حضرت یعقوب تیں برکت:پیدائش (۲۷،۲۸ ابواب)
ایں واقعہ ءچ اساں جانڑ سوں جو کیویں عیسو کوں ملنڑ آلی برکت یعقوب کوں مل ویندی ہے
باب ٢٧ :
1۔جڈاں اضحاق بڈھا تھی گیا تے اوندے اکھیں دھندلا گیاں تے اونکوں کجھ نظر نہ آندا ہا اونیں اآپنڑیں وڈے پوتر عیسوکوں سڈیا تے آکھیااے میڈے پوتر! اوں آکھیا میں حاضر ہاں 2 تد اُ س آکھیا ویکھ میں تاں بڈھا تھی گیا ہاں میکوں آپنڑی موت دا ڈنہہ معلوم نئیں 3 تے ہنڑ توں اپنڑا ہتھیاراپنڑا ترکش تے اپنڑی کمان گھن تے جنگل ونج تے میڈے کیتے جنگل ءچوں کوئی شکار مار آ۔4 تے میڈی پسند دا مزیدارکھانڑا تیار کر تے میڈے کولھ گھن آ میں کھاواں تے مرنڑ توں پہلے دل نال تیکوں دعا ڈیواں 5 تےجیں ویلے اضحاق آپنڑے پوتر عیسو نال گالھیں کریندا پیا ہا تے ربقہ سنڑدی پئی ہئی تے عیسو جنگل دو لگا گیاجے شکار مار کے گھن آنڑے۔6 ول ربقہ نے آپنڑے پوتر یعقوب کوں آکھیاویکھ میں تیرے پیو کوں تیڈے بھائی عیسو نال ایہہ آکھدے سنڑیا ہے جے 7 میڈے واسطے شکار مار کے مزیدار کھانڑا بنا تے میں کھاواں ول اپنڑے مرن توں پہلوں خُداوند ڈے اگے تیہہ کوں دُعا دیواں۔8 تے ائے میڈے پوتر میڈے حکم ڈے مطابق ،جہڑا میں تئے کوں ڈیندی پئی ہاںمیڈی گالھ کوں من 9 تے توںونج تے ایجڑ ءچوں بکری دے ڈو چنگے بچے میڈے کولھ گھن آ میں انہاں کوں گھن کے تیڈے پیو کیتے اوندی پسند دا کھانڑا تیار کریساں ۔10 تےتوں ایں کھانڑیں کوں آپنڑے پیو دے اگوں گھن ونجیں تاں جو اوہ کھاوے تے مرنڑ توں پہلے تیکوں برکت ڈیوے۔ 15 تے ربقہ نیں آپنڑے وڈے پوتر دا نفیس لباس جہڑا گھر پیا ہا گھن کے آپنڑے چھوٹے پوتر یعقوب کوں پوایا۔ 16 تے بکری دے ڈو بچیاں دیاں کھلاں اوندے ہتھاں تے اوندی گردن تے جتھاں وال نہ ہن ولھیٹ ڈتیاں۔ 17 تے اوہ مزیدار کھانڑا تے روٹی جہڑی اوں تیار کیتی ہاآپنڑے پوتر یعقوب دے ہتھیں ڈے ڈتی۔ 18 ول یعقوب نیں اضحاق دے کولھ آ کے آکھیا ۔ ابا جی ! اضحاق نیں آکھیا جی پوتر کونڑ ہیں ؟ 19 یعقوب نیں اپنڑے پئیو کوں آکھیا میں تیڈا پہلوٹھا پوتر عیسو ہاںمیں تیڈے آکھن ڈے مطابق کیتا ہے تے اٹھی تے بہہ ،تے میڈے شکار دا گوشت کھاتے میکوں دل نال برکت ڈے۔ 22 تےیعقوب اپنڑے پئیو اضحاق ڈے نزدیک گیا تےاوہدے پئیو نے ٹٹول کے آکھیا آواز تاں یعقوب دی ہےپر ہتھ عیسو دے ہن۔24 اضحاق نیں پچھیاکیا توں میڈا پوتر عیسو ای ہیں ؟ اونیں آکھیا ہاں میں عیسو ای ہاں۔26 ول اضحاق نیں آکھیااے میڈےپوتر ، میڈے نیڑے آ ،تے میکوں بوسہ ڈے۔ 27 اضحاق نیں عیسو دے کپڑیاں دی خشبوپاتی تے یعقوب کوں دُعا ڈے تے آکھیا ڈیکھو میڈے پوتر دی حمق اوں حمق آلی کار ہےجینکوں خدا نیں برکت ڈتی ہوے۔ 28 خدا اسمان دی تریل تے زمین دی زرخیزی تے بہوں سارا اناج تے انگور دا رس تیکوں ڈیوے۔ 29 قوماں تیڈی خدمت کرنڑتے قبیلے تیڈے سانمنڑے جھکنڑ! توں آپنڑے بھراواں دا سردار ہونویں تیڈی ماں دے پوتر تیڈے اگوں جھکنڑ جیہڑا تیڈے اتے لعنت کرے اوہ خود لعنتی ہوےجیہڑا تیکوں دُعا ڈیوےاوہ برکت پاوے۔30 جیں ویلے اضحاق نیں یعقوب کوں دُعا ڈے ڈتی تے یعقوب آپنڑے پیو اضحاق توںاجے رخصت تھیا، ہی ہا تے اوندا بھرا عیسو شکار توں ولیا۔ 31اوہ وی مزیدار کھانڑا پکا کے آپنڑے پیو کولھ گھن آیا تے عرض کیتی ابا جی اٹھ ، تے آپنڑے پوتر دے شکار دا گوشت کھا تے جےدل نال میکوں دعا ڈیویں۔ 32 اوہدے پئیو ا ضحاق نیںاوہدے توں پچھیا،کہ توں کونڑ ہیں ؟ عیسو نیں آکھیا میں تیڈا پہلوٹھا پوتر عیسو ہاں۔ 33 تد اضحاق گھبرا کے شدت نال کمبنڑ لگا تے اونیں پچھیا تے ول اوہ کونڑ ہا جیہڑا شکار مار تے میڈے کولھ گھن آیا ہا تے میں تیڈے آنونڑ توں پہلےساریاں ءچوں تھوڑا تھوڑا کھداتے اونکوں دُعا ڈتی ہے؟ تے اوہو مبارک ہوسی۔ 34 عیسو آپنڑے پیو دے گالھیں سنڑ تے حسرت نال وڈی اچی اواز ءچ الا پیا، تے آپنڑے پیو کوں آکھیا ابا جی میکوں وی دُعا ڈے ۔ اےمیڈے پئیو! مے کوں وی35 اُس نیں آکھیا تیڈا بھرا فریب نال آیا تے تیڈی برکت گھن گئے۔41 تے عیسو نیں اوں برکت دے سببوں جیہڑی اوندے پیو نیں اونکوں ڈتی ہئی اوندے نال دشمنڑی رکھی تے عیسو نیںاپنڑے دل ءچ آکھیامیڈے پیو دے انتقال دے ڈینہہ نیڑے ہن ۔ ول میں آپنڑے بھرا یعقوب کوں مار سٹیساں۔ 42 تے ربقہ کوں اوندے پوتر عیسو دیاں ایہہ گالھیں ڈسائیاں گیاں ۔تد اس نے اپنڑے چھوٹے پوتر یعقوب کوں بلواکے اوکوں ایہہ اکھیا ویکھ تیڈا بھرا عیسو تئے کوں مارن ڈے قریب ہے تے ایہا گالھ سوچ سوچ کے تے اپنڑے آپ کوں تسلی دیندا پیا ہے۔
پیدائش 5:28 ول اضحاق نیں یعقوب کوں رخصت کیتاتے اوہ فدان ارام ءچ لابن دے کول جہڑا ارامی بیتو ایل ڈا پوتر تے عیسو ڈی ماں ربقہ ڈا بھرا ہا اوہدے کول گیا۔
سوال 1۔ عیسو دے پیو اضحاق آپنڑے پوترعیسو کیتے کیا کرنڑا چاہندے ہن۔؟
سوال2۔ ایویں لگدے جو خدا نیں بی بی ربقہ کوں انہاں بالاں دے بارے ءچ ڈسایا ہاجیہڑے اوندے پیٹ ءچ ہن۔ پر بی بی ربقہ نیں اضحاق کوں کجھ نہ ڈسایا جو کہڑےبرکت گھن گئے۔
سوال3 اضحاق آپنڑے چھوتے پوتر کوں کیوں نہ پچھانڑ سگے؟ چھوٹے پوتر نیں کیا بھیس وٹایا ہئی۔؟
