آسمانی پیغام (لوقا ۱: باب۔متی۱:باب)
تعارف : میڈے بھراؤ !میں امید کرینداہاں جو تساں پرانڑےعہد نامے توں ڈھیر سارے واقف تھی گئے ہیوے۔تےہنڑاساں تہاکوں نویں عہد نامے نال متعارف کرویسوں ۔جیہڑے انبیاء کرام نیں ایہہ خبر ڈتی جو عورت دِی نسل ء چوں ہک نجات دہندہ پیدا تھیسی خدا نیں باغِ عدن ء چ ایندے بارے ء چ پہلے ای ڈسا ڈتا ہا جو او ہ المسیح آکھویسی۔
لوقا دی انجیل پہلا باب 26 آیت (۲6) خدا دی طرفوں جبرائیل فرشتہ گلیل دے ہک شاہر ناصرت ء چ ہک کنواری دے کولھ بھیجیا گیا۔ (27) جیندی منگنڑی داؤد نبی دے گھرانڑے دے ہک مرد یوسف نال تھئی ہئی اوں کنواری دا ناں مریم ہا۔ (28) فرشتے نیں اوندے کولھ آ کے آکھیا سلام تیڈے اتےجیندے اتےفضل تھیاہے! خداوند تیڈے نال ہے۔(29) او ہ ایں کلام توں بہوں گھبرا گئی او ہ سوچنڑ لگی ایہہ کیجھا سلام ہے۔(30) فرشتے نیں اونکوں آکھیا اے مریم !خوف نہ کر کیوں جو خداوند دی طرفوں تیڈے اتےفضل تھیاہے۔(31) توں امید نال ہوسیں تیڈےپوتر جمسی تے توں اوندا ناں یسوع رکھی(32) او ہ بزرگ ہوسی تےخدا تعالی دا فرزند آکھویسی تےخُداوند خُدا اوہدے باپ داؤد ڈا تخت او کوں ڈیسی ۔(۳۳) تے اوہ یعقوب دے گھرانڑے تے ابدتئیں بادشاہی کریسی تے اوندی بادشاہی دا آخر نہ ہوسی۔(34) مریم نیں فرشتے کوں آکھیا ایہہ کیویں ہوسی جڈاں میں مرد کوں نئیں جانڑدی؟۔(35) فرشتے نیں جواب ء چ آکھیا جو خدا دا روح تیڈے اتے نازل تھیسی تے خدا تعالیٰ دی قدرت تیڈے اتے چھاں کریسی اس طرح او مولود خُدا ڈا بیٹا آکھویسی۔(36) تیڈی رشتہ دار الیشبع دا وی بڈھیپے ء چ پوتر جمنڑ آلا ہے ہنڑ اونکوں جیہڑی بانجھ آکھویندی ہے چھینواں مہینہ ہے۔(37) کیوں جو خداتعالیٰ فرمایا ہے او ہر گز بے تاثیر نہ تھیسی۔(39) وَل حضرت مریم اٹھی تے جلدی نال پہاڑی ملک توں یہوداہ دے ہک قصبہ دو گئی۔(40) وَل زکریاہ دے گھر ء چ داخل تھی تے الیشبع کوں سلام کیتا۔(41) وَل جیویں ای الیشبع نیں مریم دا سلام سنڑیا تاں بچہ خوشی دے مارے اوندے پیٹ ء چ اچھل پیا وَل الیشبع خدا دی روح نال بھر یج گئی۔ (42) تے وَل اچی آواز نال آکھنڑ لگی توں عورتاں ء چو ں مبارک ہئیں تے تیڈے رَحم دا پھل مبارک ہے۔
(متی1 باب دی 18 آیت)
(18) مریم تے یوسف دے کٹھے تھیونڑ توں پہلے مریم روح القدس دی قدرت نال امیدنال تھئی۔ (20) خداوند دے فرشتے نیں یوسف کوں خواب ء چ ڈیکھالی ڈے تے آکھیا اے یوسف ابن ِ داؤد توں اپنڑی ذال مریم کوں اپنڑے کولھ گھن آنونڑ توں نہ ڈر کیوں جو اوندے پیٹ ء چ جو ہے روح القدس دی قدرت نال ہے۔(21) اوندےپوتر جمسی تے توں اوندا ناں المسیح رکھیں کیوں جو اہواپنڑے لوکاں کوں انھاں دے گناہاں توں نجات ڈیسی۔
(۱) فرشتے نیں مریم کوں کیا پیغام ڈتا وَل مریم دا ردِ عمل کیا ہا؟
(۲) ایں واقع دے مطابق خدواند دے نیڑے کوئی چیز ناممکن نیں؟
(۳) مریم جڈاں یہودیہ دے پہاڑی علاقے دو گئی تاں او ہ بہوں خوش کیوں تھئی ؟
