فلپس مبشر: اعمال8۔باب
(تعارف)’’ دوستو ! ایں کہانڑی دا تعارف کجھ ایہہ ہےجو ستفنس دی شہادت دے بعد جماعت اتےبہوں وڈا ظلم تھیا تےایمان گھن آونڑ آلے آسو ں پاسوں کھنڈ گئے ہک شاگرد ہَن جنھاں دا ناں فلپس ہا اوہ سامریہ دے علاقے ءچ لگے گئے ایہہ اوہوعلاقہ ہےجتھاں المسیح دی ملاقات کھوہ تےہک سامری عورت نال تھئی ہئی ۔آؤ اساں مکمل کہانڑی سنڑوں۔
(4) جیہڑے ایماندارمختلف علاقیاں ءچ کھنڈ گئے ہَن او ہ جاہ جا ہ کلام دی خوشخبری ڈیندے ریہے۔(5) تےفلپس سامریہ دے شہر ءچ ونج تے معجزے ڈیکھیندا ہا۔(6) تےلوکاں نیں انھاں کوں سنڑکے تےایہہ ڈیکھ تے اوندیاں گالھیں تے دِل لایا۔(7) کیوں جو بہوں سارے لوکاں ءچ ناپاک روحاں ہَن او ہ اچی آواز نال رڑھ رڑھ تے نکل گیاں تےبہوں سارے مفلوج تے لنگڑے شفا پا گئے۔(8) تےاوں شہر ءچ بہوں خوشی تھئی۔(9) شمعون ناں داہک بندا اوں شہر ءچ جادو گری کریندا ہا اوندا دعویٰ ہا جو میں وی کوئی خاص بندا ہاں۔(12) پر جڈاں انھاں نیں فلپس دا یقین کیتا جیہڑاخدا دی بادشاہی تےالمسیح دے ناں دی خوشخبری ڈیندا ہا تےسارے لوک بھانویں مرد بھانویں عورتاں بپتسمہ گھننڑ لگے۔(13) تےشمعون نیں خود وی یقن کیتا تے بپتسمہ گھن تے فلپس دے نال ریہاتےنشان تےوڈے وڈے معجزے تھیندے ڈیکھ تے حیران تھیا۔(14) جڈاں رسولاںنیں جیہڑے یروشلیم ءچ ہَن سنڑیا جو سامریاں نیں خدادا کلام قبول کر گھدےتے پطرس تے یوحنا کوں انھاں دے کولھ بھیجیا۔(15) انھاں نیں ونج تے انھاں کیتے دعا کیتی جو روح القدس پاوین۔(16) کیوں جو انھاں نیں صرف المسیح دے ناں تے بپتسمہ گھدا ہا۔(17) و َل پطرس تے یوحنا نیں انھاں دے اتے ہتھ رکھے تےانھاں نیں روح القدس پایا۔(18) جڈاں شمعون نیں ڈیٹھا جو شاگرداں دے ہتھ رکھنڑنال روح القدس ڈتا ویندےتے انھاں دے کولھ پیسے گھن ونج تے۔(19) آکھیا جو میکوں وی ایہہ اختیار ڈیوجو میں جئیں تے ہتھ رکھاں او ہ روح القدس پاوے۔(20) پطرس نیں اونکوں آکھیا تیڈے پیسے تیڈے نال غرق تھیونڑ ایں واسطے جو تیں خدا دی بخشش کوں پیسیاں نال حاصل کرنڑ دا خیال کیتے۔(21) تیڈا ایں کم ءچ کوئی حصہ نئیں کیوں جو تیڈا دِل خدا دے نیڑے خالص نئیں۔(22) بس اپنڑی بدی توں توبہ کر تے خداتوں دعا کر جو شائد تیڈے دِل دے ایں خیال دی معافی تھیوے۔(23) کیوں جو میں ڈیدھا پیاں جو توں کڑواہٹ تےناراستی دے بند ءچ گرفتار ہیں (24) شمعون نیں جواب ءچ آکھیا تساں میڈے واسطے خدا توں دعا کرو جیہڑیاں گالھیں تساں میکوں ڈسیاں ہین انھاں ءچو ں کوئی میڈے تے پیش نہ آوے۔
دوستو ! میں امید کرینداہا ں جو تساں دوستاں کوں کہانڑی بہوں چنگی لگی ہوسی۔ایں کہانڑی ءچ ساڈے ترےسوال ہین آؤاساں سوال سنڑوں۔
(1) سامریہ وچ وڈی خوشی دی وجہ کیا ہئی؟
(2) شمعون جادو گر کونڑ ہا او کیہڑی شیخی مریندا ہا جو اورب دے روح دی بخشش کیویں حاصل کر سگدا ہے ۔؟
(3) شمعون جادو گر دی گالھ دا پطرس نیں کیا جواب ڈتا۔؟
