فریسی تے سود گھنڑ آلا (لوقا 18 باب)

تعارف: ایہہ کہانڑی اپنڑا تعارف آپ کرویندی ہے ایں کہانڑی ءچ اساں سود دے بارے ءچ سیکھسوں جو یسوع المسیح نیں اوں سود گھنڑ آلے دے گناہ معاف کیتے:

(9)ول  یسوع المسیح نیں بعض لوکاں کوں جیہڑے اپنڑے آپ اتے بھروسہ کریندے ہَن جو اساں راستباز ہیں تے باقی لوکاں کوں نا چیز جانڑدے ہَن ایہہ مثال ڈسی جو۔(10) ڈو بندے ہیکل ءچ دعا کرنڑ کیتے گئے ہک فریسی تے ڈوجھا ڈوجھا سود گھنڑآلا ۔(11) فریسی کھڑا تھی تے اپنڑے دِل وچ ایں دعا کرنڑلگا جو اے خدا میں تیڈا شکر ادا کرینداہاں جو بہیاں لوکاں آلی کار ظالم بے انصاف تے  زنا کار نیں یا ایں محصول گھنڑ آلے عالی کار نیں۔ (12) میں ہفتہ ءچ ڈو پھیری روزہ رکھینداں اپنڑی ساری آمدنڑیں دا ڈاھواں حصہ ڈینداں۔ (13)پرمحصول گھننڑ  آلے نیں دور کنوں کھڑا تھی تے اتنا وی نہ چاہیا جو آسمان آلے پاسے اکھ چاوے  بلکہ چھاتی پیٹ پیٹ تے آکھیا اے خداوند میں گنہگار اتے رحم کر۔(14) میں تہاکوں آہدھاں جو اے بندہ ڈوجھے دی نسبت راستباز کھڑتے اپنڑے گھر گیا کیوں جوجیہڑاکوئی اپنڑے آپ کوں وڈا بنڑیسی او ہ چھوٹا کیتا ویسی تے جیہڑا کوئی اپنڑے آپ کوں چھوٹا بنڑیسی او ہ وڈا کیتا ویسی۔’’

دوستو! ایں کہانڑی وچ پنج 5 سوال ہین میں امید کریندااہں جو اج دی کہانڑی دے سوال تساں میکوں ضرور ڈیسو۔

(1) ایں مثال ءچ خدا دے گھر ءچ کیہڑے ڈو لوک دعا کرنڑ گئے۔؟

(2) ایں واقعہ ءچ فریسی اپنڑے آپ کوں کیا سمجھدا ہا سود گھنڑ آلے نیں کینویں دعا کیتی۔؟

(3) یسوع المسیح نیں کیا فرمایا جو انھاں ڈوہائیں ءچوں کونڑ راستباز ہا۔؟

(4) یسوع المسیح نیں کیا فرمایا جو کیہڑے لوک ہین  جیہڑےوڈے بنڑائے ویسین۔؟

(5) یسوع المسیح نیں ایہہ  مثال کیہڑے لوکاں کوں آکھی۔؟