حضرت موسیٰ تےبلدی ہوئی بوٹی خروج:۳:۷:۹ باب
حضرت موسیٰ تےبلدی ہوئی بوٹی
خروج 3: 7-9
(تعارف) میڈے بھراؤ ! اج میں تہاکوں یوسف دے بارے ءچ کہانڑی سنڑویساں ۔ میں امید کریندا ہاں امید ہےتساں ضرور برکت پیسو۔
یوسف اپنڑے پیو تے اوندے خاندان کوں ملکِ مِصر ء چ گھن آئے جتھاں کھانڑاں ڈاڈھا ہا او ہ مِصر ء چ چار سو تریح سَال تئیں ریہے۔ وَل ہک نواں فرعون ملکِ مِصر ء چ حکمرانی کرنڑ لگا جہیڑا یوسف دے بارے ء چ نہ جانڑدا ہا تے لوکاں تے ظلم کرنڑلگا تےابرہام دے خاندان ء چو ں ہک بندہ موسی فرعون دے گھر ء چ پلیا لیکن او ہ فرعون کِنوں بھج کے بیابان ء چ لگا گیا۔(خروج3 :1-10)
(۱)تے موسیٰ اپنڑے خسر یترو دِی جیہڑا مدیان دا کاہن ہا بھیڈاں تےبکریاں چریندا ہا او بھیڈاں کوں ہکلیندا ہویا انھاں کوں بیابان دِے پرلے پاسے رب دے پہاڑ حورب دے قریب گھن آیا۔(۲) تے خدا دا فرشتہ ہک بوٹی ء چ بھاہ دے شعلےء چ اوندے اتےظاہر تھیاء اوں نیں نگاہ کیتی تےکیا ڈیدھے جو ہک بوٹیء چ بھاہ لگی ہوئی ہے پر او ہ بوٹی بل کے مکدی نیں پئی۔(۳) وَل موسیٰ نیں آکھیا میں ہنڑاتھاں کترا کےاگوں تے تھی کے ایں منظر کوں ڈیکھاں جو ایہہ بوٹی سڑکیوں نیں ویندی۔(۴) جیں ویلے خُداوندنیں ڈیٹھا جو او ہ ویکھن واسطے کترا کےآندا پئے تاں خداوندنیں اوں کوں بوٹی وچوں سَڈیا تےآکھیا اَے موسیٰ !اَے موسیٰ!او نیں آکھیا میں حاضر ہاں۔(۵) ول اوں نیں آکھیا اِتھاں توں نہ آ – اپنڑے پیراں توں جتی لہاکیوں جو جیہڑی جاہ تے توں کھڑیں او ہ مقدس جاہ ہے (۶) وَل اوں نیں آکھیا میں تیڈے پیو دا خدا یعنی ابرہام دا خد اتےاضحاق دا خُدا تےیعقوب دا خدا ہاں ۔ موسیٰ نیں اپنڑا منہ لکایا کیوں جو او ہ خدا تےنظر کرنڑ توں ڈردا ہا۔(۷) وَل خدا نیں آکھیا میں تاں اپنڑے لوکاں دی تکلیف جیہڑے مِصر ء چ ہِن خوب ڈیٹھی ہے انھاں دِی فریاد جیہڑے ونگار گھننڑآلیاں دے سببوں ہے سنڑی تےمیں انھاں دے ڈُکھاں کوں جانڑداں ہاں۔(۸) میں لہہ آیا ہاں جو انھاں کوں مِصریاں دے ہتھاں ء چوں چھڈاواں تے انہاں کوں اوں ملک ء چوں کڈھ کے ہک چنگے تے وڈے ملک ء چ جتھاں کھیر تےماکھی واہندے یعنی کنعانیاں تےحتّیاں تےاموریاں تے فرزیاں تے حّو یاں تے یبوسیاں دے ملک ء چ پچاواں (۹) ڈیکھ بنی اسرائیل دی فریاد میڈے تک ئیں پجی ہے تےمیں او ہ ظلم وی جیہڑے مِصری انھاں تے کریندن ڈیٹھا ہے۔(10) ہنڑآ میں تیکوں فرعون دے کول بھجینداں توں میڈی قوم بنی اسرائیل کوں ملک مصر ء چوں کڈھ آ۔
(خروج7 باب10-16 آیات)
(10) تے موسیٰ تے ہارون فرعون دے کول گئےتے انہاں نے خُداوند دے حُکم دے مطابق کیتا تے ہارون نیں اپنڑی سوٹی فرعون تے اوہدے نوکراں دے سانمڑے سَٹ ڈتی او ہ نانگ بنڑگئی۔(۱۱) وَل فرعون نے وی سیانڑیاں تے جادوں گراں کوں بلوایاتے مصر دے جادوگراں وی اپنڑیاں اپنڑیاں سوٹیاںزمین اتے سَٹ ڈتیاں تے او نانگ بنڑ گیاں لیکن ہارون دِی سوٹی جادوں گراں دیاں سوٹیاں کوں نگل گئی۔(13) تےفرعون دا دِل سخت تھی گیا تےجیویں خُداوند نیں آکھیا ہااوں نیں انھاں دی نہ سنڑی۔(16) تے اونکوں آکھنا کہ خُداوند عبرانیوں ڈے خُدا نیں میکوں تیڈے کول ایہہ آکھن واسطے گلھیا ہے کہ میڈے لوکاں کوں ونجڑ ڈے تاں جو او ہ بیابان ء چ میڈی عبادت کرنڑ تے ہنڑ تک توں کجھ وی نہیں سنڑیا۔(20) تے موسی تے ہارون نیں خُداوند دے حکم دے مطابق کیتا۔او نیں سوٹی چا کےاونکوں فرعون تے اوہدے نوکراں دے سامنڑے دریا دے پانڑی اتےماری تےدریا دا ساراپانڑی خون بنڑ گیا (21) تےدریا دیاں مچھیاں مر گیاں تےدریا ءچو ں بد بو اٹھنڑ لگی تے مصری دریا دا پانڑی نہ پی سگے تےسارے ملک مصر ء چ خون ای خون ہا۔ (خروج 9 باب آیات16-13) (13)وَل خدا وندنیں موسیٰ کوں آکھیاسویر نال اٹھ کے فرعون دے اگوں جا کے کھڑا تھی تے اونکوں آکھ کہ خُداوند عبرانیاں ڈا خُدا انج فرمیندا ہے کہ میڈے لوکاں کوں ونجنڑ ڈے تاں جے او میڈی عبادت کرنڑ۔(14)کیوں جے میں اس واراپنڑی ساریاں بلائیاں تیڈے دل تے تیڈے نوکراں تے تیری رعیت اُتے نازل کریساں تا جے توجان لیں کہ ساری دُنیا ءچ میڈے جیا کوئی نہیں ہیوے۔(15) جے میں ہتھ ودھا کے تیڈے تےتیڈے سارے لوکاں کوں وبا نال ماریا ہوندا تاں توں کڈنڑ دا زمین تے ہلاک تھی ویندا۔(16) پرمیں تیکوں فی الحقیقت ایں واسطے قائم کر رکھے جو تیکوں اپنڑی طاقت ڈیکھاواں تاں جو میڈا ناں ساری دنیا ء چ مشہور تھی ونجے۔
(۱) بلدی ہوئی بوٹیء چ کونڑ ہمکلام تھیاء خدا نیں موسیٰ کوں اپنڑی جتی لہاون دا کیوں آکھیا؟
(۲) خدانیں موسیٰ کوں اپنڑا تعارف کیا آکھ کے کرایا؟
(۳) موسیٰ مصر دے بادشاہ دے کول کیا پیغام گھن کے گئے؟
(۴) موسیٰ دے نال فرعون دے کول کون گیا؟
(۵) جئیں ویلے ہارون دی سوٹی جادو گراں دیاں سوٹیاں کوں نگل گئی تےفرعون کوں کیا سمجھنڑاں چاہیدا ہا؟
