مخبر ۔ گنتی 13 ، 14باب
(تعارف) لوک ہک سَال تئیں کوہ طور اُتے ریہے تے خدانال ملاقات دے خیمہ ءچ پاک زندگیاں گزارنڑ نَال ہدایت پیندے ریہے وَل خدانیں وعدہ دِی سر زمین دو انھاں دی رہنمائی کیتی۔(گنتی ۳۱:تا ۴۱ باب)
(۱) خدانیں موسیٰ کوں آکھیا جو(۲) توں بندیاں کوں ملکِ کنعان ء چ بھیج جیہڑا میں لوکاں کوں ڈینداہاں تاں جو اوہ اُوندا حال دریافت کرنڑ۔ انہاں دے باپ دادا دےہر قبیلے توں بندا بھیجیں جیہڑا انھاں دا رئیس ہوے۔(۳) چناچہ موسیٰ نیں خدادے ارشاد دے موافق دشتِ فاران ء چ ایجھے بندے روانہ کیتے جیہڑے بنی اسرائیل دے سردار ہَن۔(۲5) چالیہہ ڈینہاں بعد او ہ ملک دا حال پچھ تے ولے۔(۲6) تے او ہ ٹرے تے موسیٰ تے ہارون تےبنی اسرائیل دِی سَاری جماعت دے کول دشتِ فاران دے قادس ء چ آئے تے انھاں کوں تے ساری جماعت کوں سارا حال سنڑایا تےاوں ملک دا پھل انھاں کوں ڈیکھایا۔(۲7) تے حضرت موسیٰ کوں آکھنڑ لگے جیہڑے ملک ء چ تیں ساکوں بھیجیا ہئی اساں اتھاں گئے تے واقعی کھیر تے ماکھی اتھاں واہندا پیا ہا ایہہ اتھوں دا پھل ہے۔(۸۲) پرجیہڑے لوک اتھاں وسدے ہِن او ہ زور آور ہِن انھاں دے شاہر وڈے وڈے تے فصیل دار ہِن اساں بنی عناق کوں وی اتھاں ڈِٹھا۔(۳0) وَل کالب نیں حضرت موسیٰ دے سامنڑے لوکاں کوں چپ کرایا تے آکھیا !جُلوَاساں ہکی واری ونج تے انھاں اُتے قبضہ کروں کیوں جو اسَاں ایں قابل ہیں جو انھاں کوں قابو کر گھِنوں۔(۳1) پَر جیہڑے بئے بندے انھاں نَال گئے ہَن اوہ آکھنڑ لگے اَساں ایں لائق نئیں جو انھاں لوکاں اُتے حملہ کروں کیوں جو او ہ سَاڈے توں زیادہ زور آور ہِن۔(۳2) اِنھاں بندیاں نیں بنی اسرائیل کوں اوں ملک دِی جینکوں اوہ ڈیکھنڑ گئے ہَن بری خبر ڈتی تے ایہہ آکھیا جو اوہ ملک جیندا حال پچھنڑ کیتے اَساں اوندے ءچوں لنگھے ہک ایجھا ملک ہے جیہڑا اپنڑے بندیاں کوں کھا ویندے اَساں اتھاں جتی بندے ڈٹھے او ہ سَارے وڈے قد آلے ہَن۔(۳۳) تےاسَاں اتھاں بنی عناق کوں وی ڈٹھے جیہڑے جبار ہَن تے جباراں دِی نسل ء چوں ہَن اساں تاں اپنڑی نگاہ ء چ ایویں ہاسے جیویں ٹڈے ہوندن تے انھاں دِی نگاہ ء چ وی ایویں ای ہاسے۔
(گنتی 14با ب 1تا 10آیات)
(۱) وَل ساری جماعت زور زور نال چیخنڑ لگی اوہ لوک اوں رات روندے ای ریہے۔(۲) کُل بنی اسرائیل موسیٰ تے ہارون دِی شکایت کرنڑ لگے تے سَاری جماعت انھاں کوں آکھنڑ لگی ہائے کاش اساں مِصر ء چ مَر ویندے! یا کاش اس بیابان وچ مردے۔(۳)خُداوندکیوں اساں کوں اُس ملک وچ لے جا کے تلوار نال ساکوں اوں ملک ءچوں کڈھ تے تلوار نال قتل کراونڑ چاہندے؟ وَل تاں ساڈیاں ذالاں تے بال لٹ دا مال بنڑ ویسن کیا ساڈے کیتے بہتر نہ ہوسی جو اساں مِصر دو واپس لگے ونجوں ۔(۴) وَل آپس ء چ آکھنڑ لگے آؤ اسَاں کہینکوں اپنڑا سردار بنڑا گھنو تے ملک مِصر دو واپس جُلوں۔(۶) تےنون دے پوتر یشوع تے یفنہ دے پوتر کالب نیں جیہڑے اوں ملک دا حال پچھنڑ آلیاں وچوں ہَن اپنڑے کپڑے پھاڑے ۔(۸) جے خداسَاڈے اُتے راضی راہوے تاں اوہ ساکوں اوں ملک ء چ پُچیسی جیندے ء چ کھیر تے ماکھی واہندے سَاکوں ڈیسی۔(۱0) وَل ساری جماعت بول اٹھی جو انھاں کوں سنگسار کرو اوں ویلے خیمہ اجتماع ء چ سارے بنی اسرائیل دے سامنڑے خدادا جلال ظاہر تھیا۔
(۱) خدانیں مخبراں کوں کِتھاں بھیجیا ہئی، بارہاں ء چوں ڈاہ مخبر کیہڑی خبر گھن تے واپس آئے ؟
(۲) خداجئیں مِصری فوج کوں تباہ کیتا کیا اوہ واقعی چند جنگجواں دا مقابلہ وی کر سگدا ہا، وَل لوک خوف زدہ کیوں تھئے انھاں دا ایمان کِتھاں ہا؟
(۳) ایں واقع ء چ اساں زبان دی طاقت تے منفی گالھیں دے اثرات دے بارے ء چ کیا سکھدے ہیں؟
(۴) تہاڈے خیال ء چ خداکیا چاہندے؟
