فا تحا نہ داخلہ ( مرقس ۱۱ باب، لوقا ۱۹ باب، یوحنا ۱۲ باب)
(تعارف) المسیح کرنسی دا کاروبار کرنڑآلیاں توں خوش نہ ہَن جیہڑے ڈوجھے ملک توں آنونڑ آلیاں کوں مہنگی کرنسی ویچ تے لوٹیندے ہَن المسیح نیں فرمایا میڈا گھر ساریاں قوماں کیتے دعا دا گھر اکھویسی پر تساں اونکوں چوراں دا اڈہ بنڑا ڈتے۔ اج اساں ایں کہانڑی توں جو کجھ سیکھوں ہک بئے کوں ونڈ سگوں آؤ اساں مکمل کہانڑی سنڑوں۔(لوقا:19:29)
جڈاں المسیح بیت عنیاہ دے نیڑے یروشلیم ء چ اپڑیا تاں اینویں تھیا جو اونیں اپنڑے شاگرداں کوں ایہہ آکھ تے بھیجیا۔(30) جو سانمنڑے دے شاہر ءچ ونجو تےاوندے ءچ داخل تھیندے ای ہک کھوتی دا بچہ بدھیا ہویا ملسی جیندے اتے کڈھائیں کوئی بندہ سوار نیں تھیا اونکوں کھول تے گھن آؤ۔(31) جے کوئی تہاڈے توں پچھے جو کیوں کھولیندے پئے ہیوے تاں ایں آکھ ڈیوائے جو خُداوند کوں ایندی ضرورت ہے۔(32) بس جیہڑے بھیجے گئے ہَن انھاں نیں ونج تے جیویں اوں انھاں کوں آکھیا ہا اونویں ای کیتا۔(33) جڈاں کھوتی دے بچے کوں کھولیندے پئے ہَن تاں اوندے مالک نیں انھاں کوں آکھیا جو ایندا بچہ کیوں کھولیندے پئے ہیوے۔؟ (34) انھاں نیں آکھیا جوخُداوند کوں ایندی ضرورت ہے بس انھاں نیں انھاں کوں گھن ونجنڑ دی اجازت ڈے ڈتی تےاو ہ کھوتی دے بچے کوالمسیح دے کولھ گھن آئے تےلوکاں نیں اپنڑے کپڑے کھوتی دے بچے تے سَٹ ڈتے۔ المسیح کھوتی دے بچے تےسوار تھی گئے بہوں سارے لوکاں نیں اپنڑے کپڑےراہ ءچ وچھا ڈتے تےکئی لوکاں نیں کھجیاں دیاں چھڑیاں کپ تے راہءوچ وچھا ڈتیاں۔(37) تےجڈاں المسیح شاہر دے نیڑے زیتون دے پہاڑ دے نیڑے اپڑیا تاں شاہراں دیاں ساریاں جماعتاں انھاں ساریاں معجزاں دے سبب نال جیہڑے انھاں نیں ڈیٹھے ہَن خوش تھی تے وڈی آواز نال خدا دی حمد کرنڑلگی جو مبارک ہے او ہ بادشاہ جیہڑا خدا ئےعظیم دے ناں تےآندا ہے۔(یوحنا:12:17) جینویں جو لکھیا ہے ڈیکھ تیڈا بادشاہ کھوتے دے بچے تےسوار تھیا آندا ہے۔(لوقا:39:19) ’’بھیڑ ءچوں پہلے فریسیاں نیں المسیح کوں آکھیا اے استاد ! اپنڑے شاگرداں کوں دڑکا ڈے۔(40) المسیح نیں جواب ءچ آکھیا میں تہاکوں آدھا ہاں جو جےایہہ چپ رہ گئے۔(41) تاں پتھر رڑھ مار تے اٹھسن ول او ہ ہیکل ءچ ونج تے خریدو فروخت کرنڑ آلیاں کوں کڈھنڑلگا۔(46) تے لین دین کرنڑآلیاں دے تخت الٹا ڈتے تےانھاں کوں آکھیا میڈا گھر ساریاں قوماں کیتے دعا دا گھر ہوسی پر تساں اینکوں ڈاکوواں دا گھر بنڑا ڈتے۔(47) تے المسیح ہر روز ہیکل ءچ تعلیم ڈیندا ہا پر سردار کاہن تے فقیہہ تے قوم دے امیراونکوں ہلاک کرنڑدی کوشش ءچ ہَن۔(48) پرکوئی تدبیر نہ کڈھ سگے جو ایہہ کینویں کرنڑکیوں جو سارے لوک وڈے شوق نال انھاں دی سنڑدے ہَن۔
’’میڈے بھراؤ! اساں تساں سجنڑاں دے بہوں مشکور ہیں جو تساں ساڈے نال رابطے ءچ ہیوے ایں کہانڑی ءچ چار سوال ہین۔آؤ اساں سوال سنڑوں۔
(1) جڈاں المسیح کھوتی دے بچے اتےسوار تھی تے یروشلیم اپڑیا تاں لوک وڈی آواز نال کیا سڈنڑ لگے۔؟
(2) المسیح نیں کیا فرمایا جو ہیکل کیا بنڑچکی ہئی۔؟
(3) کرنسی دا لین دین کرنڑ آلیاں نیں ہیکل کوں ڈاکوواں دا گھر کینویں بنڑا گھدا ھا ۔؟
(4) ایں واقعہ دے مطابق وَل او ہ ہیکل ءچ ونج تے خریدو فروخت کرنڑ آلیاں کوں کڈھنڑ لگا تےلین دین کرنڑ آلیاں دے تخت الٹا ڈتے ایہہ کینجھا منظر ہوسی۔؟
