مبارک باد دے مستحق (متی:۵ باب)
تعارف :میڈے بھراؤ اج اساں سیکھسوں یسوع المسیح شیطان توں کیویں آزمائے گئے تے اونکوں دڑکا کے بھجاونڑ ، ہک بندے ء چو ں ناپاک روح کوں کڈھنڑتے ہک مفلوج کوں شفا ڈیونڑ توں بعد یسوع المسیح نیں تبلیغ دا آغاز کیتا۔
(۱) لوکاں دا وڈا رَش ڈیکھ تے یسوع پہاڑ اتے چڑھ گیا جیہڑا کفرِنحوم دے پچھلے پاسو ں واقع ہا۔(۲) وَل جیں ویلے بہہ گیا تاں اوندے پیرو کار اوندے کولھ آئے 2تے او ہ انھاں کوں ایں سکھانونڑ لگا جو۔(3) مبارک ہَن او ہ جیہڑے دل دے غریب ہِین کیوں جو آسمان دی بادشاہی انھاں دی ہے۔(۴) مبارک ہَن او ہ جیہڑے غمگین ِہین کیوں جو او ہ تسلی پیسن ۔(۵) مبارک ِہین او ہ جیہڑے حلیم ہَین کیو ں جو او ہ زمین دے وارث ہوسن۔ (۶) مبارک ہَین او ہ جیہڑے راستبازی دے بھکے تے تریسے ہَین کیوں جو او ہ رج سن 7مبارک ہَین اوہ جیہڑے رحم دل ہَین کیوں جو انھاں اتے رحم کیتا ویسی 8مبارک ہَین او ہ جیہڑے پاک دل ہِن کیوں جو او ہ خدا کوں ڈیکھ سن ۔9مبارک ہَین او ہ جیہڑے صلح کرویندے ہن کیوں جو او ہ خدا دے پوتر آکھویسن۔(10) مبارک ہَین اوہ جیہڑے راستباز دے ہونڑ دے سببوں ستائے ویندے ہن کیوں جو آسمان دی بادشاہی انھاں ای دی ہے۔ (۱۱) جڈاں لوک میڈے سببوں تہاکوں لعن طعن کریسن تےہر طرح دیاں بریاں گالھیں تہاڈی نسبت نا حق آکھیسن تاں تساں مبارک ہوسو12 خوشی کرائے تے بہوں خو ش تھیوائے کیوں جو آسمان اتے تہاکوں وڈا اجر ملسی ایں واسطے جو لوکاں نیں خد ا دے پاک نبیاں کوں وی ایویں ای ستایا ہا۔ (13) تساں زمین دے نمک ہیوے پر جے نمک دا مزہ باقی نہ راہوے تاں او ہ کیہڑی چیز نال نمکین کیتا ویسی وَل او ہ کہیں کم دا نئیں سوا ئے ایندے جو باہر سٹیا ونجے تےلوکاں دے پیراں تلے لتاڑیا ونجے ۔(14) تساں دنیا دا نور ہیوے جیہڑا شاہر پہاڑ اتے واقع ہے او ہ آنکھیں توں اوڈھر نیں تھی سگدا۔(15) ڈیوا بال تے ڈیواٹ دے تلےنئیں بلکہ کہیں اچی جا ہ تے رکھیدے ہن ایں توں سارے گھر آلیاں کوں سوجھلا ملدے ۔(16) ایویں ای تہاڈا سوجھلا وی لوکاں دے سانمنڑے چمکے تاں جو او ہ تہاڈے نیک کماں کوں ڈیکھ تے تہاڈے آسمانی باپ دی تعریف و تمجید کرَنڑ۔
(۱) یسوع المسیح کیا فرمیندےہن جو دنیا دی روشنی کونڑ ہے ؟
(۲) تہاڈے خیال ء چ یسوع المسیح نیں ایمانداراں کوں زمین دا نمک کیوں آکھے؟
(۳) یسوع المسیح نیں کیا فرمایا جو کیہڑے لوک خداوند دا دیدار حاصل کریسن؟
(۴) یسوع المسیح کیا فرمیندے ہَن جو کیہڑے لوک خدا دے پوتر آکھویسن ؟
(۵) یسوع المسیح نیں کیا فرمایا جو کیہڑے لوک تسلی پیسن ؟
(۶) کیہڑے لوک زمین دے وارث ہوسن؟
