تیکوں ایہہ اختیار کائیں ڈتے ( متی ۲۱ باب)
(تعارف) ایں کہانڑی دا تعارف ایہہ ہے جو فریسی ایں گالھ ءچ بے خبر ہَن جو المسیح کوں اختیار کتھوں ملے۔ ؟(23) المسیح ہیکل ءچ آیا تے جڈاں او ہ تعلیم ڈیونڑ لگا تاںسردار کاہن تےقوم دے بزرگ اوندے کولھ آئے تےپچھنڑلگے جو توں انھاں کماں کوں کیہڑے اختیار نال کریندا ہین تےایہہ اختیار تیکوں کائیں ڈتاہے۔
(24) المسیح نیں جواب ڈتاجو میں وی تہاڈے توں ہک سوال پچھنڑاں چاہنداہاں جے میکوں جواب ڈیسو تاں میں وی تہاکوں ڈسیساں جو میں وی انھاں کماں کوں کیہڑے اختیار نال کرینداہاں۔(25) یوحنا دا بپتسمہ کتھو ں ہا آسمان دی طرفوں یا انسان دی طرفوں ۔؟ او ہ آپس ءچ آکھنڑلگے جو جے آسمان دی طرفوں وَل اوہ اکھیسی تساں اوندا یقین کیوں نہ کیتا۔(26) تےجے آکھوں انسان دی طرفوں تاں اساں عوام توں ڈردے ہیں کیوں جو سارے یوحنا کوں نبی منیدن ہن۔(27) بس انھاں نیں جواب ءچ المسیح کوں آکھیا اساں نیں جانڑدے وَل اونیں آکھیا میں وی تہاکوں نیں ڈسینداں جو انھاں کماں کوں کیہڑے اختیار نال کریندا ہاں۔؟(28) تساں کیا سمجھدے ہیوے اونیں انھاں کوں ہک تمثیل ڈتی جو ہک بندے دے ڈو پوتر ہَن اونیں پہلے دے کولھ ونج تے آکھیا پوتر ونج اج تاکستان ءچ کم کر۔(29) اونیں جواب ءچ آکھیا میں نیں ویندا وَل بعد ءچ پچھتا تے گیا پیا۔(30) وَل او ہ ڈوجھے پوتر دے کولھ گیا تے اونکوں وی ایویں ای آکھیا اوں آکھیا جی ابا وَل گیا نہ۔(31) انھاں ڈوہائیں ءچوں کائیں اپنڑے پیو دی مرضی پوری کیتی انھاں نیں جواب ڈتاپہلے نیں المسیح نیں انھاں کوں آکھیا میں تہاکوں سچ آدھاں جو ٹیکس گھننڑآلےتےطوائفیں تہاڈے توں پہلے خدا دی بادشاہی ءچ داخل تھیندے پئین کیوں جو یوحنا راستبازی دی راہ ڈیکھانونڑکیتے تہاڈے کولھ آیا تےتساں اوندا یقین نہ کیتا پر ٹیکس گھننڑآلے تےطوائفاں نیں اوندا یقین کیتا تےتساں ایہہ ڈیکھ تے بعد ءچ وی نہ پچھتائے جو اوندا یقین کر گھندے۔
میڈے بھراؤ!میں امید کرینداہاں جو اج دی کہانڑی تساں سجنڑاں کوں بہوں چنگی لگی ہوسی۔تہاکوں پتہ وی ہے جو ساڈے آخر ءچ سوال ہوندن۔ ایں کہانڑی ءچ ساڈے ترے سوال ہِین آؤاساں سوال سنڑوں۔
(1) سردار کاہن یوحنادے متعلق کیا تسلیم نہ کرنڑاں چاہندے ہَن۔؟
(2) سوال پچھنڑدے پچھو ںفریسیاں دی نیت کیا ہوندی ہئی۔؟
(3) المسیح نیں کیا فرمایا جو سردار کاہناں توں پہلے کونڑآسمان دی بادشاہی ءچ داخل تھیسی؟
