یروشلیم ءچ مشاورتی اجتماع (اعمال ۱۵ باب)
(تعارف)’’دوستو ! میں امید کرینداہاں جو اج دی کہانڑی تساں بھرانواں کوں بہوں چنگی لگسی ایں کہانڑی دا تعارف کجھ ایہہ ہےِ ایہہ خوشخبری جیہڑی موت تےفتح پاتی گئی ہے یہودی ثقافت تے رسماں توں ٓزاد تھیونڑتوں شروع تھیندی ہے ۔آؤاساں مکمل کہانڑی سنڑوں۔
(1)’’ وَل کُجھ لوک یہودیہ ءچ آ تے بھرانواں کوں تعلیم ڈیونڑلگے جو اگر موسیٰ دی رسم دے موافق تہاڈا ختنہ نہ تھیوے تاں تساں نجات نئیں پاسگدے۔(2)’’ بس جڈاں پولس تے برنباس دی انھاں نال بہوں تکرار تےبحث تھئی تے ایمانداراں دی جماعت نیں ایہہ ایکا کیتا جو پولس تےبرنباس تےانھاں ءچوں کُجھ لوک ایں مسلے کیتے شاگرداں تے بزرگاں دے کولھ یروشلیم ونجنڑ۔(4)’’ جڈاں او ہ یروشلیم ء چ اپڑے تاں ایمانداراں دی جماعت تےشاگرد تےبزرگ انھاں کوں خوشی دے نال ملے تےانھاں نیں سارا کجھ بیان کیتا جیہڑا خدا نیں انھاں دی معرفت کیتا ہا۔(5)’’ پر فریسیاں دے فرقے ءچ جیہڑے ایمان گھن آئےہَن انھاں ءچو ں بنہاں نیں اٹھ تے آکھیا جو انھاں دا ختنہ کرانونڑاں تےموسیٰ دی شریعت تےعمل کرنڑدا حکم ڈیونڑاں ضروری ہے۔(7)’’ پطرس نیں کھڑے تھی آکھیا اے بھراؤ! غیر قوماں میڈی زبان توں خوش خبری دا کلام سنڑتے ایمان گھن آئین۔(8)’’ تےخدانیں جیہڑا دلاں کوں جانڑدا ہےانھاں کوں وی روح القدس بخشیا ہےِ جیہڑا او نیں ساکوں وی ڈتاہے ۔(9)’’ تے ایمان دے وسیلے نال انھاں دے دِل پاک کر تے ساڈے ءچ تےانھاں دے ءچ کوئی فرق نہ رکھیا۔(11)’’ حالانکہ ساکوں یقین ہے جو جینویں او ہ المسیح دے فضل ای نال نجات پیسن ایویں اساں وی پیسوں۔(12)’’ وَل ساری جماعت چپ راہی تےبرنباس تے پولس دا پیغام سنڑڑلگی جو خدا نیں انھاں دی معرفت بنہاں قوماں ءچ کیجھےکیجھے نشان تےعجیب کم ظاہر کیتے۔(13)’’ جڈاں او ہ چپ تھئے تاں یعقوب آکھنڑلگا اے بھراؤمیڈی سنڑو۔(14)’’ شمعون نیں بیان کیتے جو خدانیں کینویں پہلی قوماں تے توجہ کیتی تاں جو انھاں ءچو ں اپنڑے ناں دی ہک امت بنڑا گھنے۔(19)’’ بس میڈا فیصلہ ایہہ ہے جو جیہڑے بہیاں قوماں آلے پاسو ں خدا آلے پاسے آئے ہین اساں انھاں کوں تکلیف نہ ڈیووں ۔(20)’’ پر انھاں کوں لکھ تے ہدایت کروں جو بتاں دی مکروہات تے حرام کاری تے گچی گھٹّےہوئے جانوراں دا گوشت کھاونڑتےلہو پیونڑ توں پرہیز کرین۔(22)’’ شاگرداں تےبزرگاں نیں چند بندے چنڑے تےانھاں کوں خط ڈے تے انطاکیہ بھیجیا۔(30)’’انھاں نیں انطاکیہ پُج تے جماعت کوں اکٹھا کر تے انھاں کوں خط ڈتا۔(31)’’ او ہ خط پڑھ تے اوندے تسلی بخش مضمون توں خوش تھئے۔
دوستو ! تساں دوستاں کوں پتہ ہےجو ساڈی ہر کہانڑی دے آخر ءچ سوال ہوندن ۔تےایں کہانڑی ءچ پنج سوال ہین۔
(1) یہودیہ توں آونڑآلے لوک انطاکیہ ءچ کیہڑی گالھ دی تعلیم ڈیونڑلگے؟ کائیں انھاں دی مخالفت کیتی؟
(2) یروشلیم دی مشاورتی کونسل دا اجلاس کیوں منعقد تھیا؟ ایہہ کونسل کیوں اتنی اہم ہئی؟ المسیح دی قربانی دے وسیلے نال حاصل تھیونڑآلی نجات دی خوشخبری ءچ یہودی رسومات وی شامل کر گھدیاں ہَن کیاہنڑ انھاں رسماں کوں ترک کر ڈتاویندا ہے ۔؟
(3) مقدس پطرس تے مقدس پولس کوں کیا سمجھ آئی ہئی جو خدا دی بادشاہی ءچ کونڑ کونڑداخل تھی سگدا ہے؟
(4) شاگرداں تےبزرگاں نیں کیہڑا فیصلہ کیتا ہا؟ ایں فیصلے نیں غیر قوم دے لوکاں کوں کیہڑی الجھن توں رہائی ڈتی۔؟
(5) مشاورتی کونسل نیں کیہڑا فیصلہ کیتا جو ایماندار کیا کرنڑتوں پرہیز کرین۔؟
