یسوع المسیح دے پہلے شاگرد (مرقس ۱ باب)
(تعارف) میڈے بھراؤ ! اج میں تہاکوں یسوع المسیح دے شاگرداں دے بارے ءچ ڈسیساں جیہڑے پہلے شاگرد ہَن۔ جڈاں یسوع المسیح نیں آپنڑی خدمت دا آغاز کیتا او ہ تر یح سال دے ہَن ۔ انھاں نیں انھاں بندیاں کوں آپنڑے کولھ سڈ یا ،جنہاں کوں انھاں نیں آپنڑے شاگرد بنڑایا ہا ۔(مرقس 1 باب 16 آیت سے)
(16) گلیل دی جھیل دے کنارے کنارے ویندے ہوئے یسوع المسیح نیں شمعون تےاوندے بھرا اندریاس کوں جھیل ء چ جال سٹیندے ہوئے ڈیٹھا کیوں جو او ہ ماہی گیر ہَن۔(17) یسوع ِالمسیح نیں انھاں کوں آکھیا ! میڈے پچھو ں آؤ پئے میں تہاکوں آدم گیر بنڑیساں ۔(18) او ہ جلدی نال آپنڑے جال چھوڑ تے اوندے پچھوں ٹر پئے۔(19) تھوڑا دور ونج تے انھاں نیں زبدی دے پوتر یعقوب تے اوندے بھرا یوحنا کوں بیڑی تے جالاں دی مرمت کریندے ہوئے ڈیٹھا تےانھاں کوں سڈیا۔(20) او ہ آپنڑے پیو زبدی کوں چھوڑ تے یسوع المسیح دے پچھو ں ٹر پئے۔(21) وَل او ہ کفرِ نحوم ء چ داخل تھیاء تےفوراً سبت دے ڈنیہہ ۔(ہفتہ دا پہلا ڈینہہ) دے عبادت خانہ ء چ ونج تے تعلیم ڈیونڑ لگا۔(22) لوک اوندی تعلیم توں حیران تھئے کیوں جو اوہ انھاں کوں شریعت دے عالماں آلی کار نئیں بلکہ صاحبِ اختیار آلی کار تعلیم ڈیندا ہا۔(23) وَل جلد ای اونکوں عبادت خانہ ء چ ہک شخص ملیا جیندے ء چ ناپاک روح ہئی او ہ ایہہ آکھ تے چیخنڑ لگا 24اے یسوع ناصری !ساکوں تیڈے نال کیا کم ؟ کیا توں ساکوں ہلاک کرنڑ آیا ہیں ؟میں جانڑدا ہاں جو توں کونڑ ہیں خدادا قدوس ہیں۔(25) یسوع نیں اونکوں جھڑک تے آکھیا چپ رہِ ایندے ءچوں نکل ونج۔(26) بس او ہ ناپاک روح اونکوں مروڑ تے تے وڈی آواز نال چیخ تے اوندے ء چوں نکل گئی۔(27) وَل سارے لوک حیران تھئے تےآپس ء چ ایہہ آکھ تے بحث کرنڑ لگے جو اے کی ہے؟ایہہ تاں نویں تعلیم ہے!جواو ہ ناپاک روحاں کوں اختیار نال حکم ڈیندے تےاو ہ اوندا حکم منیدیاں ہَن۔(32) شام کوں جڈاں ڈینہہ بڈ گیا تاں لوک سارے بیماراں کوں تے انھاں کوں جنھاں ءچ بد روحاں ہَن یسوع دے کولھ گھن آئے۔(34) اونیں بہوں سارے بیماراں کوں شفاء ڈتی تے بہوں ساریاں بد روحاں کوں کڈھیا۔(متی:۴:۳۲) یسوع سارے گلیل ء چ انھاں دے عبادت خانیاں ء چ ونج ونج تے بدروحاں کوں کڈھیندا ،بیماراں کوں چنگا کریندا تےخدادی خوشخبری دی منادی کریندا رہیا۔
(۱) یسوع المسیح نیں کیہڑے لوکاں کوں آپنڑا شاگرد ہوونڑ کیتے منتخب کیتا کیا ایہہ لوک بہوں پڑھے لکھے ہَن انھاں دا پیشہ کیا ہا؟
(۲) بد روح محض یسوع المسیح دے آکھنڑ نال ای نکل گئی ہئی ایں توں کیا ظاہر تھیندا ہے جو یسوع المسیح کونڑ ہَن ؟
(۳) کیا ایہہ شیطان دے سِر کوں کچلنڑ دے کم دا آغاز ہا؟
