امیر جوان بندا (متی ۱۹ باب، مرقس ۱۰ باب)
(تعارف) میڈے بھراؤ! میں امید کرینداہاں جو تساں خیریت نال ہوسو اساں اج تہاکوں ہک کہانڑی سنڑویسوں جو امیر بندے کیا کم کیتا تےالمسیح نیں کیا جواب ڈتا۔
(18) المسیح نیں اونکوں آکھیا توں میکوں نیک کیوں آدھیں میں کوئی نیک نیں مگر ہک یعنی خدا۔(19) توں حکماں کوں تاں جانڑدا ہیں خون نہ کر ۔زنا نہ کر ۔چوری نہ کر ۔جھوٹی گواہی نہ ڈے۔فریب نہ ڈے تے نقصان نہ کر تے اپنڑے پیو تےماں دی عزت کر۔(20) اونیں آکھیا اے استاد میں تاں لڑکپن توں انھاں سارےگالھیں اتے عمل کیتے المسیح نیں اونکوں آکھیا ہک گالھ دی تیڈے ءچ کمی ہے جو کجھ تیڈا ہے غریباں کوں ڈے ڈے تیکوں آسمان اتےخزانہ ملسی تےآ میڈے پچھوں ٹر۔(22)’’ اے گالھ سنڑتے اوندے چہرے تےاداسی آ گئی تے او ہ غمگین تھی تے لگا گیا کیوں جو او وڈا دولت مند ہا۔(متی:19۔23)’’ المسیح نیں اپنڑے شاگرداں کوں آکھیا میں تہاکوں سچ آدھاں جو دولت مند دا آسمان دی بادشاہی ءچ داخل تھیونڑاں مشکل ہے۔(24)’’ اوٹھ دا سوئی دے نک ءچوں نکل ونجنڑاں ایں کنوں آسان ہےجو دولت مند خدا دی بادشاہی ءچ داخل تھیوے۔(25)’’ شاگرد ایہہ سنڑ تے حیران تھئے تے آکھنڑلگے وَل کونڑنجات پا سگدا ہے۔؟(26)’’ المسیح نیں انھاں آلے پاسے ڈیکھ تے آکھیا اے بندیاں کول تاں نیں تھی سگدا پرخدا توں سارا کجھ تھی سگدا ہے۔؟(27)’’ ایں تے پطرس نیں جواب ءچ آکھیا ڈیکھ اساں تاں سارا کجھ چھوڑ تے تیڈے پچھو ں آ گئے ہیں بس ساکوں کیا ملسی۔؟(مرقس:10۔29)’ المسیح نیں فرمایا میں تہاکوں سچ آدھاں جو ایجھا کوئی نیں جئیں گھر یا بھراواں یا بھینڑیں یا ماں پیو بالاں یا کھیتاں کوں میڈی خاطر چھوڑ ڈتا ہوے۔(30)’’ تےہنڑایں زمانہ وچ سو گنا نہ پاوے تےآونڑآلے عالم ءچ ہمیشہ دی زندگی۔(31)’’ لیکن بہوں سارے اول آخر تھی ویسین تے آخر اول۔
دوستو ! ایں کہانڑی ءچ ساڈے چار سوال ہین میں امید کرینداہاں انھاں سوالاں دے تساں جواب ضرور ڈیسو۔ ساڈے حوصلے واسطے ساڈا پہلا سوال ہے۔
(1) امیر بندے نیں المسیح دی پیشکش دا کیا جواب ڈتاجو او ہ آ تے انھاں دے پچھو ں ٹرے۔؟
(2) شاگرد کیہڑی گالھ توں حیران تھئے۔؟
(3) المسیح نیں کیا فرمایا جو خدا دے نیڑے کیا کجھ ممکن ہے؟
(4) بہوں سارے اول آخر تھی ویسین تےآخر اول۔ایں توں حضرت المسیح دی کیا مراد ہئی۔؟
