حضرت داؤد اور جاتی جالوت
ساؤل ناں دا ہک بندہ اسرائیل دا پہلا بادشاہ بنڑیا لیکن او ہ خدا دا نافرمان بنڑ گیا وَل جڈاں جنگ ء چ اونکوں ہک نو فٹ لمبے دیوقامت بندے دا سانمڑ اں کرنڑا پیا تاں اونکوں کجھ سمجھ نہ آئی جو کیا کراں وَل ہک بندہ داؤد سانمنڑے آیا۔(۱سموئیل 17 باب)
(۱) وَل فلستیاں نیں جنگ واسطے اپنڑیاں فوجاں کوں جمع کیتاتے یہوداہ دے شہر شوکہ ءچ فراہم تھئیےتے شوکہ تے عزیقہ دے درمیان افسدمیم ءچ تنبو لائے۔(۲) تے ساؤل تے اسرائیل دے لوکاں نیں جمع تھئی کے ایلہ دی وادی ءچ ڈیرے لائے تے لڑائی واسطے فلستیوں دے مقابلہ ءچ جمع تھئے۔(۴) وَل فلستیاں دے لشکر ء چوں ہک پہلوان نکلیاء جیندا ناں جاتی جولیت ہا ۔اوہدا قد چھ ہتھ تے ہک بالشت ہا۔(۸) او کھڑاتھیاتے اسرائیل دے لشکراں کوں سد کے انھاں کوں آکھن لگا تساں آ کے جنگ واسطے کیوں جمع تھئے ہیوے؟ کیا میں فلستی نئیں تے تساں ساؤل دے نوکر نئیں؟ سو اپنڑے واسطے کسی بندے کوں مقرر کرو جہیڑا میڈا مقابلہ کر سگے۔ (10)تے ول او فلستی اکھیا میں اج دے ڈنہہ اسرائیل دیاں فوجاں دی بے عزتی کریندا ہاں۔(۱۱) جڈاں سَاؤل تے سَارے اسرائیلیاں نیں اوں فلستی دیاں گالھیں سنڑیاں تاں او ہ بہوں خوف زدہ تھئے تےڈر گئے۔(۱2) تے داؤدبیت لحم یہوداہ دے اُس افراتی مرد دا پُتر ہا جیندا ناں یسی ہا۔(۱5) تے داؤد بیت لحم ءچ اپنے پیو دیاں بھیڈ بکریاں چراون واسطے ساؤل دے کول اندا جاندا ہا۔(۱7) یسی نیں اپنڑے پوتر داؤد کوں آکھیا اس بھنے ہوئے اناج ءچوں ہک ایفہ تے ایہہ ڈاہ روٹیاںاپنڑے بھراواں واسطے گھن تے انہاں کوں جلدی لشکر گاہء چ پچاڈے۔(۲3) اتھاں ونج کے او ہ اپنڑے بھرانواں نال گالھیں کریندا پیا ہا تے جاتی جولیت صفاں ء چوں نکلیا تے اونیں ول اوہو گالھیں کیتیاںتے داؤد نئیں گالھیں سنڑیاں۔(26)وَل داؤد نیں آکھیا جو ایہہ نا مختون فلستی کونڑ ہے جہڑا زندہ خدا دیاں فوجاں دی بے عزتی کریندا ہے۔(۳2) وَل داؤد نیں ساؤل کوں آکھیا جو تیڈا نوکر ونج کے اوں فلستی نال لڑسی۔(۳۳) ساؤل نیں داؤد کوں آکھیا توں تاں اجے چھوہر ای ہیں۔(36 ) تیڈے نوکر نیں شیر تے ریچھ ڈوہائیں کوں مارے وَل ایہہ نامختون فلستی وی انھاں ءچوں ہک آلی کار ہوسی ۔ ایں کیتے جو اونیں زندہ خدا دیاں فوجاں دِی بے عزتی کیتی ہے۔(40) وَل داؤد نیں نالے ء چو ں پنج چیکنڑے چیکنڑے پتھر اپنڑے کیتے چنڑ گھدے تے اوندا فلاخن اوندے ہتھ ء چ ہا وَل او ہ فلستی دے نیڑے گیا۔ وَل (42)جیں ویلے اوں فلستی نیں داؤد کوں ڈیٹھا تاں اونکوں نا چیز جانڑیا کیوں جو او ہ اجے چھوہر ای ہا۔(43)اونیں اپنڑے دیوتا دا ناں گھن کے داؤد اتے لعنت بھیجی۔(۴۴) وَل فلستی نیں داؤد کوں آکھیا توں میڈے کول آ تے میں تیڈا گوشت ہوا دے پکھیاں تے جنگلی درندیاں کوں ڈیساں کوں ڈیساں۔(۴5) وَل اوں فلستی نیں داؤد کوں آکھیا توں تلوار تے برچھی گھن کے میڈے کول آندیں پر میں رب الافواج دے ناں ء چ جیہڑا اسرائیل دے لشکراں دا خدا ہے جیندی تئیں بے عزتی کیتی ہے تیڈے کول آندا پیاں۔(46) اج دے ڈینہہ خدا تیکوں میڈے ہتھ ء چ کر ڈیسی تے میں تیکوں مار کے تیڈا سِر تیڈے توں لھا ڈیساں تاں جو دنیا جانڑ گھنے جو اسرائیل ء چ ہک ای خدا ہے اوہو ای تیکوں ساڈے ہتھ ء چ کر ڈیسی۔(48 )جینوں ای فلستی داؤد دے نیڑے آیا۔(49)داؤد نیں اپنڑے تھیلے و چ ہتھ ماریا اوندے ءچو ں ہک پتھر گھدا تے فلاخن ء چ رکھ کے اوں فلستی دے مَتھے اتے ماریا اوہ پتھر اوندے مَتھے ء چ وڑھ گیا او ہ زمین تے مونہہ دے بھرانڑے ڈھٹھا۔(51)وَل داؤد بھج کے اوں فلستی دے اتے چڑھ کے کھڑا تھی گیا اوندی تلوار نال اوندا سِر کَٹ ڈتہ تتے فلستیاں نیں ڈیٹھا جو ساڈا پہلوان مر گیا ہے او بھج پئے۔(52) وَل اسرائیل دے لوک اٹھیے تے ہوکا ڈے کے فلستیاں دا پیچھا کیتا۔(53) تے انھاں دے خیمیاں کوں لٹیا۔
(۱) جاتی جولیت دا مقابلہ کرنڑ توں پہلے داؤد کیہڑے کیہڑے جنگلی جانور مار چکے ہَن۔؟
(۲) جاتی جولیت داؤد کوں سمجھنڑ ء چ کیوں ناکام ریہا؟ کیا داؤد اوں ویلے محض لڑکے ای ہَن یا ہک نو جوان مرد ہَن۔؟
(۳) داؤد نیں جاتی جولیت کوں کیا آکھیا؟
۔تے اگلی کہانڑی ایہہ ہے جو حضرت داؤد ساؤل دی جان بخش ڈیندے۔
