قربانی تے مِصر ء چوں کڈھڑاں خروج ۲۱۔۳۱:باب
(تعارف) خدا نیں مِصر اُتے ڈا آفتاں نازل کیتیاں ۔ ایہہ واقعہ ڈاہویں آفت توں شروع تھیندے۔خروج۱1 باب
(۱) تے خدا نیں موسیٰ کوں آکھیامیں فرعون تے مِصریاں اُتے ہک بئی مصیبت گھن آساں۔تے اس توں بعد او تہاکوں جونڑ ڈیسی تےجدوں او جاونڑ ڈیوےتے لازمی او تساں ساریاں کوں ایتھوں بالکل کڈھ ڈیسی۔ (خروج 12، آیت 21) (21)وَل موسیٰ نیں اسرائیل دے سَارے بزرگاں کوں سڈ تے انھاں کوں آکھیا اپنڑے اپنڑے خاندان دے مطابق ہک ہک بکری دا بچہ یا بھیڈ کڈھ رکھو تےایہہ فسح ڈا برّہ ذبح کرنا۔(۲۲) تے تساں زُوفے ڈا ہک گچھا گھن کے اُس خون ءچ جہڑا باسن ءچ ہوسی ڈبونا تے ایسے باسن ڈے خون اچوں کجھ دروازے دی اتو ں آلی چوکھٹ تےدروازے دے ڈوہائیں پاسیاں تے لا ڈیوائے تے تہاڈے ء چوں کوئی بندہ سویل تئیں اپنڑے گھر دے دروازے دے باہر نہ ونجے۔(۲3) کیوں جو خُدامِصریاں کوں مریندا ہویا گزرسی جیں ویلے خدا اتو ں آلی چوکھٹ دے دروازے دے ڈوہائیں پاسوں خون ڈیکھسی تاں او ں گھر کوں چھوڑ ڈیسی تے ہلاک کرن آلے کوں تُساں کوں مارن واسطے گھر ڈے اندر آونڑ نہ ڈیسی۔(۲4) تساں ایں گالھ کوں اپنڑیتے اپنڑی اولاد کیتے ہمیشہ دِی رسم دے طور تے منائے ۔ (۲9) تےاَدھی رات کوں خُداوند ملکِ مصر دے سارے پلوٹھیاں کوں فرعون جہیڑا اپنڑے تخت تے بیٹھا ہااُس دے پہلوٹھے توں گھن کے تے او قیدی جہیڑا قید خانہ ءچ ہا اُس دے پہلوٹھے بلکہ چوپایاں دےپہلوٹھوں تک ہلاک کر ڈتا( ۳0 ) تے فرعون تے اوہدے سارے نوکر تے سب مصری رات کوں ہی اُٹھ بیٹھےتے مصر ءچ وڈا کہرام مچیا کیوں جو ہک وی اجیا گھر نہ ہا جیندے ءچ کوئی مریا نہ ہوئے۔(1 ۳) تے فرعون نیں رات ای رات ء چ موسیٰ تے ہارون کوں سڈوا گھدا تے آکھیا جو تساں بنی اسرائیل کوں گھن تے میڈی قوم دے لوکاں ء چوں نکل ونجو جیویں اکھدے ہیوے اونویں ای خدا دی عبادت کرو۔(۳7)تے بنی اسرائیل نے رعمسیس توں سُکات تک پیدل سفر کیتا تے بال بچیاں کوں چھوڑ تے کوئی چھی لکھ مرد ہَن۔(۴0) تےبنی اسرائیل کوں ملکِ مِصر اچ رہندے ہوئے چار سو تریح سَال تھی گئے ہَن۔(خروج 13 باب،21 آیت) (۲1) خدا انھاں کوں ڈینہہ اچ راہ ڈیکھاونڑ کیتے بدل دے تھمبے ء چ تےرات کوں سوجھلا ڈیونڑ کیتے بھاہ دے تھمبے اچوں تھی تے اگوں ٹردا ہا تاں جو اوہ ڈینہہ تے رات ڈوہائیں ء چ ٹر سگنڑ۔
(۱) آفت ء چ محفوظ رہونڑ کیتے اسرائیلیاں کوں کیا کرنڑاں ہا؟
(۲) کیا آفت تُوں محفوظ رہونڑ دا سبب ایہہ ہا جو اوہ اسرائیلی ہَن؟
(۳) موسیٰ دے نال کتی لوک ملکِ مِصر اچوں نکلے ہَن؟
