مصلوبیت ( لوقا ۲۳ باب ، یوحنا ۱۸،۱۹ باب)
(تعارف) ’’دوستو ! اج اساں المسیح دی مصلوبیت دے بارے ءچ سیکھسوں جو راہنماواں نیں المسیح کوں مار ڈیونڑکیتے انھاں کوں صرف رومی حکومت توں اجازت درکار ہئی۔
(لوقا:23۔1)’’ وَل انہیں دی ساری جماعت المسیح کوں پیلاطس دے کولھ گھن گئی۔(2)’’ تے انھاں نیں المسیح تے الزام لانونڑ شروع کیتا جو اساں اونکوں قیصر کوں ٹیکس ڈیونڑتوں منع تےاپنڑے آپ کوں المسیح بادشاہ آدھے سنڑے۔(یوحنا۔18۔33)’’بس پیلاطس قلعے ءچ داخل تھیا تے المسیح کوں سڈ کے آکھیا کیا توں یہودیاں دا بادشاہ ہیں؟ (لوقا۔23۔21)’’ پراو ہ رڑھ کے آکھنڑلگے جو اینکوں مصلوب کرو مصلوب کرو۔(23)’’ اوہ رڑھ رڑھ کے اگوں تےتھی کے آکھنڑ لگےجو اوہ مصلوب کیتا ونجے آخر کار انھاں دی آواز غالب آئی۔(24)’’ پیلاطس نیں حکم ڈتاجو انھاں دی درخواست دے موافق ہووے۔(26)’’ تےسپاہیاں نیں شمعون ناں دےہک کرینی کوں پکڑ کے صلیب اوندے اتےلڈی جو یسوع المسیح دے پچھو ںپچھوں ٹُرے۔(32)’’ تےاو ہ ڈو بئے بندیاں کوں وی جیہڑے بدکار ہَن گھدی ویندے ہَن جو المسیح دے نال مصلوب کیتے ونجنڑ۔(33)’’ جڈاں اوہ اوں جاتے اپڑے جینکوں گلگتہ (یعنی۔کھوپڑی) آدھین تاں اتھاں المسیح کوں مصلوب کیتا تے بدکاراں کوں وی ہک کوں سجے پاسوں تے ہک کوں کھبے پاسوں۔(34)’’المسیح نیں آکھیا اے ابا انھاں کوں معاف کر کیوں جو ایہہ نیں جانڑدے جو کیا کریندن ہین تےانھاں نیں المسیح دے کپڑیاں دے حصے کیتے تے انھاں تے قرعہ سٹیا۔(35)’’ تےلوک کھڑے ڈیدھے پئے ہَن تے سردار وی ٹھٹھے مار تے آدھے ہَن جو ایں بنہاں کوں بچایا ہا جے ایہہ خدا دا فرزند ہے تاں اپنڑے آپ کوں بچاوے۔(39)’’ وَل جیہڑے بدکار صلیب تے لٹکائے گئے ہَن انھاں ءچوں ہک المسیح کوں ایہہ طعنیں ڈے کے آکھنڑ لگا کیا توں المسیح کائنی اپنڑے آپ کوں تےساکوں بچا۔(40)’’ مگر بئیاںنیں اونکوں جھڑک کے جواب ڈتاجو کیا توں خدا توں وی نیں ڈردا۔(41)’’ اساں تاں اپنڑے جرماں دی سزا پیندے پئے ہاں پر اوں کوئی جرم نیں کیتا وَل اونیں آکھیا اے یسوع جڈاں توں اپنڑی بادشاہی ءچ آنویں تاں میکوں ضرور یاد کریں۔(43)’’ المسیح نیں اونکوں آکھیا جو میں تیکوں سچ آدھاں جو توں اج ای میڈے نال فردوس ءچ ہوسیں۔(44)’’ وَل فجر توں گھن کے ڈوپاہرتئیں ملک ءچ اندھارا پیا رہیا۔(46)’’ وَل المسیح نیں اُچی آواز نال آکھیا اے ابا میں اپنڑی روح تیڈے ہتھ ءچ ڈینداں تے ایہہ آکھ تے دم ڈے ڈتا۔(50)’’ یوسف ناں ہک بندا مشیر ہا جیہڑا نیک تے راستباز ہا۔(51)’’ تے اونہاندی صلاح تےکم نال رضا مند نہ ہا۔(52)’’ او نیں پیلاطس دے کولھ ونج کےالمسیح دی لاش منگی جو اونکوں صلیب توں لہا کے دفناوے۔(یوحنا۔16۔39)’’ تےنیکدیمس وی آیا۔(لوقا۔23۔53)’’ تےاِنھاں نیں المسیح دی لاش کوں لہاتے قیمتی چادر ءچ ولیھٹیا تے وَل ہک قبر دے اندر رکھ ڈتا جیہڑی چٹان ءچ کھٹی ہوئی ہئی تےاوندے ءچ کوئی کڈھائیں رکھیا نہ گیا ہا۔(55)’’ تےاوہ عورتاں جیہڑیاں اوندے نال گلیل ءچوں آیاں ہَن پچھوں پچھو ںونج تے ایں قبر کوں ڈیٹھا تےایہہ وی جو اوندی لاش کینویں رکھی گئی ہے۔(56)’’ تےوَل تے چیزاں تےخشبو دار چیزاں تےعطر تیار کیتا تےسبت(ہفتہ )’’ دے ڈینہہ تاں انھاں نیں حکم دے مطابق آرام کیتا۔
دوستو ! اج میں امید کرینداہا ں جو ایہہ کہانڑی تہاکوں بہوں چنگی لگی ہوسی تےایہہ تساں دوستاں دی مہربانی ہے جو تساں ساڈے نال رابطے ءچ ہیوے ۔ایں کہانڑی وچ پنج سوال ہِین میں امید کرینداہا ں جو انھاں سوالاں دے تساں ضرور جواب ڈیسو۔
(1) المسیح کوں مصلوب کرنڑ کیتے کیہڑے اختیار دی ضرورت ہئی؟
(2) المسیح دی پنطس پیلاطس نال ملاقات تھئی تے پیلاطس نیں المسیح کوں سزائے موت سنڑوائی کیا اینویں ممکن ہا جو رومی حکومت نیں غلطی نال کہیں بئے کوں مصلوب کر ڈتا ہووے؟ جڈاں پیلاطس نیں آکھیا میکوں المسیح ءچ کوئی قصور نظر نیں آیا تےمذہبی راہنماواں نیں کیا کیتا؟
(3) مقدس ابراہیم دا اپنڑے پوتر کوں قربان کرنڑ دا نبوتی واقعہ دراصل پہلی عید قربان ہے ایں واقعہ کوں اساں المسیح دی قربانی ءچ پورا تھیندا ہویا ڈیدھے ہیں اِتھاں ایہہ گالھ واضع طور تےنظر آندی ہے جو خدانیں المسیح کوں ایں دنیا ءچ ایں واسطے بھیجیا ہاتاں جو اوہ اپنڑی جان قربانی دے طور تے پیش کر تے لوکاں دے گناہاں دا کفارہ ڈیوےیسوع المسیح نیں انھاں لوکاں کیتے کیا دعا کیتی جیہڑے اونکوں مصلوب کریندے پئے ہَن؟
(4) کیا تہاکوں یاد ہے جو مقدس یوحنانیں المسیح دے بپتسمے دے وقت کیا نبوت کیتی ہئی؟(ڈیکھو واقع نمبر35)
(5) نیکدیمس تےیوسف نیں المسیح کوں مصلوب تھیندے ہوئےڈیٹھا ہا انہائیں ڈیہاڑے المسیح دی لاش کوں صلیب توں وی لہایا گیا ہا کیا اینویں تھی سگدا ہے جو ایہہ ڈوہائیں ایہہ وی نہ سنجانڑ سگے جو او ہ المسیح ای دی لاش کوں قبر ءچ رکھیندے پئے ہَن؟
