المسیح دےناںءچ شفا (اعمال:3 باب)
(تعارف)’’ دوستو ! اج اساں ایں کہانڑی ءچو ں سیکھسوں جو المسیح نیں پیدائشی لنگڑے کوں کینویں شفا ڈتی تے آونڑآلے لوکاں نیں اوں لنگڑے کوں کینویں ڈٹھا آؤ اساں مکمل کہانڑی سنڑوں۔؟
(1)’’ پطرس تےیوحنا دعا کیتے ڈوپاہریں دے بعد ہیکل دو ویندے پئے ہَن۔(2)’’ تے لوک ہک پیدائشی لنگڑے کوں گھدِی آندے ہن جینکوں ہر روز ہیکل دے اوں دروازے تے بیٹھا ڈیندے ہن جیہڑا خوبصورت دروازہ سَڈویندا ہا تاں جو ہیکل ءچ ونجنڑ آلیاں توں خیرات منگے۔(5)’’ پطرس نیں اونکوں ڈٹھا تےآکھیا ساڈے دو ڈیکھ او ہ انھاں کنوں کجھ ملنڑ دی امید نال متوجہ تھیا (6)پطرس نیں آکھیا چاندی یا سونا تاں میڈے کول کائنی پر جیہڑاکجھ میڈے کولھ ہے او ہ تیکوں ڈتی ویندا ں المسیح دے نَاں نال ٹر پھر۔(7)’’ تے پطرس نیں ا وندا سجا ہتھ پکڑ تے اونکوں اٹھایاتے اوں ویلے ای اوندے پیر تے گٹے مضبوط تھی گئے۔(8)’’ تے او ہ بندہ بھرکاری مار تے کھڑا تھی گیا تےٹرنڑپھیرنڑ لگ گیاتے ٹپ مریندے تے کددیاں ہویاں خدا دی حمد کرنڑ لگا۔(9)’’ تے سارے لوکاں نیں اونکوں ٹپ مریندے ہویاں تےخدا رب دی حمد کریندے ہویاں ڈٹھا۔(10)’’ اونکوں سنجانڑیا جو او ہ اوہوہے جیہڑا ہیکل دے سوہنڑے دروازے تےبہہ تے خیرات منگدا ہا تےایں ماجرے توں جیہڑا اوں تے واقع تھیا ہا بہوں حیران تھئے جڈاں او ہ پطرس تے یوحنا کوں پکڑی ودا ہاتاں سارے لوک حیران تھی تے انھاں دو بھجدے آئے۔(12)’’ پطرس نیں ایہہ ڈیکھ تے لوکاں کوں آکھیا جو اے اسرائیلیو ! تساں ایندے تےکیوں تعجب کریندے ہیوے تےساکوں کیوں اینویں ڈیدھے ہیوے جو اساں اپنڑی قدرت یا دینداری نال ایں بندے کوں ٹر دا پھر دا کر ڈتے۔؟ (13)’’ ابراہام تے اضحاق تے یعقوب دے خدا یعنی ساڈے پیو ڈاڈے دے خدااپنڑے بندے المسیح کوں جلال ڈتا جینکوں تساں پکڑوا ڈتاتاں جو قتل کیتا ونجے تے تساں اوندا انکار کیتے۔(15)’’ تے زندگی دے مالک کوں قتل کیتا جینکوں خدانیں مردیاں ءچو ں زندہ کیتا اوندے اساں گواہ ہیں۔(16)’’ اوندے ناں تے اوندے ایمان دے وسیلے نال جیہڑا اوندے ناں ءچ ہے اوں بندے کوں مضبوط کیتا جینکوں تساں ڈیدھے ہیوے۔(17)’’ ہنڑایہہ بھراؤ ! میں جانڑدا ہاں جو تساں ایہہ کم نا دانی نال کیتے تے اینویں ای تہاڈے سرداراں نیں وی کیتا ہا۔(19)’’ بس توبہ کرو تاں جو تہاڈے گناہ مٹائے ونجنڑ تے اینویں خدادے حضور توں تازگی دے ڈینہہ اآون۔(24)’’سارے نبیاں نیں انھاں ڈینہاں دی بابت کلام کیتا۔(25)’’ تساں نبیاں دی تے اولاد ایں عہد دے شریک ہیوے جو خدانیں تہاڈے پیو ڈاڈے نال بدھیا جڈاں مقدس ابرہام کوں آکھیا جو تیڈی اولاد توں دنیا دے سارے گھرانڑے برکت پیسن۔
دوستو ! اج دی ایں کہانڑی ءچ ساڈے پنج سوال ہین۔ آؤ اساں سوال سنڑوں۔
(1) پطرس نیں بھکاری کوں کیا آکھیا۔؟
(2) پطرس نیں پیدائشی لنگڑے دی شفا دا سارا جلال جلدی نال کینکوں ڈتا۔؟
(3) پطرس نیں لوکاں کوں کیا آکھیا جو گناہاں دی معافی کیتے انھاں کوں کیا کرنڑاں ہے۔؟
(4) کیہڑی گالھ توں اینویں محسوس تھیندا ہے جو پطرس کوں ایں گالھ دی سمجھ آنونڑاں شروع تھی گئی ہئی جو خدانیں ابراہام دے نال عہد بدھیا ہا۔؟
(5) ساکوں پطرس دی زندگی ءچ کیہڑیاں تبدیلیاں ہوندیاں ہویاں نظر آندین۔؟
