تعارف۔گناہ پوری دُنیا اتے ودھنڑ لگا تے آپنڑے نال موت کوں گھن آیا۔
پیدائش باب 6
زمین جیں ویلےلوک زمین اتے لوکاں دی تعداد ودھنڑ لگی تے اُنھاں دیاں دھیاں جمیاں۔ خُدا نے آکھیا میں انسان کُوں جیکوں تے پیدا کیتے رویِ زمین توں مِٹا ڈیساں۔انسان توں گھن تے ریڑھن آلے جانداراں تے ہوا دے پکھیاں تئیں کیوں جو میں اُنھاں دے بنڑانونڑ توں ملول ہاں۔ نوح خُدادی نظر ءِچ مقبول تھیاء۔ نوح دا نسب نامہ ایہہ ہے۔ نوح مردِ راست باز تے آپنڑے زمانے دے لوکاں ءچ بے عیب ہا ۔نوح خُدا نال چلدا ریہا ۔ خُدا نے نوح کُوں آکھیا ہر بشر دا خاتمہ میڈے سانمنڑے آنڑ پجا ہے کیوں جو اُنھاں دے سببوں زمین ظلم نال بھر گئی ہے۔ تے ڈیکھ میں زمین سمیت اُنھاں کُوں ہلاک کر ڈیساں۔ خُدا نیں نوح کُوں آکھیا لکڑ دی ہک بیڑی آپنڑے کیتےبنڑا۔اُوں بیڑی ءِچ کوٹھیاں تیار کریں۔اُوندے اندروں تےباہرو ں رال لانویں۔ تے ایویں کریں بیڑی دی لمبائی ترے سو ہتھ تے اوندی چوڑائی پنجھاہ ہتھ تےہ اُوندی اُونچائی تریح ہتھ ہووے۔ اُوں بیڑی ءِچ ہک روشن دان بنڑانویں تے اتوں ہتھ بھر جتی چھوڑ ڈیویں تے ختم کر ڈیویں۔اُوں بیڑی دا دروازہ شروع ءِچ رکھیں۔اوندے ءچ ترے خانے بنڑانویں ،پہلا ،ڈوجھا، تریجھا۔ آپنڑ ے نال ہر نسل دے ڈو ،ڈو جانور بیڑی ءِچ گھن گھنی او ہ تیڈے نال جیندے بچ سن۔ تے پکھیاں دی ہر قسم تےچرند پرند دی ہر قسم تے زمین تے ریڑھن آلیاں دی ہر قسم ءچوں ڈوڈو تیڈےکولھ آونڑ تاں جو او ہ جیندے بچین۔
توں ہر طرح دی کھانونڑ دی چیز جمع کر گھنی۔کیوں جو او ہ تیڈے تے اُنہاں دے کھانونڑ کیتے ہوسی۔ نوح نے ایویں ای کیتا جیویں خُدا نیں اُونکو ںحُکم ڈتہ ہا۔
پیدائش ، 7 باب 1تا 5 آیت )
خُدا نےنوح کُوں آ کھیا تو آپنڑےپورے خاندان دے نال بیڑی ءِچ آ،کیوں جو میں تیکوں آ پنڑے سانمنڑے ایں زمانے ءچ راست باز ڈٹھا ہے ۔ سارےپاک جانوراں ءچوں ست ست نر تے اُنھاں دیاں مادیاں آپنڑے نال گھن گھنی۔جیہڑے پاک نئیں ڈو ڈو نر تے انھاں دیاں مادیاں آپنڑے نال گھن گھنی ۔ ہوا دے پکھیاں ءچوں ست ،ست نر تے انہاں مادیاں ہوون ،تاں جےزمین اتے انہاں دی نسل باقی رہوے کیوں جو ست ڈینہاں دے بعد میں زمین اتے چالیہہ ڈینہہ تے چالیہہ راتاں پانڑی وسیساں تے ہر جاندار شے جیکوں میں بنڑایا ہے زمین توں مِٹا ڈیساں۔ نوح نے اُونویں ای کیتا جیو یں خُدا نے اُونکوں حُکم ڈتا ہا۔ نوح دی عمر دا چھی سوواں سال ہاتے اوندے ڈوجھے مہینے دی ٹھیک ستارھویں تاریخ کوں وڈے سمندر دے سبھ چشمے پھٹ پئے تے آسمان دیاں کھڑکیاں کُھل گیاں۔ تے جیہڑے اندر وں آئے جیویں خُدا نے انہاں کوں حکم ڈتا ہا سارے جانوراں دے نر تے مادیاں ہن تے خُدا نےکشتی کوں باہرو ں بند کر ڈتا۔ ول چالیہہ ڈینہہ تئیں زمین اتے طوفان ریہا تے پانڑی ودھ گیا اُونیں بیڑی کوں اُتے چا گھدا ۔ ول بیڑی زمین توں اُٹھ گئی۔ پانڑی زمین اتےریہا۔ تے سارے پہاڑ جیہڑے دُنیا ءِچ ہن لُک گئے ۔ کیوں جو ہر جاندار شے جیہڑی رُویِ زمین اتے ہئی مَر مٹی۔کیا انسان کیا حیوان کیا ریڑھن آلے جاندار کیا ہوا دے پکھی ۔ سارے دے سارے مر گئے۔ فقظ ہک نوح تے باقی جیہڑے اوندے نال بیڑی ءچ ہن بچے ۔ تے پانڑی زمین اتے ہک سو پنجھا ڈینہہ تئیں چڑھدا ریہا۔
پیدائش 8 باب ،13 آیت
ول چھی سوویں سال دے پہلے مہنیے دی پہلی تاریخ کُوں ایویں تھیاجو زمین اتوں پانڑی سُک گیا۔ خُدا نے نوح کُوں آکھیا جو بیڑی توں باہرو ں نکل آ۔ توں تے تیڈے نال تیڈی ذال تے تیڈے پُترتے انہاں دیاں ذالیں۔ تےانھاں جانداراں کوں وی باہرو ں کڈھ آ جیہڑے تیڈے نال ہن،کیا پکھی،کیا ڈنگر کیا زمین اتے ہریڑھن آلے جاندار تاں جو اوہ زمین تے کثرت نال بال ڈیونڑ تے زمین اتے ودھ ونجنڑ۔تے نوح آپنڑی ذال تے پوتراں تے انہاں دیاں ذالیں نال باہرو ں نکلیا۔ سارے جانور تے سارے ریڑھن آلے جاندار ،سارے پکھی جیہڑے زمین اتے ٹُردے ہین آپنڑی آپنڑی نسل دےنال بیڑی توں باہر نکل گئے۔ نوح نے خُدا کیتے ہک مذبح بنڑایا۔ تےنوح نےسارے پاک جاندار تے پکھی تھوڑے تھوڑے گھن تے اُوں مذبح اتے سوختنی قربانیاں چڑھایاں۔
پیدائش دی کتاب 9باب 1 آیت توں اگھاں تئیں
ول خُدا نے نوح دے پوتراں کوں برکت ڈتی تے آکھیا آباد تھیو تے ودھدے راہو تے زمین کوں بھر ڈئیو۔ میں ایں عہد کوں تُہاڈے نال قائم رکھیساں تے سارے جاندار طوفان دے پانڑی نال ول ہلاک تھیسن تے نہ کڈھائیں زمین کوں تباہ کرنڑ کیتے طوفان آسی۔ عہد ایہہ ہوسی جو کمان بدل ءِچ ہوسی میں اُوندے اتے نگاہ کریساں تاں جو اُوں ابدی عہد کُوں یاد کراں جیہڑا میڈے تے تہاڈے تے ہر طرحاں دے جاندار دے درمیان ہے۔ نوح کاشتکاری کرن لگا ۔تے اُونیں ہک انگور دا درخت لایا۔
سوالات:
(۱)خُدا زمین اتے طوفان کیوں گھن آیا ؟
(۲)خُدا نےنوح کُوں کیا کرنڑ دا حکم ڈتہ؟
(۳)ول نوح بیڑی توں باہرو ں آ یا ،اونیں پتھراں کُوں جوڑیا تے سوختنی قربانی کیتے ہک قربان گاہ بنڑائی۔اوں قربان دی کیا اہمیت ہئی؟
