ہک بندا جیندا ہتھ سکیا ہویا ہا (متی 12،مرقس 3 باب)
دوستو !اج اساں تساں سجنڑاں کوں سکے ہتھ آلے بندے دی کہانڑی سنڑویسوں ۔اوں بندے دا ہک ہتھ سکیا ہویا ہا۔
(تعارف) موسیٰ دی شریعت دے مطابق حکم ہا جو سبت دے ڈینہہ کوئی کم کاج نہ کیتا ونجے ایں واقعے دے مطابق کیا شاگرد سبت دی خلاف ورزی کریندے پئے ہَن ؟ کیا فریسی واقعی شریعت توں واقف ہَن۔
(متی:12۔1)’’ اوں ویلے المسیح سبت دے ڈینہہ کھیتاں ءچو ں تھی تے ویندے پئے ہن تےاوندے شاگرداں کوں بھک لگی۔ تے اوہ سَٹے تروڑ تروڑ تے کھانونڑلگے۔(2)’’ فریسیاں نیں ایہہ ڈیکھ تے المسیح کوں آکھیا ڈیکھ تیڈے شاگرد او ہ کم کریندے ہن جیہڑےشریعت دے خلاف ہن۔(7)’’ المسیح نیں جواب ڈتاجےتساں ایندے معنی جانڑدے جو میں قربانی نیں بلکہ رَحم پسند کریندا ہاں وَل بے قصوراں کوں قصور وار نہ آہدھے۔(8)’’کیوں جو سبت (ہفتہ دا ڈینہہ) بندے واسطے بنڑیا ہے نہ جو بندہ سبت واسطے۔‘‘ وَل او ہ انھاں دے عبادت خانہ ءچ گیا۔(10)’’ اتھاں ہک بندا ہا جیندا ہتھ سکیا ہویا ہا۔ انھاں نیں المسیح اتےالزام لانونڑ دے ارادے نال اوں توں پچھیا جو‘‘ کیا سبت دے ڈینہہ شفا ڈیونڑاں جائز ہے؟مرقس:3:3‘‘ المسیح نیں اوں بندے کوں جیندا ہتھ سکیا ہویا ہا آکھیا۔’’ ادھ ءچ کھڑا تھی۔(4)’’ تے انہاں کوں آکھیا جو’’ سبت دے ڈینہہ نیکی کرنڑ روا ہے یا بدی کرنڑ؟ جان بچاونڑیا قتل کرنڑ؟’’ او ہ چپ رہ گئے۔ متی۔11۔12۔ المسیح نیں انھاں کوں آکھیا تہاڈے ءچوں ایجھا کونڑہے جیندی ہکو ای بھیڈ ہوے تےاو ہ سبت دے ڈینہہ کھڈے ءچ ڈھے پووے کیا اوہ اونکوں پکڑ تے نہ کڈھیسی؟ بس بندیاں دی قدر تاں بھیڈاں توں وی زیادہ ہے۔ ایں واسطے سبت دے ڈینہہ نیکی کرنڑ واجب ہے۔‘‘ مرقس 5:3او ہ چپ رہ گئے اونیں انھاں دی سخت دلی دے سببوں غمگین تھی تے چارے پاسوں انھاں اتے غصے نال نظرکر تےاوں بندے کوں آکھیا ’’ اپنڑا ہتھ ودھا۔‘‘ اوں بندے نیں اپنڑا ہتھ ودھایا تے اوندا ہتھ ٹھیک تھی گیا۔(6)’’ وَل فریسی المسیح دے خلاف مشورہ کرنڑلگے جو اونکوں کیویں قتل کروں۔”
دوستو !میں امید کرینداہا ں جو ایہہ کہانڑی تہاکوں بہوں چنگی لگی ہوسی ایں کہانڑی ءچ ساڈے چار سوال ہین اساں دوستاں دے بہوں مشکور ہوسوں جو تساں ساکوں انھاں سوالاں دے جواب ڈیسو۔
(1) کیا شاگرد کوئی کم کریندے پئے ہَن؟
(2) المسیح نیں آکھیا جو جےتساں ایندےمعنی جانڑدے۔؟ ایں گالھ توں انھاں دا کیا مطلب ہا۔؟
(3) المسیح نیں سبت دے ڈینہہ کیا معجزہ ڈیکھایا۔؟
(4) فریسیاں کوں انھاں ءچو ں کیا چیز زیادہ پسند ہئی۔ لوک اپنڑا مذہب یا اپنڑے مذہب دی او ہ تشریح پسند کریندے ہن جیہڑی او ہ خود کریندے ہَن۔
