یسوع المسیح دی پیدائش: لوقا:2باب
تعارف ۔میڈے بھراؤ ! اج میں تساں سجنڑاں کوں کہانڑی سنڑویساں جو انبیا ء کرام نیں وی نبوت کیتی ہئی جو المسیح داؤد دے خاندان ءچوں بیت لحم نامی قصبہ ءچ پیدا تھیسی رومیاں نیں فارسیاں دی جاہ اسرائیلیاں اتے حکومت کرنڑاں شروع کر ڈتی ۔ایں واسطے خداوند رومی شہنشاہ کوں اپنڑاں کلام پورا کرنڑ کیتے استعمال کریندے ۔لوقا 2 باب(1) انھاں ڈینہاں ءچ قیصر اوگوستس دی طرفوں ایہہ حکم جاری تھیاجو ساری دنیا دے لوکیں دے ناں لکھے ونجنڑ۔(3) لہذا سارے لوک ناں لکھواونڑ کیتے اپنڑے اپنڑے شاہر دو گئے۔(4) یوسف وی گلیل دے شاہر ناصرت ءچ داؤد دے شاہر بیت لحم دو گیا جیہڑا یہودیہ ءچ ہے ایں واسطے جو اوہ داؤد دے گھرانڑے تے اولاد ءچو ں ہا۔(5)تاں جو او ہ اپنڑی منگیترمریم دے نال جیہڑی امید نال ہئی ناں لکھواوے۔(6) جڈاں او ہ اتھاں ہَن تاں مریم دے بال جمنڑ دا وقت آ گیا ۔(7) وَل اوندا پہلوٹھا پوتر پیدا تھیا انھاں نیں بال کوں ولھیٹ کے کھرلی ءچ رکھیا کیوں جو انھاں واسطے سرائے اچ جاہ نہ ہئی۔(8) اوں علاقے ءچ آجڑی ہَن جیہڑے رات کوں میدان اچ ہَن کیوں جو اپنڑے اِجڑ دی نگرانی کریندے پئے ہَن۔(9) خداونددا فرشتہ انھاں دے کولھ آ کھڑا تھیا تے خداونددا جلال انھاں دے چودھاروں چمکیا تے او ہ بہوں ڈر گئے۔(10) فرشتے نیں انھاں کوں آکھیا ڈرو ناں کیوں جو میں تہاکوں وڈی خوشی دی خبر سنڑوینداہاں جیہڑی ساری امت کیتےہوسی ۔(11) جواج داؤد دے شاہر ءچ تہاڈے کیتے ہک نجات ڈیونڑ آلا پیدا تھئے یعنی مسیح خداوند۔(12) تہاڈے کیتے ایندا نشان ایہہ ہے جو تساں ہک بال کوں کپڑے ءچ ولھیٹیا تےکھرلی ءچ پیا ہویا پیسو ۔(13) وَل فوراً اوں فرشتے دے نال آسمانی لشکر (فرشتیاں دی ہک گروہ) خداونددی حمد کریندی تےایہہ آہدھی ہوئی ظاہر تھئی جو۔(14) عالمِ بالا ا تےخداونددی تمجید ہووے تے زمین اتے انھاں آدمیاں نال جنھاں نال اوہ راضی ہے صلح۔(15) جڈاں فرشتے انھاں کولھوں آسمان اتے لگے گئے تاں آجڑیاں نیں آپس ءچ آکھیا جو آؤاساں بیت لحم تئیں چلوں تے ایہہ گالھ جیہڑی تھئی ہےتے جیندی خداوند نیں ساکوں خبر ڈتی ہے ڈیکھوں۔(16) بس انھاں نیں جلدی نال ونج تے مریم تے یوسف کوں ڈیٹھا تے بال کوں کھرلی ءچ پاتا۔(17) وَل انھاں کوں ڈیکھ تے اوہ گالھ جیہڑی اوں چھوہر دے حق ءچ انھاں کوں آکھی گئی ہئی مشہور کیتی تے آجڑی جیویں انھاں کوں آکھیا گیا ہا اونویں ای سارا کجھ سنڑ کےتے ڈیکھ تے خداوند دی تمجید تے حمد کریندے ہوئے وَل گئے۔
(1) خداوند نیں یوسف تے بی بی مریم دے ناصرت توں بیت لحم ونجنڑدا کیا سبب بنڑایا؟
(2) یسوع المسیح نیں ہک کھرلی ءچ پیدا تھیونڑکیوں پسندکیتا۔؟
(3) فرشتیاں دے ظاہر تھیونڑدی کیا وجہ ہئی ؟
(4) یسوع المسیح دی پیدائش دی خبر سب توں پہلے کنہاں کوں ملی ۔ ؟
