے ایں قول دے مطابق ظاہر تھیوے۔18کیوں جو خداقہر کرنڑ ء چ دھیما تے شفقت کرنڑ ء چ غنی ہے ۔او ہ گناہ تے خطا کوں بخش ڈیندے لیکن مجرم کوں ہر گز بری نہ کریسی کیوں جو اوہ پیو ڈا ڈ ے دے گناہ دِی سزا انھاں کوں تریجھی تے چوتھی پشت تئیں ڈیندے۔(19) تے توں اپنڑی رحمت دِی فراوانی نال ایں امت دا گناہ جنہاں کوں توں مِصر توں گھن کے اِتھاں تئیں معاف کریندارہیں ہنڑ وی معاف کر۔ (20) خدانیں آکھے میں تیڈی درخواست دے مطابق معاف کیتے۔(۲۲) کیوں جو انھاں ساریاں لوکاں نیں جنہاں نیں میڈا جلال ڈیکھنڑ دے باوجود انہاں معجزیاں دے جیہڑے میں ایں بیابان ء چ ڈیکھائے وَل وی میکوں ڈاہ پھیری آزمایا تے میڈی گالھ نیں منی۔(30) ایں واسطے او ہ اوں ملک کوں جیندے ڈیونڑ دی قسم کھادی ہئیکہ تساں کوں اُتھے رکھیساںونج نہ سگسی، سوائے یفُنہ دے پُترکالب تے نون دے پُتر یشوع دے۔ (31) تےتہاڈے بال بچے جنہاں دِی نسبت تساں ایہہ آکھے او ہ تاں لٹ دا مال بنڑویسن انھاں کوں میں اتھاں پچیساں تے جیہڑے ملک کوں تساں حقیر جانڑےاو ہ اوندی حقیقت جانڑسن۔(34) انھاں چالیہہ ڈیہاں دے حساب نال جنہاں ء چ تساں اوں ملک دا حال پچھدے ریہے ہوے ہنڑ ڈینہہ پیچھے ہک ہک سال یعنی چالیہہ سال تئیں تساں اپنڑے گناہاں دا پھل گھندے راہسو وَل تساں میڈےمخالف تھی ونجنڑ کوں سمجھسو۔(۳8) جیہڑے بندے اوں ملک دا حال پچھنڑ گئے ہَن انھاں ءچوں نون دا پوتر یشوع یفنّہ دا پوتر کالب ڈوہائیں بچےریہے۔
(۱) خدانیں لوکیں کوں کیویں جواب ڈتہ۔ ؟
(۲) خدا نیں حضرت موسیٰ دا امتحان کیویں گھدا۔؟
(۳) وعدہ کیتی ہوئی سر زمین ء چ کونڑ داخل تھیسی۔؟
