یسوع المسیح دا بپتسمہ (لوقا:۳، متی۳:، یوحنا:۱)
(تعارف) میڈے بھراؤ !اج میں تہاکوں یسوع مسیح دے بارے ڈسیساں جو انھاں پانڑی دا بپتسمہ کیوں گھدا تےانھاں کوں ایندی ضرورت کیوں ہئی ۔میڈے بھراؤ !پانڑی دا بپتسمہ طہارت دی ہک رسم آلی کار ہا جیہڑااپنڑے گناہاں دا اقرار کرنڑ کیتے لوکاں کوں ڈتا ویندا ہئی ۔فریسی تےصدوقی قوم دی مذہبی قیادت دا حصہ ہَن لیکن اپنڑی روایات دی پیروی کریندے کریندے او ہ خداونددے کولھوں بہوں دور ونج پئے ہَن ۔چار سو سال توں زیادہ عرصہ تئیں کہیں نبی اتےخدا کلام نازل نہ تھیاہا ہنڑ چار سو سال دے بعد خدا دا کلام یوحنا اتےنازل تھیا۔ایویں لگدے جو ایں وقت صرف یوحنا ایں گالھ کوں سمجھدے ہَن تے یوحنا نیں ایہہ گواہی ڈتی جو المسیح دنیا دے گناہاں کیتے قربان تھیسی ۔(لوقا ۳:۱)
(۱) تبریس قیصر دی حکومت دے پندرھویں سال جڈاں پنطیس پیلاطس یہودیہ دا حاکم ہا تے ہیرودیس گلیل دا تے اوندا بھرا فلپس اِتوریہ تے ترخونیتس دا تے لسا نیاس ا بلینے دا حاکم ہا ۔(۳) اوہ ونج کے گناہاں دی معافی کیتے توبہ دے بپتسمہ دی منادی کرنڑ لگا جینویں یسعیاہ دی کتاب ء چ لکھیا ہے خداوند دی راہ تیار کرو اوندے راہ سیدھے بنڑاؤ ہر ہک جھکی جاہ بھری ویسی تے ہر ہک پہاڑ تے ٹیبا ہموار کیتا ویسی وَل جیہڑا ڈینگا ہے او ہ سیدھا تے جیہڑا اُچا ہے ہموار راہ بنڑسی 6تے ہر انسان خداوند دی نجات ڈیکھسی۔ (متی:۳:۴) یوحنا اوٹھ دے والیں دی پوشاک تے چمڑے دا پٹکا اپنڑی چیل ء چ بدھیندا ہا ،اوندی خوراک ٹڈیاں تے جنگلی ماکھی ہا۔(۵) اوں ویلے یروشیلم تے سارے دریائے یردن دے لوک تے آسو ں پاسو ں دے سارے لوک نکل تے اوندے کولھ گئے۔(۶) تےاپنڑے گناہاں دا اقرار کر تے دریائے یردن ءچ یوحنا کنوں بپتسمہ گھدا ۔(۷) پر جئیں ویلے او نیں بہوں سارے فریسیاں تےصدوقیاں کوں بپتسمہ دے واسطے اپنڑے کولھ آندے ڈیٹھا تےآکھیا اے نانگ دے بالو !تہاکوں کئیں جتا ڈتے جو آنونڑ آلے غضب کولھو ںبھجو ۔(۹) اپنڑے دلاں ء چ ایہہ آکھنڑ دا خیال نہ کرو جو ابراہیم ساڈا پیو ہے کیوں جو میں تہاکوں ایہہ آہدھاں جو خداوند انھاں پتھراں توں وی ابراہیم دے واسطے اولاد پیدا کر سگدا ہے۔(10) وَل ہنڑ درخت دی پاڑھ اتے کوہاڑا رکھیا ہویا ہے بس جیہڑا درخت چنگا پھل نیں گھن آندا او ہ کٹیا تےبھاہ ءچ سٹیا ویسی لوکاں نیں اوندے توں پچھیا اساں کیا کروں۔؟(۱۱) اوں نیں جواب ء چ انھاں کوں آکھیا جیندےکولھ ڈو کڑتے ہوون او ہ اونکوں جیندے کولھ نہ ہووے ونڈ ڈیوے جیندے کولھ کھانڑا ہووے او ہ وی ایویں ای کرے۔(12) وَل سود گھنڑ آلے وی بپتسمہ گھنڑ آئے تے پچھنڑ لگے جو اے استاد اساں کیا کروں۔(13) اونیں انھاں کوں آکھیا جیہڑا تہاڈے کیتے مقرر ہے اوندے کنو ں زیادہ نہ گھنائے۔(14) تے سپاہیاں نیں وی اوندے کنوں پچھیا جو اساں کیا کروں او نیں انھاں کوں آکھیا نہ کہیں اتےظلم کرو نہ کہیں کنوں نا حق کجھ گھنو تے اپنڑی تنخواہ اتےگزارہ کرو۔(15) جڈاں لوک منتظر ہَن تےسارے اپنڑے اپنڑے دلاں ء چ یوحنا دے بارے ءچ سوچیندے ہن جو اوہو المسیح ہے یا نیں۔(16) تے یوحنا نیں ساریاں کوں جواب ء چ آکھیا میں تاں تہاکوں پانڑی نال بپتسمہ ڈیندا ہاں پرجیہڑا میڈے توں طاقت ور ہے او ہ آنونڑ آلا ہے میں اوندی جتی دا تسمہ کھولنڑ دے لائق نہیں او ہ تہاکوں روح القدس تے بھاہ نال بپتسمہ ڈیسی۔ (متی: ۳:۳۱) اوں وقت یسوع گلیل دے دریا یردن دے کنارے یوحنا دے کول بپتسمہ گھننڑ کیتے آیا۔(14) پر یوحنا ایہہ آکھ تے اونکوں منع کرنڑ لگا جو میں تاں خود تیں توں بپتسمہ گھننڑ دا متھاج ہاں تےتوں میڈے کول آیا ہَیں۔(16) المسیح نیں جواب ء چ آکھیا جو ہنڑ تاں اینویں ای تھیونڑ ڈے کیوں جو ساکوں اینویں ای ساری راستبازی پوری کرنڑں مناسب ہے وَل المسیح بپتسمہ گھن تے پانڑی ء چو ں فی الفور اتے گیا تے اوندے واسطے آسمان کھل گیا او نیں خداوند دے روح کوں کبوتر آلی کار لہندےتے اپنڑے اتے آندے ڈیٹھا۔(17) وَل آسمان توں آواز آئی جو ایہہ میڈا پیارا پوتر ہے (صفہ نمبر۔۳۔دے تعارف) جیندے نال میں خوش ہاں۔(یوحنا ۔۱:۹۲) ڈوجھے ڈینہہ یوحنا نیں یسوع کوں اپنڑے کول آندےڈیٹھا تے آکھیا ڈیکھو ایہہ خداوند دا برہ ہے جیہڑا دنیا دے گناہ چائی ویندے۔
(۱) ایں واقع دے مطابق یوحنا دے کولھ کیا ہا؟
(۲) فریسی تے صدوقی کون ہَن یوحنا فریسیاں تے صدوقیاں نال کیویں گال کریندے ہَن؟
(۳) کیوں جو ایں وقت یوحنا ای او ہ شخص ہا جیندے کولھ خداوند دا کلام ہا انھاں دا مذہبی قیادت دے نال گالھ کرنڑاں اوں وقت دی اسرائیلی قوم دی روحانی حالت دے بارے ء چ کیا ظاہر کریندے تے اتھاں کیا مسائل ہَن؟
(۴) جینویں اساں جانڑدے ہئیں جو یسوع المسیح بے گناہ ہَن تاں وَل انھاں کوں بپتسمہ ڈیونڑ دا کیا مقصد ہا۔؟
