بدروحاں دے چنگل ء چ ہک بندہ (مرقس ۵ باب)
مرقس ۵ باب
(تعارف)میڈے بھراؤ ا! ج اساں تہاکوں ڈسیسوں جو المسیح نیں ہک بندے کوں بدروحاں توں کیویں شفاء ڈتی ،اساں ایہہ وی سکھدے ہَیں جو آزاد تھیونڑ توں بعد لوک خدمت کر سگدے ہَن بھانویں انھاں دا تعلق غیر قوم نال کیوں نہ ہووے۔
(مرقس 5باب ،4-1 آیات )1المسیح تے اوندے شاگرد جھیل دے پار گراسینیاں دے علاقے ء چ پجے۔2جڈاں المسیح بیڑی توں لتھا تاں فوراََ ہک بندا جیندے ء چ بدروحاں ہَن اوہ قبرستان توں نکل تے اونکوں ملیا 3او ہ قبرستان ء چ راہندا ہئی اونکوں کوئی زنجیراں نال نہ بدھ سگدا ہئی4 کیوں جو اوہ بار بار بیڑیاں تے زنجیراں نال بدھا گیا ہا لیکن اوہ زنجیراں کوں تروڑ تے ٹکڑے ٹکڑے کر سٹیندا ہا کوئی اونکوں قابو نہ کر سگدا ہا۔(۵) او ہ ہمیشہ رات ڈینہہ قبر ستان تےپہاڑاں ء چ رُھڑدا تے اپنڑے آپ کوں زخمی کر ڈیندا ہا۔(۶) اوہ المسیح کوں دور توں ڈیکھ تے بھجیا تے اونکوں سجدہ کیتا۔(۷) وَل اُچی آواز نَال رُڑھ تے آکھیا اے المسیح ! خدا دے پوتر (صفہ نمبر۳ دے تعارف ء چ ڈیکھو) اوں آکھیا میکوں تیڈے نال کیا کم؟۔(تعارف ۸:۱۳) تیکوں خدا دی قسم ڈینداہاں جو میکوں عذاب ء چ نہ سَٹ کیوں جو المسیح نیں8 اونکوں آکھیا اے ناپاک بدروح ایں بندے ء چوں نکل ونج ۔ 9وَل المسیح نیں اونکوں آکھیا تیڈا ناں کیا ہے اوں آکھیا میڈا ناں لشکر ہے کیوں جو اساں بہوں ہَیں۔(مرقس:۵:۱۱تا 20) (۱۱) اوں پہاڑ ا تے ہک سوراں دا ایجڑچردا پیا ہا۔ (12) انھاں نیں المسیح کوں منت کر تے آکھیا ساکوں انھاں سوراں دے ایجڑ ء چ ونجڑ ڈے۔ (13) بس اونیں انھاں کوں اجازت ڈتی او ہ ناپاک بدروحاں انھاں ء چوں نکل تے سوراں دے ایجڑء چ داخل تھی گییاں او ہ ایجڑ کوئی ڈو ہزار دے قریب ہا پ۔ تے پہاڑی توں ڈھے تے جھیل ء چ بڈمَریا۔(14)انھاں کوں چرانونڑ آلیاں نیں بھج تے شہر تے دیہات ء چ خبر پچائی۔(15) بس لوک ایہہ ماجرا ڈیکھ تے المسیح دے کولھ آئے ،جیندے ء چ بدروحاں دا لشکر ہا اونکوں بیٹھے تے کپڑے پاتے ڈیکھ تے ڈر گئے۔(16) ڈیکھنڑ آلیاں نیں اوندا حال جیندے ء چ بدروحاں ہَن تے سوراں دا ماجرہ انھاں کوں بیان کیتا۔(17) او ہ المسیح کوں منت کر تے آکھنڑ لگے ساڈی حد توں لگا ونج۔(18) جڈا ں او ہ بیڑی ء چ داخل تھیونڑ لگا تاں جیندے ء چ بدرحاں ہَن اونیں درخواست کیتی جو میں تیڈے نال راہواں۔(19) پر المسیح نیں آکھیا توں اپنڑے لوکاں دے کولھ تے اپنڑے گھر ونج تے ڈس جو خدا دی ذات نیں تیڈے کیتے کیجھے وڈے کم کیتے ہن تے تیڈے اتے رحم کیتا ہے۔(20) اوہ گیا تے دکپلس اچء ایں گالھ دا چرچا کرنڑلگا جو المسیح نیں اوندے کیتے کتنے وڈے کم کیتے تے سارے لوک حیران تھئے۔۔۔
میڈے بھراؤ ! میں امید کرینداہا ں جو تساں خیریت نال ہوسو تے اج دی کہانڑی تہاکوں بہوں چنگی لگی ہوسی اساں تساں بھرانواں دے بہوں مشکور ہِیں جو ساڈی حوصلہ افزائی کیتے ساڈے سوالاں دے جواب ڈیندے ہیوے اساں شکر گزار ہَیں ایں کہانڑی ء چ پنج سوال ہِین تساں ساکوں ضرور جواب ڈیسو۔
(۱) یسوع دے آنونڑتوں پہلے بدروحاں آلے بندے دا کیا حال ہا؟
(۲) جیندے ء چ بدروحان ہَن او ہ بندہ یسوع کوں ڈیکھ تے کیوں رُھنڑ لگا؟
(۳) جیندے ء چ بدروحاں ہَن اوں بندے نیں اپنڑا ناں کیا ڈسایا تے ایندا کیا معنی ہے؟
(۴) جڈاں لوک اتھاں پجے تاں انھاں نیں اوں بندے کوں کیہڑی حالت ء چ ڈیٹھا؟
(۵) المسیح نیں اوں بندے کوں جیندے ء چ پہلے بدروحان ہَن کیا آکھیا جو او ہ ونج تے کیا کرے؟
