کہانڑی نمبر 67 (متی ۲۲ باب)

ایں کہانڑی دا کوئی تعارف کائنی ایہہ کہانڑی اپنڑا تعارف خود کرویندی ہے آؤ اساں مکمل کہانڑی سنڑوں۔

(15)  و َل فریسی باہر ونج تے مشورہ کرنڑلگے جو المسیح کوں گالھیں ء چ کیویں پھساؤں انھاں نیں  اپنڑے شاگرداں کوں المسیح دے کول بھیجیا۔(16) فریسیاں دے شاگرداں نیں المسیح دے کول ونج تے آکھیا اے استاد اساں جانڑدے ہیں جو توں سچاہیں  تے خدا     دی راہ دی تعلیم ڈیندا ہیں تے بندیاں دی پرواہ نیں کریندا کیوں جو توں کہیں بندے دا طرفدار کائنی ۔(17)  بس ساکوں ڈسا  تیڈے خیال ءچ قیصر کوں جزیہ ڈیونڑ ٹھیک ہے یا نئیں۔(18)  پر المسیح نیں انھاں دی شرارت جانڑ تے آکھیا میکوں کیوں آزمیندے ہیوے۔(19) جزیہ دا سکہ میکوں ڈیکھاؤاوہ ہک دینار اوندے کولھ گھن آئے۔(20)  اونیں انہاں  کوں آکھیا ایہہ صورت تےناں کیندا ہے۔؟(21) تےانھاں کوں آکھیا جیہڑا قیصردا ہےقیصر کوں تےجیہڑا  خدا داہے خداکوں ادا کرو۔(22) انھاں نیں ایہہ  سنڑ تے تعجب کیتا تےاونکوں چھوڑتے لگے گئے۔

میڈے بھراؤ! میں امید کرینداہا ں جوتساں خیریت نال ہوسو تےاج دی کہانڑی تساں سجنڑاں کوں بہوں چنگی لگی ہوسی۔تےایں کہانڑی ءچ ساڈے ترےسوال ہِین۔ میں امید کرینداہاں جو تساں انھاں سوالاں دے ضرور جواب ڈیسو۔

(1) کیہڑے لوکاں کوں ٹیکس ادا کرنڑاں چاہیدا ہے۔؟

(2) تہاڈے خیال ءچ المسیح نیں کیا آکھیا ہوسی جوخدا  داکیا ہے۔؟

(3) فریسی ہک دفعہ وَل المسیح کوں پھسانونڑدی کوشش کیوں کریندے پئے ہَین۔؟