یعقوب دی پیدائش (پیدائش ۲۵باب)
(تعارف) اضحاق دے ڈو پوتر ہَن ہک دا ناں یعقوب ہا جیندے ناں دا مطلب ہے فریب ڈیونڑ آلا تےڈوجھے دا ناں عیسو ہا (پیدائش:25 )
1۔ابرہام نیں ہک بئی ذال کیتی جیندا ناں قطورہ ہا۔(۲) اوں توں زمران تے یقسان تےمدان تےمَدیان تےاسباق تے سوخ پیدا تھئے(3)تے یقسان توں سبا تےددان پیدا تھئے تےددان دی اولاد اَسو،ری تےلطوسی تے لومی تھائے۔(4) تے مدِیان دے پوتر عیفاہ تےعِفر تےحنوک تےابیداع تےالدوعا تھئے ۔ایہہ سارے بنی قطورہ ہئن۔(5) تےابراہام نیں آپنڑا سارا کجھ اضحاق کوں ڈتا۔(6) وَل آپنڑیاں حرماں ڈے تے پوتراں کوں ابرہام نیں بہوں کجھ انعام ڈے تے آپنڑے جیندے جی اونکوں اپنڑے پوتر اضحاق دے کولھ سیجھ ا’بھرنڑآلے پاسے ملک ء چ بھیج ڈتا۔ (ابرہام دی موت) (7) ابرہام دی کل عمر جئیں تئیں او ہ جیندا ریہاہک سو پچھتر سال ہئی۔(8) ول دم چھوڑ ڈتا تے خوب بڈھیپے ء چ نہایت ضعیف تےپوری عمر دا تھی تے وفات پائی تےاپنڑے لوکاں ءچ ونج ملیا۔(9) تےاوندے پوتر اضحاق تے اسمعیٰل نیں مکفیلہ دی غار ء چ جیہڑی ممرے دے سامنڑے حتی صُحردے پوتر عفرون دے کھیتءچ ہے اونکوں دفن کیتا۔(10) ایہہ اوہ کھیت ہے جینکوں ابرہام نیں بنی حِت توں مل گھدا ہا اتھائیں ابرہام تےاوندی ذال سارہ دفن تھئے۔(11) تےابرہام دی وفات دے بعد خدانیں اوندے پوتر اضحاق کوں برکت ڈتی تےاضحاق بیر لحی روئی دے نیڑے راہندا ہا۔(20) اضحاق چالیہہ سال دا ہا جڈاں اوں نیں ربقہ نال شادی کیتی جہڑی فدانؔ ارام دے باشندہ بیتُو ایل ارامی دی دھی تے لابن ارامی دی بہن ہئی۔(21) تےاضحاق نیں اپنڑی ذال کیتے خُداوند دے دُعا کیتی کیوں جو او ہ بانجھ ہئی تے خُداوند نیں اوندی دعا قبول کیتی تےاوندی ذال امید نال تھی گئی۔(23) خدا نیں ربقہ کوں فرمایا ڈو قوماں تیڈے پیٹ ء چ ہَن تےڈو قبیلےتیرےپیٹ ءچوں نکلدے ہی الگ الگ تھیسن تےہک قبیلہ ڈوجے قبیلہ توں زور آور ہوسی تےوڈا چھوٹے دی خدمت کریسی۔(24) تے جئیں ویلے جمنڑدا ویلہ آیا تاں جاڑے پوتر پیدا تھئے۔(25) پہلا جیہڑا پیدا تھیاء لال ہا تےاُتوں انج جیویں پشمینہ انہاں نیں اوندا ناں عیسو رکھیا(26) اوندے بعد اوندا بھرا پیدا تھیااوندا ہتھ عیسو دی لت پکڑی ہویا ہا اوندا ناں یعقوب رکھیا جیہڑے ویلے او ہ ربقہ توں پیدا تھئے اضحاق 60سٹھ سال دا ہا۔(27) تے لڑکے وڈے تھئےتے عیسو شکار ءچ ماہر تھی گیاتے جنگل ءچ رہنڑ لگا تے یعقوب سادہ مزاج ڈیریاںء چ راہنڑآلا آدمی ہا۔(28) تے اضحاق عیسو کوں پیار کریندا ہا کیوں جو او ہ اوندے شکار دا گوشت کھاندا ہا پرربقہ یعقوب کوں پیار کریندی ہئی۔ (29) تے یعقوب نیں دال پکائی تے عیسو جنگل ءچوں واپس ولیاتے بُھک پاروں بے دم تھیندا پیا ہا۔(30) تے عیسو نیں یعقوب کوں آکھیا جیہڑا لال لال ہے میکوں کھوا ڈے کیوں جو میں بے دم تھیندا پیاں۔(31) تےیعقوب نیں آکھیا تو آج اپنڑے پہلوٹھے دا حق میڈے ہتھ ویچ ڈے ۔(32)عیسو نیں آکھیا ڈیکھ بھکھ کولھوں میڈی جان نکلی ویندی ہے پہلوٹھا ہونڑدا ایہہ حق میڈے کیہڑے کم آسی۔ (33) تد یعقوب آکھیا توآج میڈے نال قسم کھا ۔ اونیں قسم کھادی تے اپنڑا پہلوٹھا ہونڑدا حق یعقوب دے ہتھ ویچ ڈتا۔(34)تد یعقوب نے عیسو کوں روٹی تے مسور دی دال دیتی۔ او کھا پی کے اُٹھیا تے چلا گیا۔ ایویں عیسو نیں اپنڑے پہلوٹھے دے حق کوں نا چیز جانڑیا۔
(1) خداوندنیں ربقہ کوں انھاں بالاں دے متعلق جیہڑے اوندے پیٹ ء چ ہَن ڈسیا ہا۔
(2) عیسو نیں اپنڑے پہلوٹھا ہونڑدے حق عوض کیا گھِدا عیسو کیا سوچیندے پائے ہَن۔
