طلاق دے بارے ءچ تعلیم (مرقس10 باب)

دوستو ! اج میں تہاکوں طلاق دے بارے ءچ کہانڑی سنڑویساں جو ِیسوع المسیح نیں کیا تعلیم ڈتی آؤ اساں مکمل کہانڑی سنڑوں ۔

(۲) کجھ فریسیاں نیں یسوع المسیح دے کولھ آ تے  اونکوں آزماونڑ کیتے اوں توں پچھیا کیا ا یہہ مناسب ہے جو  شوہر اپنڑی ذال کوں طلاق ڈے ڈیوے۔(3)’’ او نیں جواب وچ انھاں کوں آکھیا ’’ موسیٰ نیں تہاکوں کیا حکم ڈتا ہے۔؟ انھاں نیں آکھیا جو ’’ موسیٰ نیں تاں اجازت ڈتی ہے جو طلاق نامہ لکھ تے چھوڑ ڈیو۔(5)’’ مگر یسوع المسیح نیں انھاں کوں آکھیا جو ’’ موسیٰ نیں  تاں تہاڈی سخت دلی دے سببوں تہاڈے واسطے ایہہ حکم لکھیا ہا۔(6)’’ پرخلقت دے شروع توں خدانیں انھاں کوں مرد تے عورت بنڑایا ہے۔(7)’’ ایں واسطے شوہر اپنڑے پیوتے اپنڑی  ماں توں علیحدہ تھی تے اپنڑی ذال دے نال ملیا راہسی تے او ہ ڈوہائیں ہک ڈوجھے نال ملےراہسن۔(9)’’ ایں واسطے جینکوں خدا نیں جوڑیا ہے اونکوں انسان انج نہ کرے۔‘‘(10)’’ گھر ءچ شاگرداں نیں اوں توں ایندی بابت وَل پچھیا۔(11)’’ او نیں انھاں کوں  آکھیا جیہڑاکوئی اپنڑی ذال کوں چھوڑ ڈیوے تے ڈوجھی ذال نال شادی کرے او ہ اوں پہلی ذال دے خلاف زنا کریندا ہے ۔ تے جے ذال اپنڑے شوہر  کوں چھوڑ ڈیوے تے ڈوجھے نال شادی کرے تاں زنا کریندی ہے۔

دوستو ! امید ہے اج دی کہانڑی تساں دوستاں کوں بہوں چنگی لگی ہوسی۔ ایں کہانڑی ءچ وی ساڈے چار سوال ہین۔

(1) کیا خدا کوں طلاق پسند ہے ؟ کیا طلاق خدا دی طرفوں ہے یا انسان دی طرفوں؟

(2)’’ خلقت دے آغاز ءچ خدا نیں آدم دیاں  کتنیاں پسلیاں گھدیاں؟۔ایں توں خدا اکوں کیا ڈسیندے ؟

(3)’’ خلقت دے آغاز ءچ خدا دا منصوبہ کیا ہا؟۔

(4)’’ موسیٰ نیں طلاق دی اجازت کیوں ڈتی ہئی۔؟