یسوع المسیح طوفان کوں روک ڈیندن
(تعارف۔ مرقس ۴ باب) میڈے بھراؤ ! میں امید کرینداہا ں جو تساں خیریت نال ہوسو تےاج دی کہانڑی تساں بھرا واں کوں بہوں چنگی لگسی اج دی کہانڑی نال تہاکوں بہوں برکت ملسی ا۔ یں کہانڑی ء چ اساں تساں سجنڑاں کوں ایہہ ڈسیسوں جو المسیح دے شاگرد کیوں حیران رہ ویندے ہَن جو المسیح قدرتی عوامل اتےوی اختیار رکھیندن ۔ آؤ اساں سیکھوں۔
(35) اوں شام المسیح نیں اپنڑے شاگرداں کوں آکھیا آؤ یردن دریادے پار جلوں۔(36) شاگرد بھیڑ کوں چھوڑ تے بیڑی تے اوندے نال چلے گئے۔(37) وَل طوفان چلیا تے لہراں بیڑی ء چ اتنیاں اچیاں آیاں جو بیڑی پانڑی نال بھر یچ گئی۔(38) او ہ خود پچھوں بیڑی دی گَدی تے سُتا پیا ہا بس شاگرداں نیں اونکوں جگا تےآکھیا اے استاد کیا تیکوں فکر کائنی جو اساں ہلاک تھئے ویندے ہئیں۔(39) المسیح نیں اٹھ تے ہوا کوں دڑکایا تےپانڑی کوں آکھیا آرام کر رک ونج ہوا بند تھی گئی تے وڈا امن تھی گیا۔(40) وَل شاگرداں کوں آکھیا تساں کیوں ڈردے ہیوے ۔ ہنڑ تئیں ایمان نیں وے رکھیندے۔(41) وَل شاگرد بہوں ڈر گئے او ہ آپس ء چ آکھنڑ لگے جو ایہہ کونڑ ہے جیندا ہوا تے پانڑی وی ایندا حکم منیدن۔”
میڈے بھراؤ ا!ساں تساں بھراواں دے بہوں مشکور ہیں جو تساں ساڈے نال رابطے ء چ ہیوے تساں سجنڑاں کوں پتہ ہے جو ساڈی ہر کہانڑی ء چ سوال ہوندن تےایں کہانڑی ء چ پنج سوال ہِن میں امید کرینداہاں جو تساں ساکوں ضرور جواب ڈیسو۔
(۱) جڈاں طوفان آیا تے المسیح کیا کریندے پئے ہَن تےشاگرداں نیں المسیح کوں کیا آکھ تے سڈیا؟
(۲) ایں واقع ء چ ڈو دفعہ آیا ہے جو اوہ خوف زدہ تھی گئے او ہ کیہڑیاں ڈو چیزاں ہَن جنہاں دی وجہ نال او ہ خوف زدہ تھئے؟
(۳) المسیح نیں کیا معجزہ ڈکھایا جو شاگرد دنگ رہ گئے؟
(۴) شاگرد المسیح دی قدرت دے متعلق کیا سیکھدے پئے ہَن ایہہ معجزہ ڈیکھ تے انھاں نیں کیا آکھیا؟
(۵) کیا ساڈی زندگیاں ء چ طوفان آ سگدن ، جے اینویں ہوے تاں ساکوں کیا کرنڑ ا چاہیدا ہے۔؟
ساڈے ڈتے گئے نمبر تےضرور رابطہ کرائے تہاڈ ا رابطہ کرنڑدا شکریہ۔
