سَت بھرا تے ہک عورت (متی ۲۲ باب)

تعارف :  ایں کہانڑی دا تعارف ایہہ ہے جو ایہہ کہانڑی ساکوں ہک عورت تےست مرداں دے بارے ءچ ڈسیندی ہے جو ہک عورت جئیں ست مرداں نال شادی کیتی تےقیامت دے ڈینہہ او ہ کہندی ذال بنڑی آؤ اساں مکمل کہانڑی سنڑوں۔

(23) صدوقی فرقہ دے لوکاں نیں جیہڑے آدھے ہَن جو قیامت نہ ہوسی المسیح دے کولھ آتے سوال کیتا جو۔(24)  اے استاد موسیٰ نیں فرمایا ہا جو جے کوئی بندہ بے اولاد مر ونجے تاں اوندا بھرا اوندی ذال نال شادی کر گھنے تےاو ہ اپنڑے بھرا کیتے نسل پیدا کرے۔(25)  ہنڑساڈے ست بھرا ہَن پہلے شادی کیتی تےبے اولاد مر گیا ایں سببوں اوندی اولاد نہ تھی ذال اپنڑے بھرا کیتے چھوڑ گیا۔(26)  ایویں ڈوجھا  تریجھا تےستویں تئیں۔(27)  ساریاں توں  بعد او ہ عورت مر گئی۔(28)  بس او ہ قیامت ءچ انھاں ستائیں ءچوں کیندی ذال ہوسی کیوں جو ساریاں نیں اوندے نال شادی کیتی ہئی۔(29)  المسیح نیں جواب ءچ انھاں کوں آکھیا تساں گمراہ ہیوے ایں واسطے کتابِ مقدس کوں نیں وے جانڑدے تےنہ خدا دی قدرت کوں۔(30) کیوں جو قیامت ء چ بیاہ شادی نہ ہوسی بلکہ لوک آسمان اتےفرشتیاں آلی کار ہوسن۔(31)  پر مردیاں دے جی اٹھنڑ دی بابت جیہڑا خدانیں تہاکوں فرمایا ہا کیا تساں اوہ  نیں پڑھیا جو۔(32)  میں ابرہام دا خدا تےیعقوب دا خدا تے اضحاق دا خدا ہاں اوہ تاں مردیاں دا خدا کائنیں بلکہ زندیاں دا خدا  ہے۔(33)  لوک ایہہ سنڑ تے اوندی تعلیم توں حیران تھئے۔

’’میڈے بھراؤ!  ایں کہانڑی ءچ ای ترے سوال ہِین آؤاساں سوال سنڑوں۔

(1) غور کرو جو کیویں المسیح نیں ہک احمقانہ سوال کوں وی تعلیم ڈیونڑدے موقع وچ بدل ڈتا۔؟

(2) مذہبی راہنما جیہڑےصدوقی آکھویندے ہَن انھاں کوں کیا معلوم نہ ہا۔؟

(3) آنونڑآلے جہان ءچ لوک کنھاں آلی کار ہوسن۔؟