ابرہام تے قُربانی

پیدائش 22باب

اِنھاں  گالھیں دے بعد ایں تھیا جو خُدا نیں ابرہام کوں آزمایا۔ خُدا نیں آکھیا اے ابرہام! ابرہام نیں آکھیا میں حاضر ہاں۔ خُدا نیں آکھیا توں آپنڑے پوتر اضحاق کوں جیہڑا تیڈا ہکوہےتے جینکوں توں پیار کریندا ہیں،نال گھن تے موریاہ دے مُلک ءِچ ونج اُتھاں انھاں  پہاڑاں تے جیہڑا میں تیکوں ڈکھیساں ،اُتھاں  سوختنی قربانی دے طور    تے  چڑھا۔ ول ابرہام نیں سویل  نال اُٹھ تے آپنڑے      گدھےاتے  کاٹھی کسی  تے آپنڑے نال ڈو جوان تے آپنڑے پوتر اضحاق کوں گھدا۔سوختنی قربانی کیتے لکڑیاں    چیرایاں تے اُٹھ تے اوں جاہ تےجیہڑی خُدا نیں اونکوں ڈسائی ہئی روانہ تھیاء۔ تریجھے ڈینہہ ابرہام نیں نگاہ کیتی  تے اوں جا ہ   کوں دور توں ڈیٹھا۔ ول ابرہام نیں آپنڑے جواناں کوں آکھیا تُساں اِتھاں     گدھےدے کول کھڑو میں تے ایہہ  چھوہر ذرا اُتھاں تئیں   سجدہ کرن کرنڑ کیتے ویندے ہئیں۔ تے ول  تہاڈے کول ول آویسوں ۔ ابرہام نیں سوختنی قربانی دیاں لکڑیاں    گھن تے آپنڑے پوتر اضحاق دے مونڈھیاں  اتے  رکھیاں ،ول بھاہ تے چُھری آپنڑے ہتھ ءچ گھدی  تے او ہ ڈوہائیں کھٹے روانہ تھئے۔ ول اضحاق نیں آپنڑے پیو ابرہام کوں آکھیا ،اے ابا ! اُونیں  جواب ڈتہ جی میڈا پوتر۔اُونیں آکھیا !ڈیکھ بھاہ تے لکڑیاں تاں ہین پر سوختنی قُربانی کیتے لیلا کیتھاں ہے ؟ابرہام نیں آکھیا میڈاپوتر !خُدا آپ ای   سوختنی قربانی کیتے لیلا مُہیا کریسی۔ اُتھاں ابرہام نیں قُربان گاہ بنڑائی   تے اوندے لکڑیاں  رکھیاں ۔ ول اُونیں      آپنڑے پوتر اضحاق کوں بدھیاتے اونکوں قُربان گاہ دیاں لکڑیاں  دے اُتے رکھیا۔ ول ابرہام نیں ہتھ ودھا تے چُھری گھدی  تاں جو آپنڑے پوتر کوں  ذبح کرے ۔ خُدا دے فرشتے نیں آسمان تو ں آکھیا ،اے ابرہام،اے ابرہام !ابرہام نیں آکھیا میں حاضر ہاں۔ خُدا نیں آکھیا توں آپنڑا ہتھ چھوہر اتے نہ چلا ،تے نہ اُونکوں کُجھ کر۔کیوں جو میں ہنڑ جان گیا ہاں  جو توں خُدا توں ڈردا ہیں۔کیوں جو  تیئں آپنڑے پوتر کوں جیہڑا تیڈا ہکو پوتر ہے میڈے کولھوں انکار نئیں کیتا۔ ول ابرہام نیں نگاہ کیتی تے آپنڑے پچھوں ہک لیلاڈیٹھا۔جیندے سینگ جھاڑیاں ءچ پھسے  ہوئےہن ۔ ول ونج تے  ابرہام نیں  لیلے کوں  پکڑیا تے آپنڑے پوتر دے بدلے  ءچ اونکوں قُربانی دے طور تے چڑھایا۔ ابرہام نیں اوں    جاہ     دا ناں یہواہ یری رکھیا تے اج دے   ڈینہہ تئیں  ایہہ کہاوت ہے جو خُدا دے پہاڑ ا تے مہیا کیتا ویندے۔ ول خُدا دے فرشتے نیں آسمان توں ولا سڈیا تے آکھیا ۔ خُدا وندنیں فرمائےکیوں جو تیں ایہہ کم کیتے۔آپنڑے پوتر کوں وی جیہڑا تیڈا ہکو ہے دریغ نئیں کیتا۔ ایں واسطے میں وی آپنڑی ذات دی قسم کھادی ہے۔ میں تیکوں برکت تے برکت ڈیساں۔تیڈی نسل کوں ودھا ودھا  تے  آسمان دے تارے ،تے سمندر دے کنارے دی ریت آلی کار   کریساں۔تیڈی اولاد آپنڑے دُشمنڑاں دے پھاٹکاں دی مالک ہوسی۔  تیڈی نسل دے وسیلے نال زمین دیاں سبھ قوماں برکت پےسن کیوں جو تیں میڈی گالھ سُنڑی ہے۔ ول  ابرہام آپنڑے جواناں کولھ ول گیا،  او  ہ اُٹھ تے کھٹے بیر سبع دوگئے،تے ابرہام بیر سبع ریہا۔

سوالات:

۔ خُدا نیں حضرت ابرہام کوں کیا حُکم ڈتہ؟

۔ جیں  ویلے خُدا نیں  ابرہام کوں   آپنڑے پوتر کوں قربان کرن دا حکم ڈتہ   تاں ابرہام نیں کیا کیتا؟

۔ پہاڑ دو  ویندے ہوئے ابرہام دے پوتر نیں کیا سوال کیتا،تے  ابرہام نیں کیا جواب ڈتا۔؟

۔ خُدا دے فرشتے نیں ابرہام کوں ڈوجھی پھیری آواز ڈے تے کیا  آکھا؟