یسوع اندھے  برتمائی کوں شفا ڈیندے ( مرقس ۱۰ باب)

(تعارف) میڈے بھراؤ!  ایں کہانڑی دا تعارف ایہہ ہے جو المسیح نیں  اوں اندھے کوں کینویں سڈ یا ۔ اساں ایں کہانڑی اتےغور کریسوں تے مکمل  کہانڑی سیکھسوں۔

(46) المسیح یریحو ءچ آیا تے جڈاں اوندے شاگرد تے ہک وڈی بھیڑ نکلدی  پئی ہئی تاں برتمائی اندھا فقیر جیہڑا  راہ دے کنارے بیٹھا ہویا ہا۔(47)  ایہہ سنڑتے جو المسیح  ناصری ہے ریڑھ  ریڑھ  تے آکھنڑلگا ایہہ ابنِ داؤد میڈے اتےرحم کر۔(48) ابنِ داؤدالمسیح دا ہک لقب ہے جیہڑا المسیح دے المسیح تھیونڑآلے پاسے اشارہ کریندے۔ برتمائی کوں ایں لقب دا پتہ ہا  پر  لوک اونکوں چپ راہنڑاتےمجبور کریندے پئے ہَن تےکجھ لوکاں نیں  اونکوں دڑکایا جو چپ راہوے پر او ہ زیادہ رُڑیا جو ابنِ  داؤد میڈے اتےرحم کر۔(49)  المسیح نیں  کھڑے تھی تے آکھیا اونکوں سڈ اؤ  بس انھاں نیں  اوں اندھے کوں ایہہ آکھ تے سڈیا جو حوصلہ رکھ المسیح تیکوں سڈیندا پئے۔(50)  او ہ اپنڑا کپڑا رکھ تے اچھل پیا تے  المسیح دے کولھ آیا۔(51)  المسیح نیں  اونکوں آکھیا توں کیا چاہندیں جو میں تیڈے واسطے  کراں ۔  برتمائی نیں  آکھیا اے استاد ایہہ جو میں ڈیکھ سگاں ۔(52)  المسیح نیں  اونکوں آکھیا تیڈے ایمان نیں  تیکوں چنگا کر ڈتا ہے او ہ فوراً ڈیکھنڑ لگ پیا تےاوندے پچھوں ٹر پیا۔’’ ایں کہانڑی ء چ ترے سوال ہِن۔

(1)  برتمائی نیں جڈاں سنڑیا جو المسیح آندا پئے تاں اوندے ذہن ءچ المسیح دا کیا تصور بھریندا پیا ہا۔؟

(2)  المسیح نیں برتمائی کوں آکھیا توں کیا چاہندا ہِیں جو میں تیڈے کیتے کیا کراں۔؟

(3) اپنڑے حوالے نال ایں سوال دا جواب کینویں ڈیسو۔؟