حضرت داؤد دا ہک زبور شریف
میڈے بھراؤ !اج میں تہاکوں داؤد دا ہک زبور شریف سنڑوینداہاں ۔داؤد ہک آجڑی جنگجو بادشاہ تے شاعر ہَن تے اُنہاں کوں زبور شریف دے لکھاری جانڑیا ویندے ۔
میں امید کرینداہاں تہاکوں ایں زبور شریف دے سنڑڑ نال بہوں برکت ملسی ۔ آؤ کہانڑی سنڑو۔
خداوند میڈا چوپان ہے میکوں کمی نہ ہوسی او ہ میکوں شاداب چراگاہاں ء چ بلیہندے او ہ میکوں راحت دے چشمیاں کولھ گھن ویندے او ہ میڈی جان کوں بحال کریندے او ہ میکوں اپنڑے ناں دی خاطر صداقت دِیاں راہواں تے گھن ویندے بلکہ بھانویں موت دے سایہ دی وادی ءچوں میں لنگھاں میں کہیں بلا توں نہ ڈرساں کیوں جو توں میڈے نال ہیں تیڈے عصا تے تیڈی سوٹی نال میکوں تسلی ہے ۔ توں میڈے دشمنڑاں دے سامنڑےمیڈے اگوں دستر خوان وچھیندا ہیں توں میڈے سر اتےتیل ملیا ہے میڈا پیالہ بھریج ویندے یقینا ً بھلائی تےرحمت ساری عمر میڈے نال نال راہسن تے میں ہمیشہ خداوند دے گھر ء چ سکونت کریساں۔
(۱) داؤد خداوند کوں کیہڑی حیثیت نال جانڑدے ہَن؟
(۲) داؤد کیا فرماندے ہَن جو خداوند کیہڑے طریقے نال انھاں دا خیال رکھیندے ہَن؟
(۳) داؤد کیا فرمیندے ہَن جو او ہ کڈھاں تئیں خداوند دے گھر ء چ راہسن؟
میڈے بھراؤ !ج اساں ایں کہانڑی توں کیا سیکھے تے ساکوں کیا کرنڑ دی لوڑ ہے۔؟
