یسوع المسیح ہک موئے بندے کوں کیویں زندہ کریندن (یوحنا 11 باب)
تعارف۔میڈے بھراؤ اج اساں تساں سجنڑاں کوں ایہہ کہانڑی سنڑویسوں جو یسوع المسیح کینویں مردیاں کوں زندہ کریندے ہَن۔ آؤ اساں مکمل کہانڑی سنڑوں ۔
(1) انھاں ڈینہاںءچ لعزر ناں دا ہک بندا بیمار تھی گیا اوہ اپنڑیاں بھینڑیں مریم تے مرتھا دے نال بیت عنیاہ ءچ راہندا ہا۔(3) اوندیاں بھینڑیں نیں یسوع المسیح کوں آکھوا بھیجیا جو اے مالک ڈیکھ جینکوں توں عزیز رکھیندا ہیں او ہ بیمار ہے ۔(7)یسوع المسیح نیں اپنڑے شاگرداں کوں آکھیا آؤ وَل یہودیہ دو جلوں۔(8) شاگرداں نیں اونکوں آکھیا اے استاد ہنڑیں تاں یہودی تیکوں سنگسار کرنڑاں چاہندے ہَن۔(16) توما نیں آکھیا جو آؤ اساں وی جلوں تاں جو اوندے نال مروں۔(17) بس یسوع المسیح کوں آتے معلوم۔ تھیا جو اونکوں قبر ءچ رکھے چار ڈینہہ تھی گئے ہَن۔(19) تے بہوں سارے یہودی مرتھا تےمریم کوں انھاں دے بھرا دے بارے ءچ تسلی ڈیونڑ آئے ہَن۔(21) مرتھا نیں یسوع المسیح کوں آکھیا اے مالک جےکر توں اِتھاں ہوندا تاں میڈا بھرا نہ مردا۔(23) یسوع المسیح نیں اونکوں آکھیا تیڈا بھرا زندہ تھی ویسی۔(24) مرتھا نیں اونکوں آکھیا میں جانڑدی ہاں جو قیامت آلے ڈینہہ زندہ تھی ویسی۔(25) یسوع المسیح نیں اونکوں آکھیا قیامت تےزندگی تاں میں ہاں جیہڑا میڈے اتے ایمان گھن آندے ابھانویں او ہ مر وی ونجے تاں وی زندہ راہسی۔(26) کیا توں ایں تے ایمان رکھیندی ہیں۔؟ (27) اونیں آکھیا ہاں اے مالک میں ایمان گھن آئی ہاں جو توں خدا دا فرزند ہیں۔32:(صفحہ نمبر 3:دے تعارف ءچ ڈیکھو) جڈاں مریم نیں یسوع المسیح کوں ڈیٹھا تاں اوندے قدماں ءچ ڈھے تے اونکوں آکھیا اےیسوع المسیح جے توں اِتھاں ہوندا تاں میڈا بھرا نہ مردا۔(33) جڈاں یسوع المسیح نیں اونکوں تے انھاں دے لوکاں کوں جیہڑے اوندے نال آئے ہَن روندے ڈیٹھا تےدل وچ بہوں رنجیدہ تھیا تےگھبرا تے آکھیا۔(34) یسوع المسیح نیں انھاں کوں آکھیا تساں اونکوں کتھاں رکھیا ہے انھاں نیں آکھیا اے خُداوندچل تے ڈیکھ گھن۔(35) یسوع المسیح دے ہنجھوواہنڑ لگے بس لوکاں نیں آکھیا ڈیکھو لعزر اونکوں کتنا پیارا ہا ۔(38) او ہ ہک غار ہئی تےغار دے منہ اتے ہک وڈا پتھر رکھیا ہا ۔(39) یسوع المسیح نیں فرمایا ایں پتھر کوں ہٹا ڈیومرتھا نیں آکھیا اے مالک اوندے ء چوں تاں ہنڑ بدبو آندی ہے۔(40) کیوں جو اونکوں مرے چار ڈینہہ تھی گئے ہَن یسوع المسیح نیں اونکوں آکھیا میں تیکوں آکھیا نہ ہم جو جے توں ایمان گھن آسیں تے خدا دا جلال ڈیکھسیں۔(41) بس انھاں نیں اوں پتھر کوں ہٹا ڈتا وَل یسوع المسیح نیں اکھیں چا تے اپنڑے باپ توں دعا کیتی تےاچی آواز نال سڈیا اے لعزر نکل آ۔(44) جیہڑا مر گیا ہا او ہ کفن سمیت ہتھ پیر بدھیا ہویا نکل آیا تےاوندا چہرہ رومال نال ولھیٹیا ہویا ہا یسوع المسیح نیں انھاں کوں آکھیا اونکوں کھول تے ونجنڑ ڈیو ۔
میڈے بھراؤ! میں امید کرینداہا ں جو اج دی کہانڑی تہاکوں بہوں چنگی لگی ہوسی ایں کہانڑی ءچ ساڈے سوال چار ہِین میں امید کرینداہاں جو میڈے بھرا بہوں جلدی انھاں سوالاں دے جواب ڈیسن۔
(1) لعزر کوں قبر ءچ رکھیا کتنا عرصہ تھی گیا ہا۔؟
(2) یسوع المسیح نیں مرتھا کوں آکھیا جو اوہ قیامت تے زندگی ہَین انھاں نیں ایں گالھ کوں کینویں ثابت کیتا۔؟
(3) جڈاں یسوع المسیح روئے تاں ہک دفعہ وَل ساکوں ہمدردی نظر آندی ہے۔؟
(4) یسوع المسیح دا شاگرد بنڑڑاں کوئی آسان کم نہ ہا توما رسول دے الفاظاں تےغور کرو
