یسوع تےسامری عورت (یوحنا 4:باب)
(تعارف)دوستو ! اج میں اپنڑے بھراواں کوں ہک کہانڑی سنڑوینداں جو ہک سامری عورت کتنیں مرداں نال آوارہ رہی تے یسوع المسیح نیں اوں عورت دے دل دا راز اونکوں ڈس ڈتا تےاو ہ یسوع المسیح تے کینویں ایمان گھن آئی آؤ اساں مکمل کہانڑی سنڑوں خدا روح ہے تےضرور ہے جو خدا دے پرستار روح تےسچائی نال اوندی پرستش کرن۔
(3) یسوع المسیح یہودیہ دے علاقے کوں چھوڑ تےوَل گلیل دو گیا۔(4) تےاوندا سامریہ توں تھی تے ونجڑاں ضرور ہا۔(6) یعقوب دا کھوہ اتھاں ہاتے یسوع المسیح سفر توں تھکیا ہویا اوں کھوہ تے اینویں ای بہہ گیا ایہہ ڈوپہاریں دا وقت ہا تے شاگرد شہر ءچ کھانڑاں گھنڑ کیتے گئے ہوے ہَن ۔سامریہ دی ہک عورت پانڑی بھرنڑآئی۔(7) یسوع المسیح نیں اونکوں آکھیا میکوں پانڑی پلا۔(9) اوں سامری عورت نیں اونکوں آکھیا توں یہودی تھی تے میں سامری عورت توں پانڑی کیوں منگدا ہین؟ (کیوں جو یہودی سامریاں نال کہیں قسم دا ورتاواکائنا رکھیندے ہَن) (10) یسوع المسیح نیں اوں عورت کوں آکھیا جے توں خدا دی بخشش توں واقف ہوندی تاں ایہہ وی جانڑدی جو او ہ کونڑہے جیہڑا تیکوں آہدھا ہے میکوں پانڑی پلا تے توں اوں توں منگدی تےاوہ تیکوں زندگی دا پانڑی ڈیندا۔(11) عورت نیں اونکوں آکھیا اے خُداوندتیڈے کولھ پانڑی بھرنڑکیتے تاں کجھ ہےکائنا ں تےکھوہ جھکا ہےوَل او ہ زندگی دا پانڑی تیڈے کولھ کتھوں آیا۔؟(13) یسوع المسیح نیں جواب ڈتاجیہڑاکوئی ایں پانڑی ءچو ں پیندا ہے او و لا تِرساہوسی پر۔(14) جیہڑاکوئی ایں پانڑی ءچوں پیسی جیہڑا میں اونکوں ڈیساں اوہ ہمیشہ تئیں تِرسانہ راہسی بلکہ جیہڑا پانڑی میں اونکوں ڈیساں او ہ اوندے ءچ ہک چشمہ بنڑ ویسی جیہڑا ہمیشہ دی زندگی کیتے جاری راہسی۔(15) عورت نیں آکھیا اے مالک او ہ پانڑی میکوں ڈے نہ میں تِرسی راہو اں تےنہ اتھاں پانڑی بھرنڑکیتے آنواں۔(16) یسوع المسیح نیں اونکوں آکھیا ونج اپنڑے گھر آلے کوں اتھاں سڈآ۔(17) عورت نیں جواب ء چ اونکوں آکھیا میڈا گھر آلا کائنیں یسوع المسیح نیں آکھیا تئیں ایہہ خوب آکھے جو میڈا گھر آلا کائنیں۔(18) کیوں جو توں پنج پائے بنڑاں چکی ہین جیندے کولھ توں ہنڑہین او وی تیڈا پایا نئیں تیں ایہہ سچ آکھے۔(19) عورت نیں آکھیا اے مالک میکوں معلوم تھیندا ہے جو توں نبی ہیں۔(20) ساڈے پیو ڈاڈے نیں ایں پہاڑ اتےعبادت کیتی تےتساں آہدھے ہیوے جو او ہ جاہ جتھاں پرستش کرنڑی ہے او ہ یروشلیم ءچ ہے۔(23) پر او ہ ویلہ آندا ہے بلکہ ہنڑ ای ہے جو سچے پرستار خدا دی پرستش روح تے سچائی نال کریسن کیوں جو خدا اپنڑے کیتے ایجھےای پرستار گولیندا ہے۔(24) خدا روح ہےتےضرور ہےجو اوندے پرستار روح تے سچائی نال اوندی پرستش کرن۔(25) عورت نیں یسوع المسیح کوں آکھیا میں جانڑدی ہاں جو یسوع المسیح جیہڑا آنونڑآلا ہا جڈاں او ہ آسی ساکوں سارے گالھیں ڈسا ڈیسی۔(26) یسوع المسیح نیں اونکوں آکھیا میں جیہڑا تیڈے نال بولیندا پیاہاں اوہو ہاں۔ (27) اتنےءچ اوندے شاگرد آ گئے تےتعجب کرنڑلگے جو او ہ ہک عورت نال گالھیں کریندا پئے۔(28) عورت اپنڑا گھڑا چھوڑ تے شہر لگی گئی تےلوکاں کوں آکھنڑلگی۔(29) آؤ ہک بندے کوں ڈیکھوجئیں میڈے سارے کم میکوں ڈسا ڈتے۔ کیا ممکن ہے جو یسوع المسیح اوہو ہے۔؟ (30) او ہ شہر ءچوں نکل تے یسوع المسیح دے کولھ آنونڑلگے۔(39) تے ایں شہر دے بہوں سارے سامری ایں عورت دے آکھنڑ نال جئیں گواہی ڈتی جو یسوع المسیح نیں میڈے سارے کم میکوں ڈسا ڈتے اوں تےایمان گھن آئے ۔(40) جڈاں او ہ سامری یسوع المسیح دے کولھ آئے تاں اونکوں درخواست کرنڑلگے جو ساڈے کولھ رہِ ونج او ہ ڈو ڈینہہ اتھاں ریہا۔(41) تے اوندے کلام دے سببوں بئے لوک وی ایمان گھن آئے ۔(42) تے اوں عورت کوں آکھنڑلگے جو ہنڑ اساں تیڈے آکھنڑنال ایمان نیں گھن آندے کیوں جو اساں خود سنڑ گھدا ہے تےجانڑ گھدا ہے جو ایہہ اصل حقیقت ءچ دنیا دا نجات دہندہ ہے۔
دوستو ! ایں کہانڑی وچ پنج سوال ہین میں امید کرینداہاں جو دوست میکوں ضرور جواب ڈیسن۔
(1) پہاڑ تےیروشلیم ڈوہائیں مذہب دی مثالاں ہین لیکن خدا اپنڑی پرستش کیتے کیہڑے قسم دے لوک گولیندا ہے ۔؟
(2) سامری عورت یسوع المسیح نال گفتگو دے دوران کیہڑی گالھ توں حیران تھئی۔؟
(3) جڈاں سامری عورت یسوع المسیح دیاں گالھیں تےایمان گھن آئی تے شاہر دو گئی تاں اوندی زندگی وچ کیا تبدیلی نظر آندی ہے ؟
(4) کیا یسوع المسیح تے نیکدیمس دے وچال تھیونڑآلی گفتگو دے مطابق اساں آکھ سگدے ہیں جو اونکوں نویں سرے توں پیدا تھیونڑدا تجربہ تھیندا پیا ہا۔؟
(5) لوک یسوع المسیح دیاں گالھیں سنڑ تے انھاں دے بارےءچ کیا آکھنڑ لگے
