چنگے آجڑی دی مثال (یوحنا ۱۰ باب)

تعارف: دوستو ! اج میں تہاکوں ہک چنگے آجڑی دی مثال سنڑوینداہا ں جو چنگا آجڑی کینویں اپنڑیاں بھیڈاں دی رکھوالی کریندا ہے المسیح فریسیاں نال گفتگو کریندے  ڈسیندے ہین جو او ہ چنگے آجڑی آلی کار اپنڑیاں بھیڈاں کیتے اپنڑی جان ڈیسین۔

(1)   المسیح نیں فریسیاں کوں آکھیا جو میں تہاکوں سچ آہدھاں جیہڑا کوئی دروازے توں بھیڈاں ءچ داخل نئیں تھیندا بلکہ کہیں بئے پاسو ں چڑھ ویندا ہے او ہ چور تےڈاکو ہے۔(2) لیکن جیہڑا دروازے توں داخل تھیندا ہے او ہ بھیڈاں دا آجڑی ہے۔(3) بھیڈاں اوندی آواز کوں سنڑدیاں ہین تےاو ہ اپنڑیاں بھیڈاں دا ناں گھن گھن تےسڈیندا ہے۔(4)  بھیڈاں اوندے پچھو ںپچھوں ٹردیاں ہین کیوں جو اوہ انھاں دی آواز سنجنڑیندیاں ہین۔(7)  بس المسیح نیں انھاں کوں آکھیا میں تہاکوں سچ آہدھاں جو بھیڈاں دا دروازہ میں ہاں۔(9)  جے کوئی میڈے ء چوں داخل تھیوے تاں او ہ نجات پےسی چور تاں صرف چوری کرنڑ تے ہلا ک کرنڑتےتباہ کرنڑآندا ہے میں ایں واسطے آیا ہاں جو او ہ زندگی پاوین تےکثرت نال پاوین۔(11)  چنگا آجڑی میں ہا ں چنگا آجڑی اپڑیاں بھیڈاں کیتے جان ڈیندا ہے۔(12)  مزدور نہ آجڑی ہے نہ بھیڈاں دا مالک ناہر کوں آندےڈیکھ تے بھیڈاں کوں چھوڑ تےبھج ویندا ہے تے          ناہر انھاں کوں پکڑیندا ہے تے پراگندہ کریندا ہے۔(14)  چنگا آجڑی میں ہاں جینویں باپ میکوں جانڑدا ہے تے میں باپ کوں جانڑدا ہاں۔(15)  تے اینویں  ای میں اپنڑیاں بھیڈاں کوں جانڑدا ہاں تے      میڈیاں بھیڈاں میکوں جانڑدیاں ہین تے میں بھیڈاں کیتے جان ڈیندا ہاں تے میڈیاں بیّاں وی بھیڈاں ہین جیہڑیاں ایں واڑے دیاں نیں  میکوں انھاں کوں وی گھن آنونڑاں ضروری ہے تے او ہ میڈی آواز سنڑسین وَل ہکو ای اجڑ  تے ہکو ای آجڑی ہوسی۔

’’دوستو ! میں امید کرینداہا ں جو تساں خیریت نال ہوسو تے اج دی کہانڑی تساں دوستاں کوں بہوں چنگی لگی ہوسی تے     ایں کہانڑی ءچ ساڈے چار سوال ہین میں امید کرینداہاں جو تساں میڈے حوصلے واسطے ضرور جواب ڈیسو۔

(1) المسیح نیں کیا فرمایا جو او ہ ساکوں کیہڑے قسم دی زندگی ڈیونڑ کیتے آئے۔؟

(2) تہاڈے خیال ءچ کثرت دی زندگی توں کیا مراد ہے ۔؟

(3) مزدور توں کیا مراد ہے۔؟

(4)  المسیح نیں کیہڑیاں بھیڈاں دی گالھ کیتی جیہڑیاں اوندی آواز سنڑسین۔

دوستو ! ساڈے ڈتے گئے نمبر تے انھاں سوالاں دا ضرور جواب ڈیوائے۔