سلامتی دے فرزند (لوقا ۱۰ باب)
(۲) یسوع المسیح نیں اپنڑے شاگرداں کوں آکھیا جو فصل تاں بہوں ہے پر مزدور تھوڑے ہِین ایں واسطے فصل دے مالک دی منت کرو جو فصل کپنڑکیتے مزدور بھیجے۔(۳) ونجو ،ڈیکھو میں بھیڈاں کوں بھیڑیاں ءچ بھجینداہاں۔(۴) نہ بٹوا گھن ونجو نہ جھولی نہ جتیاں تے نہ راہ ء چ کہینکوں سلام کرائے۔(۵) جیہڑے گھر ء چ داخل تھیوہ پہلے آکھائے جو ایں گھر دی سلامتی ہوے۔(۶) جے اتھاں کوئی سلامتی دا فرزند ہوسی تاں تہاڈا سلام اوندے تےہوسی نہ تاں تہاڈے اتے واپس ول آسی۔(۷) اوں گھر ء چ راہو تے جو کجھ تہاڈے سانمنڑے رکھیا ونجے کھاؤ پیوکیوں جو مزدور اپنڑی مزدوری دا حق دار ہے گھر گھر نہ پھرو۔ (۸) جڈاں شاہر ء چ داخل تھیو جے اتھاں دے لوک تہاکوں قبول کرنڑتاں جیہڑاکجھ تہاڈے سانمنڑے رکھیا ونجے کھاؤ۔(۹) اتھاں دے بیماراں کوں شفاء ڈیوتے آکھو جو آسمان دی بادشاہی تہاڈے نیڑے آ گئی ہے۔ (10) جیہڑا کوئی تہاڈی سنڑدا ہے اوہ میڈی سنڑدا ہے پر جیہڑا تہاکوں رَد کریندا ہے اوہ میکوں رَد کریندا ہے جیہڑا میکوں رَد کریندا ہے او ہ میڈے بھیجنڑ آلے کوں رَد کریندا ہے۔(17) او ہ سَتر خوش تھی تے آئے تے آکھنڑ لگے اے مالک تیڈے ناں ء چ بدروحاں وی ساڈے تابع ہِن۔ (18) یسوع نیں انھاں کوں آکھیا میں شیطان کوں بجلی آلی کار آسمان توں ڈھاندا دا ہویا ڈیدھا پیا ہم (19) ڈیکھو میں تہاکوں اختیار ڈتا ہے جو نانگاں تے وٹھوویاں کوں کچلو تے دشمنڑ دی ساری قدرت اتےغالب آ ؤ تہاکوں ہرگز کہیں چیز نال ضرر نہ پُجسی ۔۔۔۔”
میڈے بھراؤ !میں امید کرینداہا ں جو تساں خیریت نال ہوسو۔تےاج دی کہانڑی تہاکوں بہوں چنگی لگی ہوسی۔ایں کہانڑی ء چ ساڈے چار سوال ہِن میں امید کرینداہاں تساں ساکوں ضرور ولدا ڈیسو۔
(۱) یسوع نیں اپنڑے شاگرداں کوں اپنڑے سفیر بنڑاتے بھیجیاا تے انھاں کوں آکھیا جو جیہڑا کوئی تہاڈی سنڑدا ہے او ہ میڈی سنڑدا ہے یسوع آدھے پئے ہَن جو جے کوئی انھاں کوں رَد کریندا ہے تاں او ہ دراصل کینکوں رَد کریندا ہے؟
(۲) تہاڈے خیال ء چ یسوع دِی ایں گالھ توں کیا مراد ہئی جو میں تہاکوں بھیڈاں ء چ بھجینداں پیاہاں؟
(۳) شاگرد جڈاں کہیں دے گھر ء چ داخل تھیونڑ تاں انھاں کوں کیا کرنڑاں چاہیدا ہے؟
(۴) ایں واقعہ دے مطابق تساں سلامتی دے فرزند کوں کیویں بیان کریسو؟
