یسوع المسیح دے نشانات (متی ۲۴ باب)

تعارف: دوستو ! ایں کہانڑی دا تعارف ایہہ ہے جو المسیح دی آمد ثانی دے کیا نشان ہیں ۔آؤاساں مکمل کہانڑی سیکھوں ۔

(1)  المسیح ہیکل توں نکل تے ویندا پیا ہا جو اوندے شاگرد اونکوں ہیکل دی عمارتاں ڈکھانونڑلگے اونیں جواب ءچ انھاں کوں آکھیا کیا تساں اِنھاں چیزاں کوں نئیں ڈیدھے اِتھاں کہیں پتھر تےپتھر باقی نہ راہسی جیہڑا سٹیا نہ ویسی۔(3)  وَل جڈاں المسیح زیتون دے پہاڑ تےبیٹھا ہا تاں اوندے شاگرداں نیں اوندے کولھ آ تے آکھیا تیڈے آنونڑتےدنیا دے آخر ہونڑ دا نشان کیا ہوسی۔(6) المسیح نیں جواب ءچ انھاں کوں آکھیا تساں لڑائیاں تے لڑائیاں دی افواہ جھوٹے نبی فتنہ کال تے بھوچال دے بارے ءچ سنڑ سو قوماں قوماں تے چڑھائی کریسن لا قانونیت وَدھ ویسی۔(12) تے بے دینی دے ودھنڑ نال بہوں سارے لوکاں دی محبت ٹھڈھی پے ویسی۔(14) تے بادشاہی دی ایں خوشخبری دی منادی ساری دنیا ءچ ہوسی تاں جو ساریاں قوماں کیتے گواہی ہوئے وَل خاتمہ ہوسی۔(37)  جیویں مقدس  نوح دے ڈینہاں ءچ تھیا اونویں ای ابنِ آدم دے آنونڑ ویلے ہوسی۔(38)  کیوں جو  طوفان توں پہلے لوک کھاندے پیندے ہَن ویا ہ شادی کریندے ہَن اوں ڈینہہ تئیں جو نوح بیڑی وچ داخل تھیا۔(39) جئیں تیئں طوفان آ تے ساریاں کوں وہا نہ گیا انھاں کوں خبر نہ تھئی اونویں  ای ابنِ آدم دا آنونڑاں ہوسی۔(40)  اوں ویلے ڈو بندے کھیت ءچ ہوسن ہک گھن گھدا ویسی ہک چھوڑ ڈتا ویسی۔(41)  ڈو عورتاں چکی پیندھیاں ہوسن ہک گھن گھدی ویسی ڈوجھی چھوڑ ڈتی ویسی۔(42)  بس جاگدے راہو کیوں جو تساں نئیں جانڑدے جو تہاڈا خداوندکیہڑے ڈینہہ آسی۔؟(45)  بس اوہ  دیانت دار  نوکر کیہڑا  ہِےجینکوں مالکاں نیں اپنڑے نوکر چاکراں اتےمقرر کیتا تاں جو وقت تےانھاں کوں کھانڑاں ڈیوے۔(46)  مبارک ہے اوہ  نوکر جینکوں اوندا مالک آتے اینویں ای کریندا ڈیکھے۔

دوستو ! اساں تساں سجنڑاں دے بہوں مشکور ہیں جو تساں  ساڈے سوالاں دے جواب      ڈیندے ہوآؤ سوال  سنڑوں۔

(1) المسیح نیں ہیکل  دے متعلق کیا پیشنگوئی کیتی۔؟

(2)  المسیح کیا فرمایا جو دنیا دے خاتمے دےوقت کیا ہوسی۔؟

(3) لا قانونیت دا کیا اثر ہوسی۔؟

(4) حضرتِ المسیح نیں کیا فرمایا جو دنیا دا خاتمہ کڈھاں ہوسی۔؟

(5) حضرتِ المسیح کنہاں کوں مبارک نوکر آدھن۔؟