فریسیت دی بے نقابی (متی ۲۳ باب)
تعارف : میڈے دوستو ! ایں کہانڑی ءچ اساں ایہہ سیکھسوں جو فریسیت دی بے نقابی کیویں تھئی آؤ اساں مکمل کہانڑی سنڑوں۔
(1) المسیح نیں لوکاں نال تےاپنڑے شاگرداں نال ایہہ گالھیں کیتیاں۔
(2) جو شریعت دے عالم تے فریسی موسیٰ دی گدی تےبیھٹے ہَن۔
(3) بس جیہڑا کجھ تہاکوں اوہ ڈسین اوہ سارا کرو تےمنو پرانھاں جیہےکم نہ کرو کیوں جو ،جیہڑا او ہ آدھن کریندے نئیں۔
(4) پر او ہ اپنڑے سارے کم لوکاں کوں ڈیکھاونڑکیتے کریندین۔
(5) کیوں جو اوہ اپنڑے تعویز وڈے بنڑیندن تے اپنڑی پوشاک دے کنارے چوڑے رَکھیندین۔
(6) پرجیہڑا تہاڈے ءچوں وڈا ہے اوہ تہاڈا نوکر بنڑے تے جیہڑا کوئی اپنڑے آپ کوں وڈا بنڑاوے او ہ چھوٹا کیتا ویسی تےجیہڑا اپنڑے آپ کوں چھوٹا بنڑیسی اوہ وڈا کیتا ویسی۔
(15) اے ریا کارو شریعت دے عالمو تے فریسیو تہاڈے اتےافسوس تساں بیوہ عورتاں دے گھراں تےقبضہ کر گھندے ہیوے تے ڈکھاوے کیتے لمبیاں لمبیاں دعاواں کریندے ہیوے تہاکوں زیادہ سزاملسی۔؟ (17) اے ریاکارو شریعت دے عالمو تےفریسیو تہاڈے اتےافسوس ہک مرید بنڑاونڑ کیتے سمندر تےریتلے علاقے دے لمبے لمبے سفر کریندے ہیوے تےجڈاں او ہ مرید تھی ویندا ہے تاں اونکوں اپنڑے توں زیادہ جہنم دا فرزند بنڑا ڈیندے ہیوے(27) اے ریاکارو شریعت دے عالمو تےفریسیو تہاڈے تے افسوس جو تساں چِٹی تھئی ہوئی قبراں آلی کار ہیوے جیہڑی اتوں تاں خوبصورت ڈیکھائی ڈیندی ہے پر اندروں مردیاں دیاں ہڈیاں تےہر طرح دی نجاست نال بھریاں ہَن۔(28) ایویں ای تساں وی ڈیکھاوے ءچ تاں لوکاں کوں راستباز ڈیکھائی ڈیندے ہیوے پر باطن ءچ ریا کاری تےبے دینی نال بھرے ہیوے۔(37) اے یروشیلم اے یروشیلم توں جیہڑا نبیاں کوں قتل کریندا تےجیہڑےپیغمبر تیڈے کولھ بھیجے گئے انھاں کوں سنگسار کریندا ہانویں کتنی دفعہ میں چاہیا جو جیویں مرغی اپنڑے بچیاں کوں اپنڑےپراں تلےجمع کر گھندی ہے اونویں ای میں تیڈے چھوہراں کوں کٹھا کر گھناں پر تئیں نئیں چاہیا۔ (39) میں تہاکوں آدھاں جو ہنڑ میکوں ہر گز نہ ڈیکھسو جئیں تیئں نہ آکھسو جو مبارک ہے اوہ جیہڑا خداونددے ناں توں آندا ہے ۔
دوستو ! ایں کہانڑی ءچ ترےسوال ہِن میں امید کرینداہاں جو تساں ساکوں انھاں سوالاں دے ضرور جواب ڈیسو۔آؤ اساں سوال سنڑوں۔
(1) موسیٰ دی گدی کیکوں ظاہر کریندی ہے موسیٰ دی گدی تے کیہڑے لوک بیٹھے ہَن۔؟
(2) کیہڑے لوک بیوہ عورتاں دے گھراں تےقبضہ کر گھندے ہَن۔؟
(3) وڈا بنڑڑ دے متعلق المسیح نیں کیا سیکھایا۔؟
