حضرت داؤد ساؤل دی جان بخش ڈیندے ہِین
(۱سموئیل 24 باب )2 ساؤل ترئے ہزار چُنڑے ہوئے مرد گھن تے جنگلی بکرے دی چٹاناں تے داؤد تےاُوندے لوکاں دی گولھ ء چ ٹریا تے ہک غار ء چ پُجیا۔
(3) تے او راستہ ءچ بھیڑ سالاں دے کول پجیا،جتھاں ہک غار ہا تے ساؤل اۃس غار ءچ آرام کرن گسھیا تے داؤد اپنڑے لوکاں سمیت اُس غار دے اندر آلیاں خانیاں ئث بیٹھا ہا۔(۴) داؤد دے لوکاں نیں اونکوں آکھیا ڈیکھ ایہواوہ ڈینہہ ہے جو خُدانیں تیڈے دشمنڑ کوں تیڈے ہتھ ءچ کر ڈتے وَل داؤد نیں اٹھ تے ساؤل دے چولے دا ٹُکڑا چُپکے نال کٹ گِھدا۔(۶) اونیں آپنڑے لوکاں کوں آکھیا خُداوندنہ کرے جو میں آپنڑے مالک نال ایجھا کم کراں جو آپنڑاں ہتھ اوندے تے چلاواں ایں واسطے جو اوہ خُداوند دا ممسوح ہے۔(۷) وَل داؤد نیں آپنڑے لوکاں کوں ایہہ گالھیں آکھ تےروکیا تے انھاں کوں ساؤل اُتے حملہ نہ کرݨ ڈتا تےساؤل اٹھ تے غار ء چوں نکلیا تے اپنڑی راہ گھدی۔(۸) وَل داؤد وی اوں غار ء چوں نکلیا تے ساؤل کو ں پچھو ں سڈ تے آکھنڑ لگا اے میڈے مالک بادشاہ !جڈاں ساؤل نیں پچھے مُڑ تے ڈٹھا تےداؤد منہ دے بھرانڑے جھک گیا۔(۹) وَل داؤد نیں ساؤل کوں آکھیا توں کیوں ایجھے لوکاں دے گالھیں کوں سُنڑ دیں جیہڑے آدھن جو داؤد تیڈے نال بدی کرنڑاں چاہندے۔(10) اج دے ڈینہہ خُداوندنیں غار ء چ تیکوں میڈے حوالے کر ڈتا ہا ۔ڈوجھیاں نیں میکوں آکھیا جو اینکوں مار سٹوں، وَل میں آکھیا میں آپنڑے مالک اُتے ہتھ نئیں چلیندا کیوں جو او ہ خُداونددا ممسوح ہے۔(۱۱) اَے میڈےپِیو! میں تیڈا چولا کپے پر تیکوں مار نیئں سٹیا، توں خود ڈیکھ گھن میڈے ہتھ ء چ جو اِیں قسم دی بدی یا برائی نئیں۔(16)جیں ویلے داؤد نیں ایہہ گالھیں ساؤل کوں آکھ ڈتیاں تاں ساؤل نیں آکھیا، اے میڈے پوتر داؤد! کیا ایہہ تیڈی آواز ہے ؟تےساؤل زور نال رووݨ لگا۔(18) وَل اونیں داؤد کوں آکھیا توں میڈے تُوں زیادہ صادق ہیں، ایں واسطے تیں میڈے نال بھلائی کیتی ہے بھانویں جو میں تیڈے نال برائی کیتی ہے۔تیں اج دے ڈینہہ ظاہر کر ڈتے جو تیں میڈے نال بھلائی کیتی ہے کیوں جو خدا نیں میکوں تیڈے ہتھ ء چ کر ڈتا تے تیں میکوں قتل نہ کیتا۔(19) بھلا کیا کوئی اپنڑے دشمنڑ کوں پیندے ہویاں سلامتی نال ضانڑ ڈیندا ہے؟سو خُدا وند اس نیکی ڈے بدلے جہیڑی توں میڈے نال اج ڈے ڈنہہ کیتی ،تئے کوں جزا ڈیوے۔(20) ڈیکھ میں خوب جانڑدا ہا ں جو توں یقینا ً بادشاہ ہوسیں۔ سلطنت تیڈے ہتھ ء چ آ تے قائم راہسی۔(21) ہنڑ میڈے بعد میڈی اولاد کوں ہلاک نہ کریسیں۔(۲۲) وَل داؤد نیں ساؤل نال قسم کھادی تے ساؤل گھر دو لگا گیا پر داؤد تے اوندے لوکاں نیں پہاڑی قلعے ء چ پناہ گھن گھدی۔
(۱) داؤد جڈاں غار ء چ ہئی تاں اوندی شخصیت دی تعمیر کیویں تھیندی پئی ہئی؟
(۲) غار ء چ داؤد نیں کیا فیصلہ کیتا ؟کیا تہاکوں وی ایندے آلی کار فیصلے کرنڑے پوندے ہِن؟
(۳) ساؤل نیں داؤد دے بارے ء چ کیا آکھیا؟
اِنہاں ترئے سوالاں دےجواب تساں ساکوں ضرور ڈیوائے تےاگلی کہانڑی داؤد آجڑی دے بارے ءچ ہے۔
